Feng Yin Tian Xia မြန်မာဘာသာပြန် စဆုံး

အပိုင်း (၅၃) မင်းက သူမ မဟုတ်ဘူး

အပိုင်း (၅၃) မင်းက သူမ မဟုတ်ဘူး!

ဟွားကျူ့ယွီ သူမ၏လက်ရှိအနေအထားနဲ့ပတ်သက်ပြီး စိုးရိမ်ပူပန်လာခဲ့တယ်။ တစ်ဘက်မှာ ကျိုးယာ၏ဂုဏ်ပုဒ်က သူမကို များစွာသောကောင်းကျိုးတွေ သယ်ဆောင်ပေးခဲ့ပေမဲ့ ပြဿနာတွေအများကြီးကိုလည်း သယ်ဆောင်လာခဲ့သည်။ ဥပမာပေးပြောရမယ်ဆိုရင် နိုင်ငံရေးအရလက်ထပ်ပွဲ၊ အခုချိန်မှာ သက်ဝင်လှသည့် မင်္ဂလာလှည်းတန်းကြီး တစ်လှမ်းပြီးတစ်လှမ်း နီးကပ်လာရင်း ဗုံသံတွေနဲ့ ခရာသံတွေ ကျယ်လောင်စွာထွက်ပေါ်လာတော့သည်။

အနောက်ပိုင်းလျန်ဒေသ၏ နန်းတက်ဘုရင်အသစ်က ထိမ်းမြားလက်ထပ်ပွဲအတွက် လက်ဖွဲ့ပစ္စည်းတွေနဲ့ သံတမန်တစ်ယောက်ကိုစေလွှတ်လိုက်တယ်လို့ ဟွေရွှယ်ပြောကြားလာသည်။ သူတို့ အရင်ဆုံး နန်းတော်ဆီသွားပြီး မြောက်ပိုင်းဘုရင်မင်းမြတ်နဲ့ တွေ့ဆုံခဲ့တယ်၊ ထို့နောက် ဘုရင်မင်းမြတ်၏ခွင့်ပြုမိန့်နှင့်အတူ အိမ်ရှေ့စံ၏အိမ်တော်သို့ လက်ဖွဲ့ပစ္စည်းများ သယ်ဆောင်လာတာဖြစ်သည်။

ဟွားကျူ့ယွီတစ်ယောက် ဒီနှစ်ထဲမှာ သူမရဲ့မင်္ဂလာပွဲအခမ်းအနားတွေ ကုန်ပြီလား မကုန်သေးဘူးလားဆိုတာ တွက်ချက်မေးမြန်းကြည့်ဖို့ တာအို့ဆရာတော်ကြီးတစ်ပါးကို တကယ်ပဲ သွားရှာချင်လာခဲ့တယ်။ ဒီနှစ်ထဲမှာ ဘာကြောင့် မင်္ဂလာပွဲတွေအများကြီး ရှိနေရတာလဲ?

ပထမဆုံး… တောင်ပိုင်းဘုရင်မင်းမြတ်ဟာ သူမကို မင်းသမီး၄နှင့် မင်္ဂလာပွဲချီးမြှင့်ချင်ခဲ့တယ်။ ဘုရင်မင်းမြတ်ကို လိမ်လည်တဲ့အပြစ်ကိုရှောင်ရှားပြီး သူမရဲ့ပုံစံအမှန်ကို ဖုံးကွယ်ထားဖို့အလို့ဌာ သူမမှာ ဟန်ဆောင်သေဖို့ကလွဲပြီး တစ်ခြားရွေးချယ်စရာမရှိခဲ့ဘူး။ (ယင်ဆူးရှဲ့ ဟန်ဆောင်သေရတဲ့အကြောင်းရင်းအစစ်မှန်) ထို့နောက် တောင်ပိုင်းဘုရင်မင်းမြတ်ဟာ သူမကို ကျီဖုန့်လီနဲ့ မင်္ဂလာပွဲချီးမြှင့်ပြီး နောက်ဆက်တွဲအနေနဲ့ သူမကို ရှောင်ယင်နဲ့လက်ထပ်ဖို့ မင်းသမီးတစ်ပါးအဖြစ် ချီးမြှောက်ခဲ့သေးသည်။

ယခင်မင်္ဂလာပွဲအားလုံးမှာ အခံစားရဆုံးသူက သူမပဲ မဟုတ်ဘူးလား?