الدكتورة أسيرة الزعيم 🔫👩‍⚕️

الحلقة 22

بعدما راحت ميار و جوليانا جهة الغابة لحقو لقرية صغيرة كانت تبعتلك الراحة و والاطمئنان شافو عجوزة تبان كبيرة في العمر تحلب في بقرة راحو عندها و هدرت جوليانا: مرحبا !
شافت فيها العجوزة و تبسمت : اهلا بك كيف يمكنني مساعدتك!
جوليانا: نحن هنا من طرف الدكتورة جوري هل يمكنك تدبر أمرنا لبضعة ايام؟
العجوزة :  الدكتورة جوري!! ااه نعم جوري نعم نعم بالطبع تفضلو و دخلتهم لدارها كانت عبارة عن دار صغيرة فيها صالون و 3غرف و كوزينة و حمام و من برة جنينة صغيرة فيها بقرة و بضعة اغنام و دجاج كانت الدار هادئة و بسيطة لدرجة كبيرة مي كانت شابة و مرتبة و تبعث فيك الراحة
دخلتهم و مدتلهم حاجات يشربوها و هدرت: نعم لقد اتيتم و لكن اين ابنتي جوري! لما هي ليست معكم !!
جوليانا: لقد طرا لها امر عاجل لكن بالتأكيد ستأتي
العجوزة: آمل ذلك.
ميار: ايمكنني ان اسالك سؤال!
العجوز : بالطبع تفضلي يا ابنتي
ميار: لقد قالت لنا جوري اذهبو للقرية و قولو لهم اننا من طرف جوري و انت المرأة الاولى التي سالناها و لقد عرفتيها....كيف ذلك! ام انك المرأة المقصودة!
ابتسمت العجوز بانكسار: لا ربما لست المقصودة لكن الجميع هنا يعرف جوري الدكتورة المعجزة و الان انتم تتسالون كيف ذلك! ساخبركم ..
بالرغم من انها قرية صغيرة الا انه قد اصابتنا الكثير من الامراض و في يوم تعرضت هذه القرية لهجوم من الارهابيين لقد اصيب معظم سكان هذه القرية و كما ترون انها قرية صغيرة لا يوجد بها مستشفى و ما شبه و لم يكن لنا المال الكافي للمعالجة في المستشفيات لذلك وصل هذا الخبر عبر التلفاز و في يوم الغد جاءت جوري مع ممرض و قامت بكامل مجهودها على جميع سكان هذه القرية و رفضت ان تاخد قرشا واحدا لذلك اصبحت مرة على مرة تاتي للزيارة و جميع السكان يرحبون بها و ذات يوم جاءت في زيارة و كان ابني مريضا جدا فقامت باخذه الى المستشفى الذي تعلم به و عالجته و بعد اسبوع سمعت طرقات على الباب فتحته و اذا بابتسامة ابني تقابلني و من ذلك الوقت اصبح جوري و ابني اصدقاء انها بالحق دكتورة لتسلم..وبقاو يقصرو

جوري لي بقات غير تزيد في السرعة حتى انتبهت انو ماكاشهم موراها للحظة ظنت انها تخطاتهم حتى تشوفهم مقابلينها 5رجال خشان و لابسين كوستيمات و نواظر نواغ راحت تولي للور دارت خطوة و بدات الرصاصات تخترق الزجاج تاع طونوبيل و جا عندها راجل يخرج فيها و هي تسوغ : اطلقنيي عاونونيييييييييي عاونونييييييي اطلقنيييييي كي شافها محبتش تسكت ضربها بالمسدس على مؤخرة راسها و فقدت الوعي ...
ماكس لي طار مع سام و رجالو بعث رجالو يحوسو في الغابة و هو كمل طريق حتى يلمح طونوبيلتها تاع جوري حبس و سام كمل الطريق بالاك كاشما يلقا ماكس حبس  و شاف الطونوبيل تاعها و اارصاصات  في كل جهة و غير بابها لي مفتوحة راح يشوف لداخل لقا من القدام  صاك و تليفون طايح في الأرض شعلو شاف تصويرتها و راح للور مالقا  والو ..
ماكس: بابها برك لي مفتوح و غير تليفونها لي كاين و الزجاج مكسر ملقدام و الرصاص غير في الامام يعني يقدرو يكونو داوها غير هي مي جول....
هنا تمتم فاق و جبد التليفون و عيط لاختو : هيا هيا جوليانا ارفدي بقا يصوني يصوني مي ماكاش رد

كانو  قاعدين يقصرو و بالهم عند جوري حتى صونا الباب ناضت العجوزة تفتح لقاتهم 3رجال
العجوزة : كيف يمكنني مساعدتكم !!
الرجل 1: نحن نبحث عن فتاتان في اوساط  العشرين و جبدلها تصاورهم قبل متهدر كانت جوليانا واقفة عند الباب لانها سمعت واش كان يقول شافها الراجل : سيدة جوليانا هناك امر من السيد ماكس فهو يلحث عنك في كل مكان
جوليانا: حسنا اتصل به و قل له اننا هنا لياتي لاخذنا .
جوليانا: سيدتي شكرا جزيلا على حسن استضافتك آمل ان لا نكون قد كنا ثقلا عليك لكن اخي يبحث عنا و يجب علينا الذهاب
العجوز: حسنا سوف تذهبين لكن ليس قبل ان يأتي اخاك ...سادعك تذهبين عندما اتاكد انكما في امان .. بعد10دقايق كان ماكس تما طبطب و فتحتلو جوليانا الباب : ماكس و عنقاتو : خفت بزااااف اول مرة تصرالي
ماكسو هو يمسح على شعرها: اششش نوعدك اول و اخر مرة يا روح ماكس
هنا خرجت ميار و العجوزة موراها
ميار بلهفة : جوري راهي معاكم لقيتوها !!!
ماكس هز  راسو : للأسف كي لحقت  كانت طونوبيلتها بالرصاص و الزجاج مكسر هذا يعني انهم  داوها بالقوة !!
العجوزةبخلعة: ه..هل اختطفوا جوري!!!
ميار لي بدات تبكي و جوليانا لي حبطت راسها و ماكس لي يشوف بشرود حتة هدر: ماعندناش وقت نخسروه هيا نوصلكم للقصر و نروح نحوس عليها خرجو من القرية و حطهم في القصر و شدد الحراسة
على القصر و طار دار بلاغ عليها و اعطى امر لكامل الشرطة في كاليفورنيا و المطارات و الموانئ و حتى الحافلات و بقا يحوس عليها على امل يلقاها
سام لي رجع للدار بعدما طلب منو ماكس مايخليش البنات وحدهم دخل للقصر شافهم قاعدين في الصالون جوليانا حاطة راسها و ميار شاردة و دموعها على خدها شافها قلبو وجعو عليها حط يدو على كتفها و قاللها : راح تكون بخير ....لازم تكوني قوية لازم تكوني صامدة لوكان راهي هنا لوكان ماتحبش تشوفك هكدا بهاد الحالة المبهدلة نوضي اغسلي وجهك ارواحي و نوضها من يدها و داها للصالدوبان حللها العين و هي بدات تغسل كي كملت مدلها منشفة مسحت وجهها و قاللها: و دوك اضحكي تبسمت معاه و قالها: اه هاه شفتي شحال ساهلة لازم تكوني قوية راح نلقاوها
ميار : راح ترجع ياك ميصرالها والو !!
سام: لوكان جيت نعرفها غير شوية راح تقاوم راح تولي لانها قوية ثقي فيا .
دارتلو ايه براسها و خرجها للجنينة تشم شوية هوا نقي ...
فطنت تشوف روحها مكسلة في شمبرة كبيرة  فيها فراش كبير و قدامها تاقة كبيرة مخدومة بالزجاج و 2بيبان فتحت الاول كان فيه حمام و الثاني كانت غرفة تبديل الملابس مخدومة غير بالمرايات راحت تفتح باب الشمبرة تفتح و خرجت بلاعقل لقات ممر طويل مشات و على يمينها دروج حبطت الدروج حتى لقات روحها في صالون كبير و فخم كلش من الكريستال و في كل جهة مرايات تعكس الضوء كانت في وسط الصالة طابلة مدورة كبيرة محطوط فيها انواع الخمر و صحن من الفاكهة و في كل طرف من الصالة فوتاي من النوع الفخم  و في حيط علامة كبيرة على شكل 🕸️(عنكبوت)دارت شافت باب كبير باين عليه باب تاع خرجة راحت تجري هي مع لي حطت يدها باش تفتحو سمعت صوت يقوللها:......
             الاحداث بدات تولي مشوقة كتر و كتر مي الفوت و الدعم ماكاش و هاد الشي يخليني نحبس الرواية 🙏❤Max de vote babies