ناجية مخابرات:
-وليدي انت على راسي وعيني...بنتي ما تشوفهاش الا ما تجيني امك خاطبة وتعمل اللازم....بنتي مشي قطعة حبل جايبها واد...صحيح مرتك في القانون اما شرع ربي يقول الاعلان...بنتي لاهي ناقصة لا رجل لا ايد...تعمل كالناس من حمامها لمرواحها...جيب امك ما كانش ما عنديش بناويت للماخذة..
-خالتي ناجية...باهي نشوف مرتي...ملي روحنا وجاتك سكرت عليها وجهها ما شفتوش.
-لا ناجية لا سيدي زكري...اللي قلتو هذاكهو...ما نعاودش.
-خالتي ناجية...نشوفها برك.
-برا لحلح بامك وجيبها.الليلة تكون عندي غدوة تمشي لحمامها بعدو تجيب كسوتها ومن غدوة تروح بيها..ماني شارطة شي اللي تجيبو ليك وليها... اجري روح لداركم...
خرج عماد يكركر في ساقيه على اعصابو...
-فلاش باك- من غدوة قمنا ريقلنا امورنا ورجعنا لتونس متفاهمين نروحوا نريقلوا امورنا ونخرجوا جمعتين فوياج لوين يظهرلنا...تعدينا لدارنا قبل... فرحت نجوتة بينا...خلينا عماد يترشف في ىقهوة ودخلتني استفردت بي تهنات اللي مريقلين وقتلي من هنا ما تخرجش انا تونسية نتصرف وسكرت علي وخرجت....هههههههه نهارين توة وعبدو ماشي جاي وامي قتلو لا تراها لا تكلمها حتى تعمل اللي قتلك وهو بين امو وامي كالكورة....
ايا حضرت امي الدنيا لمت جيرانا متاع الحومة لاخرى ونادات لامام الجامع وحلو وبخور عجعاجي...
الثمنية متاع الليل جا عبدو وامو واخواتو...قراوا الفاتحة واحنا قاعدين مقابلين بعضنا لا كلام ولا سلام وهو كلاني بالغمزان وعضان شفتو حتى شلقت بيه ناجية هههههههههههه تنحنحت وقتلو:
-وليدي عينك واجعاتك؟؟هاي ترف من بكري هي وفمك....
فضحتو واطرشقنا بالضحك...تزغريط وفرحة مش عادية وانا اللي قلت قلبي تسكر عالاحزان ما عاد يفرح...حماتي ساكتة باينة جاية فوق من قلبها... لبسني الخاتم ووشوشلي:
-امك قضات عالطرف اللي خليتهم انت...
شدني الضحك مالا وينك راهي ناجية مخابرات... من غدوة حمامي مشينا انا ولبنات وبنات الحومة وشوية من فاميلتو...شخنا وعملنا جو شطحت وفرغت قلبي غنيت زغرطت دربكت...الله يفرح كل بنية...نصبنا بعدها نقا وحنة وحرقوس...جاتني عقيرتي فرحانة بالاجواء اكثر من هاو جابلي ولا ما جابليش...الهنا فرحة اكثر من كل شي انا رضيت وخذيتو في بلاد الناس من غير ما نعرف حقيقتو ولا اصلو ولا جابلي وثقت فيه وطلبت الراحة والأمان مش اكثر الدنيا لاهي فلوس ولا مناصب الفرحة بالنسبة لي هي المحبة والمودة ولمة العايلة كهو راحة البال والاستقرار والامان والعايلة لكل يتلخصوا في المحبة(ربي يرزقكم المحبة والهنا ها بناويت قولوا آمين) لمة محلاها ما حسيتش روحي وحدي جاوني جيرانا واحبابنا واولاد عمومتي وحتى اخواتي من ايطاليا بعد ما استدعيتهم تعدى جو محلاه...وخلطنا للصحيح اليوم مرواحتي لعبدو هو غاطس يريقل في امورو ولبنات اخواتو يفرشو في الدار ماهو شاري ابارتمون مش في نفس الحومة...هزوني اخواتي للحجامة تعدى النهار فيسع بين صبيغة وحجامة وماكياج...على اتم استعداد بش نروحلو في اخر حلقة عروسة كيما في عاداتنا وتقاليدنا...قاعدة نستنى فيه يجيني جيعانة قتلني الشر لا نجمت ناكل ولا نشرب بش ما يفسدش الحمير...ولاىخلي نقول سقام العرايس...
بيب بيب...جات كراهب العروس حسيت برعشة ورهبة غير عادية كيني بش نراه لأول مرة و بش نبات في حضنو لاول مرة...خرجوني لبنات خواتو لوين يستنى في ....نغزر للمعة عينيه من بعيد وضحكة مرسومة بفرحة ودمعات تحصروا في عويناتو...قربتلو وساقي ترجف وداخلة بعضي...
شدني من ايدي وباسني من جبيني:
-مبروك علينا...يا احلى عروسة....و هاك الكلمة الشهيرة عاد الليلة ليلتك(تحسسك بش تبات مقددة طروف طروف ههههههههههههههه).
-الناس تعرس وبعد تدخل احنا دخلنا طوالي وبعد عرسنا...مازال فيها ليلة؟؟؟
شدو الضحك وهو يتكلم بالسيف:
-شي غرام رومنسية ما عندكش...روبة بيضة وفيانة بالفارغ...
عديناها سهرية نتناقروا ونضحكوا...شطحنا في وسط اهلنا واحبابنا...اصحابو ما شاء الله وتسمع كان حضرة العميد...وانا ندوح في راسي الرتبة ضاعت في حضوري...اخر السهرة عبدو ينفخ يحب يروح كركرني وراه مزروب وامو تنادي وهو ولا هنا:
-كهو وفات السهرة عملت اللي حبيتو عليه لكل... تصبحوا على خير...
خلاهم اللي يضحك واللي باهت وهو تقول عليه عريس لاول مرة...طلعنا في الكرهبة رمى الفاست والكرافات وخدم...غنا يشرقع واحنا في اتجاه دارنا...
ما نعرفش عليها اش حط فيها لا ريت ولا اخترت شي كل شي جا مزروب هات نعلنوا عرسنا و انفذوا شرع الله...وصلنا لعمارة في حي كلو عمارات ظاهر جديد.. وقف الكرهبة و هبط حلي الباب...شدني من يدي و قدمنا للعمارة حس بايت والدنيا ليل امخر...حل الاسنسار وطلعنا الطاق الرابع...وصلنا اتحل الباب وهزني في حملتو دخلني للدار....ندوروا و يفرج في في البيوت#منو
بقية الحلقة 58:
صالون في المدخل ومقابلتها بيت فطور بيناتهم درجة تحل عالكوجينة ومقابلتها زوز بيوت بيت نوم كبيرة وبيت صغيرة بيناتهم بيت البانو...يدور بي في البيوت ويتغزل في نفس الوقت...عروستي مريتي نورت دارك وهات من الحديث الحلو التسبقة...نحالي الفوال رميتو عالفرش فددني...ورجعنا للصالة تعشينا نجوتة حضرتلنا عشا دلول وحماتي تكفلت بالحلو والفريجيدار عمرتها...قلي:
-قوم أغسل حالتك وبدل نلم هذا ونحطو في الكوجينة ونخلط عليك...
مشيت للبيت نحيت الروبة ونحيت كدس شكاكل من راسي عدو تنقب...دخلت لبيت البانو عملت دوش خفيف...خرجت بالكاب معلق نلقاه في الباب...جيت انا وعبدو- باقي نقول عبدو مازال سي عماد ما دخلش لمخي- كف وغرزة يتبسملي بلمعة شر ومكر:
-صحة يا عروسة...استناني ندوش ونجيك...
رمالي بوسة في الهوا ودخل...قعدت نشفت شعري اللي يبس من اللاك...لبست وبرفنت وقعدت نستنى فيه...خرجلي ريحة بنينة و بدن يقطر عذاب بقطرات الماء على لحمو...ينشف ويتهدد من بعيد:
-يا ويلك مني....
نضحك عليه وندكك وتليفونو ضرب ولى يسب:
-شكون السخط اللي يطلب فيهالوقت؟؟ ما اقل تربيتهم....وهز بنطرة:
-الو...تحياتي...ايه سيدي....يبارك فيك...ايه..ايه...اممم.. ايه...لكن سيدي في بالك مازلت كي روحت من الصالة.
..باهي...حاضر...نص ساعة و نلتحق....
ورمى التليفون لطخو وانا شدني كريز ضحك:
-هههههههه يا ويلك انت...
-تضحك للا...قسما بالله عتبة...توة يلزمني نمشي المقر خدمة طارئة....
وجهي ازراق و دخنت....في بالي نفدلك ياخي طلع بالرسمي...بكشت ما نجمتش نتكلم...نفخ دار مشى جا ومنها تلفتلي:
-وهو يجي منو نمشي ونخليك تعوم في الشايح؟؟؟
ليلتك ليلتك زايد...
هههههههه وترمى عالفرش بجنبي فش وحش وغلو مالايامات اللي فاتوا...قام يلبس و يحضر في روحو غمزني وهو خارج وانا ممدودة في فرشي:
-راجعلك استناني بش نعدي كماندة متاع توامة هههههههههههه وخرج...#،منو
ما تقولوليش زربت النهاية...ديما النهايات اصعب ما تكتب...بش نتوحش لمتكم وكلامكم الحلو....ملتقانا قريبا ان شاء الله في حكاية جديدة..
ان شاء الله اللي حبيت نطرحو وصلكم ...
نحبكم لكل من اعماق قلبي....😘😘😘😘😘
✴✴✴✴
أنت تقرأ
⛺غربة عشاق⛺
Roman d'amourبيب بيب وسعو?😎💀👿👹رجعتلكم بكرونيك ناار 🔥🔥🔥كرونيك صاروخ 🚀♨قصة عسل🔞🔞😗😘👀 موضوع مشوق 💋👄أحداث جريئة غير متوقعة 👫💏 أفكار غير مألوفة 😥😆😉 الكاتبة متاعها تميزت بأسلوبها الفريد 😘😗 عندها قلم مبدع 😍😋ديما تبحث على المواضيع الجديدة 👍👍❌تب...
