الدكتورة أسيرة الزعيم 🔫👩‍⚕️

الحلقة 24

صرخ بكل قوتو باسمها صوت صرختو تهز الجبال شافها غارقة في دمها ناض يجري و رفدها للطونوبيل و طار بيها للكوخ تاعو لي في وسط الغابة بحكم انو كان قريب و الصبيطار بعيد عليه بالنسبة للكوخ داها و عيط للطبيب: نبعتلك الموقع10دقايق نيحقك هنا و كوبا  و راح ليها يزير على الجرح لي جاها في بطنها 
بعد شوية وقت لحق الطبيب و دخل عندها و بعد محاولات قدر ينحيلها الرصاصة و يخيطلها الجرح دارلها بوصمون و علقلها سيروم و خرج
الطبيب: لقد كانت الرصاصة نوعا ما عميقة لكنني نجحت في اخراجها اما الآن فهي تحت تاثير المخدر و هذا الدواء  و "عطالو الرشتة  الطبية "سوف يساعدها على تقليل الالم و يجب بعد كل 6ساعات ان تغير لها الضمادات لانه ممكن ان ينفتح جرحها .بالشفاء مجددا و راح .
شاف الورقة طواها و حطها في جيبو و دخل عندها لقاها مخدرة و حوايجها قاع  دم راح فتح خزانتو و جبد تريكو ابيض و راح لبسهولها و خرج راح لكوزينة مع سام .
دخل لقاه قاعد فوق الكونطوار راح رما الحوايج لي كانت لابستهم و رجع جبد كورسي و قعد
سام : واش راهي واش قال الطبيب ؟
ماكس بتنهيدة: الرصاصة كانت عميقة مي نحاها بصعوبة .
حبط سام و جا رايح حبسو ماكس: وين !!
سام: راح نشوفها
ماكس و هو واقف : روح تلعب راهي راقدة .
سام: معليش نشوفها برك
ماكس : قتلك راهي راقدة. .
سام: ولا كاشما راهي لابسة خايفني نشوف😉!
ماكس: اركح في بلاصتك ولا والله غير ندفنك لتم.
سام : هاه يا سيدي ماقولنا والو .
فطنت جوري تشوف روحها مكسلة في شمبرة غير لي موالفة فيها سمبرة مخدومة من الحطب و صغيرة على لي كانت فيها كان فيها فراش 2بلايص و خزانة و تاقة صغيرة و باب عجبتها كانت سامبل و متحوفة دارت شافت سيروم قريب يخلاص بقات في بلاصتها شاردة تخمم في حياتها كيفاش ولات حبت تعرف وين راهي !ماكس راهو هنا !هادو قاع اسئلة راح تلقى الإجابة تاعهم كي يخلاص السيروم و تنوض .
ماكس لي راح شرا الدوا و رجع شاف سام برا في الجاردان قاعد  قعد قدامو و قعدو يقصرو و يهدرو على الخدمة و ماكس في عالم اخر يجاوب على قد السؤال لي يطرحهولو سام ..
دارت شافت السيروم خلاص نحات الغطا عليها تشوف روحها لابسا تريكو دومي مونش ابيض جاها كبير يوصل فوق الركبة بشوية و كتف منو طايح فورصات على روحها و لحقت للباب و فتحتها و خرجت لقات الكوزينة مقابلتها دخلت و شافت من التاقة سام و ماكس قاعدين و في الاطراف باين بلي غابة تبسمت انو هو لي حماها و جابها و خرجت من الكوزينة و شافت باب عرفت بلي تاع خرجة راحت فتحاتو و خرجت عندهم كانت تمشي بخطوات ثقال حتى انتبهلها ماكس ناض يجري ليها و شدها
ماكس: انت مهبولة برسمي !!! واش نوضك الجرح مازال جديد
جوري: حبيت نعرف وين راني و واش جابني هنا عليها لي نضت ..
كان راح يهدر حتى قاطعو سام: على سلامتك دكتورة
جوري: الله يسلمك
كانت راح تكمل تهدر مي مقدرتش حطت يدها على كرشها مكان الجرح و شدت عليه و وجهها فيه القريماس تاع الوجع شافها ماكس رفدها و هدر : انت باين عنيدة و متفهميش الهدرة اما هي فسكتت و حطت رأسها على صدرو و هي تحس بدوخة حطها في بلاصتها و غطاها
جوري: اعطاني مسكن!!
ماكس تفكر دواها راح جابهولها و رجع مدلها تشرب و رقدت و هو بقا عند راسها يناوب

في الليل جوايه 3تاع صباح كانت تهدر و تعرق وحدها سمع ماكس انين خفيف فطن حل عينو و يشوف فيها تعرق و تهدر كلمات مش مفهومين و بدات تبكي عرف بلي راهي تشوف كابوس بسباب المخدر ناض من الكرسي لي كان قاعد فيه و راح عندها ينوض فيها: جوري ...جوري نوضي جوري حلي عينك
بقا ينوض فيها حتى استجابتلو و ناضت
ماكس بهدوء : اشش ماكان والو كابوس برك.
سقمت روحها و عاونها مسحت دموعها و هدرت : شحال الساعة !!
ماكس: 3فجر
جوري و هي تحاول تحبط ماكس منعها : واش حابة ديري !
جوري: نوض بعد
ماكس : ماكاش منواض ارجعي ترقدي .
جوري: خليني نوض
ماكس: وين تروحي واش تسحقي نجيبلك !
جوري مع روحها : اه يا ربي شحال يحوس يفهم الواحد مزير و هو يزيد عليه .
سمعها و ضحك و قاللها : ايه قولي كي الناس هك من الأول و عاونها تنوض وصلها و خرج كي كملت عاود رجعها لبلاصتها .
جوري: اعطيني الصاشي تاع الدوا !
ماكس: علاه شربتي دواك !
جوري: لالا نبدل ضمادات راهي فاتت 6ساعات .
ماكس: مي....
جوري: اعطيني الصاشي و اخرج و اغلق الباب من فضلك .
عرف ماكس انو مصممة باش تبدل لروحها خرج و غلق لباب و خلاها اما هاد المرة مرجعش ...
خرج و راح للقصر دخل بلاعقل في بالو انهم راقدين دهل شاف الضواوي شاعلين طل في الصالون لقا جوليانا و ميار قاعدين غير شافتو جوليانا ناضت تجري و عنقاتو : راك مليح!مابيك والو ياك !!!
ماكس: راني مليح يا روحي متخافيش مي علاش ماراكوش راقدين !!
ميار: كيفاش يجينا النعاس و احنا معندنا حتى خبر على جوري !؟
ماكس بتعجب: علاه ماقاللكمش سام!!
جوليانا: واش يقوللنا ! واش بيها جوري و لا تكون ....
ماكس: اششش مابيها والو لقيناها مي ...
ميار: مي واش مي واااش
ماكس: تصاوبت مي شافها الطبيب و خرجلها الرصاصة و عطالها دوا و راهي مليحة.
ميار: وين راهي في السبيطار نروح نشوفها منخليهاش وحدها .
ماكس: ماراهيش في السبيطار و ماراهيش وحدها جيت نديلها حوايج و نرجع و انتوما اطلعو ترقدو و منسحق حتى اعتراض و طلع ...
ميار ببكا: اااه على صحيتي ااااه
جوليانا: ميار متخافيش مادام ماكس قال راهي مليحة معنتها صح راهي مليحة ماكس ميهدرش هدرة ماشي متأكد منها هيا روحي ريحي و ان شاء الله غدوة نقولو يدينا عندها وين ما كانت .
و طلعو كل واحدة ترقد.
دخل ماكس لشمبرتها و فتح الخزانة و راح يديلها حوايجها بقا يشوف و نص حوايجها ماشي عاجبينو : لالا مولاتي معندها حتى حاجة تصلح ا الميني ها العريان اف منك جوري اففف و بعد محاولات كبييييرة و هدرة و سبان قدر يخيرلها سروال كحل و تريكو خشين في البلو و بوت و فيستا خشينة لانو البرد و خاصة في الكوخ لانو في وسط الغابة داهم دارهم في كابة شاف ساعتو لقاها 5: اوواه نرقد شوية غدوة صباح نروح خير ؛راح لبيتو و غطى في نوم عميق😴😴

ناضت صباح جوايه9 تحس روحها مليحة ناضت بدلت ضمادات و غسلت و خرجت للكوزينة طيب في القهوة طيبتها و حطت و بقات تشرب حتى شافت سام حابط
جوري: صباح الخير نوضتك واقيل!
سام: صباح النور نوو فطنت موقبيل عجزت نحبط كبرت يا بنتي غير شوفيلي كاش دوا
جوري: ههههه نن نتا لازماك رقية صحيحة
سام: واش جرحك كيفاش راه !
جوري: راه يبرى
سام: ايا بيان .حط قهوة لروحو و قعدو يضحكو.
الموسيو ماكس ناض على8دوش لبس حوايجو و دالها حوايجها و راح لحق قارا طونوبيلتو و دخل و يسمع في ضحكاتهم واصلة زير على قبضتو رما الكابة و زدم عندهم و عينيه حمورة.
سام: اووه برو وين كنت
ماكس و هو يشوف فيه شوفة كحلة : في جهنم الحمرة نديك !
سام: اواه مازلت صغير
جوري بضحكة رنانة: ماشي دةك كتت تقول كبرت و داويني ولا بطلت !
ماكس طلع حواجبو و يشوف فيه بشوفة يعرفها مليح سام: شوووف ااا كبرت و راك حاب تداوى !ايه ماكاش مشكل دواك عندي برو و طبطبلو في كتفو و كمل: اما ماشي هنا في القصر و ضحك معاه ضحكة شر...
        Douce nuit mes amours ❤🤞