المغامره التي حلمت بها...

القصه..

كان في بنت اسمها ريما ريما كانت بنت طموحه وروحها حلوه وتعشق الخيول  وشجاعه بشكل مو طبيعي  وتعرف تدافع عن نفسها بالضرب وطول عمرها تحلم تخوض مغامره ما تتوقعها مغامره يكون فيها حزن واكشن وحب ...
ريما عندها اخو اكبر منها ب سنتين واخو ثاني الي هو اكبر واحد اكبر من ريما ب خمس سنين وعندها اخت اكبر منها ب اربع سنين وكانت ريما اصغر وحده بين اخوانها بيان وسعود وسعد سعود اخوهم الكبير كان مقرب مرا من ولد عمها الي هو فيصل لدرجه انو كان يبي فيصل يتزوج ريما بس ريما كانت رافضه تماما هي تعتبر فيصل مثل اخوها والمشكله الكبيره انه ام ريما تبي ريما بعد تتزوج فيصل وكل العايله يبونها تتزوج فيصل ما عدا ابوها ابوها هو الوحيد الي كان معها معها في كل شي وكان يقول ريما حره تحب وتتزوج الي تبيه ماتقدرون تغصبونها على شي وكانت ريما تحب ابوها كثير الانه دايم واثق فيها ومعها
ويوم من الايام صار نقاش حاد على طاوله الطعام وهم ياكلون وكان:
سعود: يبا فيصل واهله جاين اليوم يتقدمون ل ريما اختي
ريما: بس انا ما ابي!!
سعود : البنت لولد عمها فاهمه ولا افهمك بطريقتي
بيان : واخوي صادق فيصل هو المناسب لك ورح تتزوجينه بالطيب ولا بالغصب!
ريما : طيب دام واثقه فيه هالكثر ليش ما تتزوجينه انتي!!
سعد : مهبوله انتي بيان اكبر من فيصل!!
مريم(الام) : اخوانك كلهم صح البنت لولد عمها ومالها غيره فيصل من نصيبك وانتي من نصيبه
ريما: بس انا ما ابييي!!
مريم ( الام) : مو شغلي تبين ما تبين فيصل من نصيبك يعني من نصيبك يعني بتكسرين كلمتي!!
ريما: يما انا ما ابي اتزوج خلاصصص!
الاب(سلطان) : ماتفهمون انتو البنت بتتزوج الي تبيه والي بيكسر كلمتي لا انا ابوه ولا هو ولدي فاهمين !!
ريما مارح تتزوج فيصل طول ما راسي يشم الهوا!!
سعود: بس يا ابوي...
الاب(سلطان) : لا ابوي ولا ابوك بتكسر كلمتي يا سعود؟؟؟
سعود : لا يبا بس...
الابو: خلاص اتوقع كلامي واضح!!
قام الابو وراح غرفته جته الام وقال وش فيك يا ابو سعود خلاص حصل خير وبعدين سعود ما قال شي غلط قال الابو: يامريم خلاص وحتا انتي البنت ماتبي تتزوج خلاص بكيفها!

جا اليوم الثاني وكان الابو مرا تعبان وقال
ياسعود ياسعود
سعود: نعم يبا آمر
ابو سعود : جيب البنادول راسي مصدع!!
سعود : يبا بس انت لازم تروح المستشفى شف كيف حالتك تعبان يلا امش يبا امش المستشفى
ابو سعود : يلا يلا اهخخ
سعود: يما بيان ريما سعد امشو نودي ابوي المستشفى
الام: يلا
سعد وبيان : جايين
ريما : جيت
ركبو السياره وراحو المستشفى قال الدكتور بعد مافحص ابو سعود
الدكتور : حاله ابوكم جدا جدا خطره ابوكم فيه مرض وانتو تأخرتو بعلاجه ولازم ندخله عمليه الآن وضروري !!
سعود: دكتور بس هو محتاج العمليه؟
الدكتور: اقولك محتاجها جدا ولا رح نفقده لسمح الله
ريما: سعود وش رح نسوي؟؟
سعود:انطمي انتي ! خلاص دكتور تمام رح نسوي العمليه
الدكتور : ممتاز رح ندخل ابو سعود لغرفه التخدير وانت تعال معي لازم توقع اوراق بس في شي ماقلته  ترا ممكن العمليه ماتنجح الانها خطرا جدا
سعود: انت تقول محتاجها؟
الدكتور: اي
سعود اجل خلاص نتوكل على الله!
بعد ما وقع سعود الاوراق وجلسو ينتظرون بالساعات فجأه يطّلع الدكتور ووجه مايبشر بالخير والي صار :
ريما: دكتور ها ها بشر
سعود : وش صار دكتور
الدكتور : ابيكم تهدون وتاخذون شهيق وزفير!
سعود :دكتورررر وش السالفه!
الدكتور : ابوكم عطاكم عمره الله يرحمه ويغفر له
سعود: اءاء ايشششش!!
ريما : يبااااا ابي اشوفهههه يباااا
الام : سلطاننن اهخخخ لا تتركني
بيان: يبااااا💔💔
سعد : لا لا لا لا يبااااا
وبعد مرور فتره من موت الاب مر اسبوع كامل وكان أسوأ اسبوع بالنسبه لهم ومرو في انهيار عصبي وكل شي
سعود : يا جماعه يما بيان ريما سعد اسمعوني زين من يوم مات المرحوم انا اللحين مسؤل عن البيت وعنكم وانا المسؤل عن القررات!
الام : صحيح اخوك هو الكبير وهو بمثابه ابوكم!
سعود : انا اتوقع انو بعد موت ابوي لازم نغير الاجواء شوي ابوي  صار له اسبوع كامل ميت واتوقع هذا الاسبوع كان أسوأ اسبوع
بالنسبه لنا كلنا ونحتاج نغير الاجواء بزواج ريما من... فيصل
ريما: بس انا قلت ما ابي ابوي توه ميت ما صار له اسبوع!!
سعود: تبين ولا ماتبين مب شغلي بتتزوجينه غصب! وبكرا اهله بيجون يتقدمون لك وبعده علطول ملكتكم وبعدها زواجكم!! فاهمه ولا لا!!
ريما: قلت لك ما ابي يا سعوددد!!
سعود : مب بكيفك يلا انقلعي غرفتك!
راحت ريما الغرفه ودخلت وسكرت الباب وكانت تبي تفضفض ل اي احد وقررت انها تفضفض لصديقتها نورا اخذت جوالها وكانت المحادثه زي كذا