~At the touch of love, everything become a part. When you are truly in love, the one you are thinking is enough~
လူတွေဟာကိုယ့်ခံစားချက်အတိုင်းကိုအပြင်မှာထုတ်ဖော်ပြသဖို့ဝန်းလေးကြမြဲပဲ။ များသောအားဖြင့် အချစ်နဲ့ပတ်သက်လာရင် ပွင့်ပွင့်လင်းလင်းရှိတတ်တဲ့သူတွေထက် လျို့ဝှက်ပြီးဖုံးကွယ်ရတာကို ပိုသဘောကျကြတဲ့သူတွေကများလာတာပေါ့။ အဲဒါကြောင့် တစ်ဖက်သက်ဆိုတဲ့အချစ်က ပေါ်ပေါက်လာရတာမလား။ အဲဒါကမှားလားဆိုတော့လည်း မမှားပါဘူး။ ကိုယ်ကြိုက်တဲ့သူကို ကိုယ့်ရင်ဘက်ထဲမှာ ထည့်သိမ်းတာကမှန်ပါတယ်။ ဒါပေမယ့်လို့ အချိန်ကြာလာတာနဲ့အမျှ ပိုပိုပြီးခံစားလာရမှာ ကိုယ်ကိုယ်တိုင်ဆိုတာ သတိမထားမိကြဘူး။
" ဝေးသွားမှာကြောက်လို့ ဖွင့်မပြောရင်
ဖွင့်မပြောခဲ့မိလို့ ဝေးသွားရမှာကို ပိုမကြောက်ဘူးလား "
ဒီလိုဆိုရင် တစ်ဖက်သတ်မဟုတ်ဘဲ ရင်ထဲမှာသိမ်းထားတာမဟုတ်ပဲ ဖွင့်ပြောမယ်ဆိုရင်ရော မခံစားရဘူးလား။ ကိုယ့်ကိုလက်မခံနိုင်ရင်တော့ ခံစားရမှာပေါ့။ ဒါပေမယ့်လို့ ကိုယ်ဘယ်လိုခံစားနေရတယ်ဆိုတာကို သိအောင်ဖွင့်ပြောလိုက်နိုင်တဲ့အတွက် ခံစားရတာနည်းနည်းပေါ့သွားမယ်။ နောင်တဆိုတာမရှိတော့ဘဲ လက်လွတ်နိုင်သွားမယ်။ ဒါပေမယ့် တစ်ဖက်သတ်ခံစားချက်ထားတဲ့သူဆီမှာချွင်းချက်တစ်ခုရှိသည်။
" မျှော်လင့်ချက်မထားဘဲ ချစ်တဲ့အချစ်..."
ကိုယ့်အပေါ် ပြန်မချစ်လာလည်းရတယ်။ ကိုယ့်အချစ်ကို သူမသိလည်းရတယ်။ ချစ်နေရရုံကို ရတယ်ဆိုတဲ့ အချစ်အတွက် ပေးဆပ်နေတဲ့လူနည်းစုဆိုတာရှိတယ်။
" ဒါဆို သူတို့က တစ်ကယ်ပဲ မျှော်လင့်ချက်လုံးဝမထားတာလား"
အမှန်ကတော့ မဟုတ်ပါဘူး။ ကာကွယ်ချင်တဲ့အနေနဲ့ လေးလေးနက်နက် ချစ်မိနေကြတာပါ။ ဖွင့်ပြောလိုက်ရင် လက်ခံလောက်မလားဆိုတဲ့ အတွေးသာသာလေးပဲမဟုတ်ဘဲ ကိုယ့်ကြောင့် သူ့ဘဝတစ်ခုလုံး ပျက်စီးသွားမလား ၊ ပျော်ရွှင်ပါ့မလားဆိုပြီး တွေးရင်းနဲ့ ဘေးနားမှာပဲနေပြီး ကာကွယ်ချင်တဲ့စိတ်လေးသာ။
أنت تقرأ
Rain💛Moon (Completed)
عاطفية"I LOVE YOU" If the eyes do not admire, the heart will not desire~💛 Rose Thornless_အဲ့ဒီပန်းလေးရဲ့အဓိပ္ပါယ်ကမြင်မြင်ချင်းအချစ်တဲ့။ (မင်းလေးရဲ့စာအုပ်ကြားမှာညှပ်ထားတဲ့ပန်းလေးတစ်ပွင့်ရဲ့အဓိပ္ပါယ်ကကိုယ့်ရဲ့အချစ်ကိုကိုယ်စားပြုတာပဲ)။ မြင်မြင်ချင်းအချစ်ကခ...
