#اسكريبت
وهل يكفي الدمع تعبيرًا عن الشوقِ..❤
_ فتحت الشباك وعملت كوبايه نسكافيه وجبت الكرسي الهزاز اللي بحبه وقعدت عليه ابص للسماء والنجوم ملياها شكلها كان حلو خالص سبحانه خلق فأبدع ... شردت ف الي حصلي وغصب عني دموع حنيني إليه نزلت علي خدي
وحشني اوي ..
فلاش !
_ طيف انا جيت يا حبيبي بتعملي ايه !!
= هيييه ادم انت جيت يا حبيبي ؛ ايه الغياب دا بقالك أسبوع سايبني لوحدي
_ مأموريه صعبه شويه وغضب عني يا قلب ادم بعد كده مش هتأخر عنك خالص .
= بطفوله ؛ خالص خالص !!
_ خالص مالص يا قلب آدم .. يلا تعالي احكيلي كنتِ بتعملي ايه بقا الفتره دي وصلتي لفين !!
= قعدت علي الركنه ونام علي رجلي كالعاده يسمعلي قبل مياكل ويشرب او يعمل اي حاجه
بدأت العب في شعره وانا بحكيله .
_ بص انا الفتره دي اتعلمت درسين تجويد وحفظت صوره المجادله وكمان قرأت الكتيب الي كنت جايبه ليا وحقيقي عظيم خالص يا دوما واتعلمت منه حاجات كتشير اوي .
= ضحك ؛ كتشير اوي
_ بحب ، اوي اوي يا دوما ... يلا ااقف يا حضرة الرائد آدم أدخل خد دش وورايا علي المطبخ علشان اعملك صانيه بشاميل وبانيه وكمان بسبوسه لتحليه ونختمها بشاي بالنعناع في البلكونه .
= يا وعدييي علي الدلع يلا يا سياده قلب الرائد آدم
^^
= اصحي يا آدم بقا بقالك شهر بتوعدني بالخروجه دي وبتكسل قوم بقا يا كسول
_ بنعاس : طيف بالله عاوز انام هخطف حلم سريع واجيلك هوا
= بقا كدا حاضر يا دوما انت الي بدأت وجنيت ع نفسك
جريت ع المطبخ جبت ازازه فيها مايه ساقعه متلجه وقربت بشويش وفتحتها وحطيتها جوا التيشرت وطلعت اجري استخبي ف الدولاب .
_ آدم بضريخ ، طيف يخربيت جنانك هااااح والله ما هسيبك يا مجنونه
بصيت عليه من ورا باب الدولاب وهو بيتحرك زي رقصه الهنود الحمر بظبط وفطست ضحك.. سوري ايه دااا حد بيسحيني من قفايا
= بغضب : قوليلي اعمل فيك ايه وانا اعمل هاا يرضي مين دا يا مجنونه
_ بغضب طفولي ؛ ما انت بقالك شهر من بعد مرجعت من اخر مهمه بتقولي هتخرج يا طيف نتفسح وهعوضك يا طيف .. وطيف بتستنا وحضرتك نايم ف العسل يا كسول
= بتنهيده وأبتسامه لذيذه وهو بيقرص في خدودها : طيب يلا اجهزي بسرعه وهنقضي كل اليوم برا يا طفله
_ هييييه عاااش دوما عااااش ناصر الغلابه الي زيي هيييه
ضحكت من قلبي علي المجنونه دي .. اول مره شوفتها فيها وانا قولت مجنونه كنت بحلم اتجوز بنت تكوني بنتي وطفلتي وتكون ملتزمه وها قد استجاب .. ورزقني بطيف ادب واخلاق وخفه دم وهبله زي ما انتم شايفين كده بظبط
