#اسكريبت
"إنِّي لأدعو لثلاثينَ مِن إخواني وأنا ساجِد، أُسمِّيهم بأسمائِهِم وَأسماءِ أبائِهم."
- أبو الدرداء رضي ﷲ عنه
_ شكرا ليك يا فارس علي كل حاجه عملتها معايا يا صاحبي .
= بأبتسامه " متقولش كده يا إسلام انت صديق عمري وصاحب قلبي وروحي قبل الحلوه لازم اكون معاك ع المره يا صاحبي ' وبعدين بكرا هتبقا زي الفل وتمشي علي رجلك من تاني صدقني .❤
_بحب " انا بشكر ربنا ع وجودك فِ حياتي حقيقي أوقات مش لازم يكون للواحد حبيب او أخ علشان يحس انه مسنود ممكن يكون ع هيئه صاحب جدع زيك يهون عليه مشقه الطريق وتعب الدنيا يا فارس .
= بمرح " كفايه كلام حلو أصل اكرش عليك ' ويلا قوم علشان هفسحك فسوحه جامده 😂
_ فسوحه يا فارس
= فسوحه يا إسلام
^^
فارس صديقي من وقت الجامعه بقالنا عشر سنين أصدقاء الوحيد الي لو رنيت عليه ف اي وقت واي زمان يجي جري ' عملت حادثه من سنه ومش بمشي علي رجلي ' بس لو قلولتلكم اني مش حاسس اني عاجز مش هتصدقوا ' فارس شيلني علي قلبه قبل اكتافه
_ إسلام فانيليا ولا شوكولاتة
= بتفكير ' فانيليا يا فارس انت عارف مليش ف الشوكولاته اوي ' مش عارف البنات الي مدمنه دي بتاكلها ازاي
_ يابني والله انت ما عايش دي حاجه كده فوق الوصف ' انت الي فقري يا أخويا
= اخذ حجر من امامه ثم رماه نحوه " امشي ياض متعصبنيش
_ بضحك ' مش هتأخر عليك هجيب أيس كريم واجي بسرعه ' لو فِ اي حاجه رن عليا هاا!!
= حاضر
إسلام مش بس صديقي إسلام بحس نحيته انه أبني مسؤل مني صاحب صاحبه وجدع وحنين وعارف ربنا وعارف حدوده دخوله حياتي كان مكسب .. يوم الحادث كان اصعب يوم ف حياتي كلها 💔
_ فارس انا هروح بقا لأني مش قادر طول اليوم اجتماعات ' وانت يلا خلص وورايا خليك ترتاح
= تمام ' هشوف بس تصميمات القريه الجديده ' معتش وقت والقريه لازم تتسلم خلال سنه يا إسلام
_ يابني بدنك ليه حق عليك ' امال لو مكناش اصحاب الشركه بقا ' عموما انا فصلت هروح انا وانت ابقا كلمني لما تروح
= بصله من تحت نضارت القراءه ' تمام
كنت قاعد براجع الملفات تيلفوني رن وكان رقم غريب !!
_ السلام عليكم ' اتفضل
= فارس بيه إسلام بيه ح ااا اصل
_ بفزع !! انت مين ' وفين إسلام
= انا سواق إسلام بيه .. اسلام بيه نزل يصلي العشاء في المسجد بس بس
_ برعب وصريخ " انطققق بس ايه !!!
