~I love you a lot but I don't say a words, it's awkward that pride doesn't allow me~
သူတို့ခရီးထွက်လာတာက ဒီဇင်ဘာလအတွင်းဖြစ်နေတော့ ရာသီဥတုက အအေးဓာတ်ပိုနေခဲ့သည်။
"ဒီနေ့ပြီးရင် နှစ်သစ်ရောက်ပြီနော်"
"အင်း"
နှစ်သစ်ကိုကြိုဆိုတဲ့အနေနဲ့ ကျောင်းသားကျောင်းသူတွေ အကုန်လုံးစုပေါင်းပြီး ပျော်ပွဲရွှင်ပွဲ လုပ်နေကြတာဖြစ်သည်။
"နှစ်သစ်ကို သူငယ်ချင်းတွေနဲ့ခရီးထွက်ရလို့ ငါအရမ်းပျော်တယ်"
"အင်း"
"မင်းရော... မပျော်ဘူးလား"
"ပျော်တယ်"
မီးပုံကြီးကြီးဝိုင်းဖွဲ့ထားပြီး ဆိုလိုက် ကလိုက် ဂိမ်းတွေကစားလိုက်နဲ့ ဆရာဆရာမတွေကလည်း သူတို့ကို စိတ်တိုင်းကျပျော်ရွှင်ခွင့်ပေးထားသည်။ တစ်ယောက်နဲ့တစ်ယောက်မသိခဲ့ကြတာတောင် တစ်ချို့တလေကို ရည်မွန်ရင်းနှီးနေခဲ့ပြီ။ ထူးခန့်ဆိုတဲ့ကလေးလည်း အပါအဝင်ပေါ့။
"အစ်ကို"
ရည်မွန်မော့ကြည့်လိုက်တော့ ထူးခန့်က သူ့ဘေးမှာရပ်နေသည်။
"အစ်ကို့ဘေးမှာ နေရာလွတ်နေလို့ ထိုင်လို့ရမလား"
ရည်မွန်ခေါင်းညိမ့်ပြလိုက်သည်။ နေရာလွတ်နေရတဲ့အကြောင်းအရင်းက ချေမိုးဘက်ကို သူတအားကပ်နေတာကြောင့်ဖြစ်သည်။ အခုလည်း သူ့ဘေးကို အဲ့ကောင်လေးဝင်ထိုင်လိုက်တော့ သူထပ်ပြီးချေမိုးဘက်ကို ပိုတိုးလိုက်ပြန်သည်။ ချေမိုးကသတိထားမိပုံမပေါ်လို့ တော်သေးသည်။
"ကျွန်တော့မှာ လက်အိတ်အပိုပါတယ်။ အစ်ကိုအေးနေမယ်ထင်လို့ ယူလာတာ"
ထူးခန့်တစ်ယောက် ရည်မွန်အေးနေမယ်ဆိုတာသိသည်။ အစ်ကိုကလက်နှစ်ဖက်ကိုပွတ်ပြီး ပါးစပ်ကအာငွေ့ပေးနေတာကိုသူမြင်တော့ သူအပိုဝယ်ထားတဲ့လက်အိတ်ကိုသုံးဖို့ အချိန်ရောက်လာပြီ။
"ကျေးဇူးပါ"
ထူးခန့်ကိုသူပြုံးပြလိုက်ပြီး လက်ခံယူလိုက်သည်။ ဒီလောက်ထိအေးလိမ့်မယ်လို့ သူလုံးဝမထင်ထားဘူး။ ဆရာမတွေလည်း ဒီကိုပထမဆုံးလာဖူးကြတာဖြစ်လို့ အခြေအနေက ဒီလောက်ထိဖြစ်မယ်လို့ မထင်ထားဘူးတဲ့။ တောင်ပေါ်ဒေသမို့ အေးတာလို့လည်းပြောသည်။
CZYTASZ
Rain💛Moon (Completed)
Romans"I LOVE YOU" If the eyes do not admire, the heart will not desire~💛 Rose Thornless_အဲ့ဒီပန်းလေးရဲ့အဓိပ္ပါယ်ကမြင်မြင်ချင်းအချစ်တဲ့။ (မင်းလေးရဲ့စာအုပ်ကြားမှာညှပ်ထားတဲ့ပန်းလေးတစ်ပွင့်ရဲ့အဓိပ္ပါယ်ကကိုယ့်ရဲ့အချစ်ကိုကိုယ်စားပြုတာပဲ)။ မြင်မြင်ချင်းအချစ်ကခ...
