عائلتي الجديده

البارت الثاني عشر

البارت الثاني عشر
الكاتبه (سمو الملكه)

گتله شلون وضعك دمعت عينه
بچه وگال اليفگدك الله اليعينه
گتله الله يسلمك عوفنا من الراح
حطب صارت الشجرة البيها اسامينا

عمر: هو لو بيدي والله ولا انطيكم لو ملك هم ما انطيكم شنو تكولين ع كلبي قصدج بكلبي
عسل: لزمت اجتافه من وره ومثل الادلك بيهم  وكتله بعد عمري عموري الغالي وبسته من جتفه وكتله يله كوم حبيبي خل نروح يم شموس تضوج وحدها
نزلنا اني وعمر لجوه يم شمس وهم اخذنا كومه صور صار وقت يجون بيت عمي اجوي وجابو سيد يعقدلهم وسولهم مراسيم الخطوبه كعدت بغرفه وجوه رجليها انجانه وبيها مي وياس وبين اصابعها هيل مخليتهم ع القران ع سوره الفتح عقدو وانطو الموافقه وتمت خطوبتهم
وراحت بدلت فستانها الماروني واجوي كعدو بالصاله والعريس كعد يمها لبسو الحلقات وباسها وبقه شويه يسولفون بينهم يشاور بيها وبعدين اجه ادومي طرده كله يله يله خلصن فلوسك وكوه طلع واحنا اني وغزوله نطك صور ومشغلين الديجي ونركص لعبنا لعب بالركص كملنا كلشي والخطوبه ع حسب الاصول بليل البيت صار هوسه بدلت بس نزعت الفستان ولبست تراك تشيرت كمر وبجامه ونزلت انظف اني وماما وخالتي الصغير والعروسه بالاستقبال اجه عليها فهد بقيت بمكياجي بس رفعت شعري كعكه وبديت اغسل وصلت للطرمه وانفتح الباب دخل اسد
اسد: السلام عليكم
عسل: وعليكم السلام
اسد: شو تغسلين بالطرمه لعد اخوانج وين ؟ امج وحده من خالاتي تغسلها شكو طالعه انتي وماكو اكصف من هل تراك؟ شو عريض حيل
عسل: كلها دتشتغل محد فارغ والولد طالعين بس علي فوك وتعبان وعندي تراك اكصف من هذا وهذا راح اضيكه لان ما احب الملابس العريضه ( طبعا حجيت هيج حتى استفزه بس اني كلش احب القالب الجبير)
اسد: خير وبركه عادي نتمعن بخلقتج ونشوف الخالق شمبدع بيج ما بيها شي
عسل: ديلا مو جاي ع علي فوتله تلكي بغرفته لان اريد اغسل باب الشارع هو اني كلت باب الشارع لو ما احس غير لكمز واخذ مني الماسحه والصونده
اسد: ادخلي جوه واني اغسلهن بس ادخلي فضيني
عسل: هو يحجي واني صافنه عليه هذا اسد العكره لو مبدلي؟! لااا جديات عود صّـِْـْْـِدًك هذا اسد هو مي ما يجيب لنفسه عبالك ملك نوب هسه كام يغسل الا شويه اهلهل لنفسي وبكلبي اكول كفو منج ليذيبه دخلت جوه وميته ضحك ماما شافتني كالت
امي: خير ست عسل ضحكينا وياج
عسل: لااا ماما ماكو شي ع كولتج بس الخير ان شاء الله يلا اني خلصت شغلي راح اصعد انام تعبت محتاجه شي بعد
امي: لا حبيبتي سلامتج
عسل : صعدت فوك ورحت ع البلكونه واشوف اسد نظف الكراج ونوب غسل الشارع ولف الصونده وخلاها بمكانها بالحديقه هذا كله واني واكفه ارقب بيه واكول كفو بعد بيتي معدل معدل ما احس الا علي كال شّـْْكو شبيج واكفه هنا وتحجين ويه نفسج؟ اجه باوع همزين علي مشاف اسد جان يغسل بيده اسد كتله لا علوش جنت اباوع عبالي ادم اجه كال لا هذا اسد ادخلي نامي
كتله اوك تصبح ع خير
علي: اجمعين
رحت نمت وكل واحد طش لبيته
شمس: خطبتي وفرحانه كلش وصارت خطبه كلش راقيه وحلوه لان من زمان ما عدنا عرس بعائلتنا وفهد من اجه لحد ما اجه ادومي طلعه هو يتغزل بيه
فهد : شهل جمال كيمر خوما كيمر فديتج هنيالي صرتي مرتي
شمس: كد الوعد رجالي💍
شمس كلت هيج لو اتخبل عليه
فهد: ديلا تعاي نروح لبيتنا وغرفتي كامله والله وهمه ناس فرحانين كلهم يبقون يركصون واني وياج نروح شعلينا بيهم
شمس:ريلاكس بيبي شدعوه هلكد مستعجل كل ما استوت الطبخه ع كيف كل ما صارت اطيب
فهد: مو خاف تحترك دمشي وياي يا عيني عقد وعقدنا شعدهم اهلج يمي بعد
شمس: دسكت يمعوده لا يسمعوك وحتى خطبتك يفسخوها همه ع عمه عيونهم منطيني
فهد: ليش عيني ! مو كد المقام لو ما نعجب؟
شمس: لااا يابه كد المقام ونص وتاج هم بس غير اني بتهم الجبيره واول وحده راح اتزوج فاكيد ينقهرون
فهد: بهاي حقج جبيرتهم وكمرهم وتاج راس ادم الوسخ
شمس: اوووي حبيبي لاتحجي ع اخوي (احجي بتماوع)
فهد: استري ع نفسج هو انتي هيج وكوه متحمل مو نوب تتموعين عليه كلبي ما يتحمل مياعتج كلبي ذايب من زمان عليج وانت تعاركيني مو نوب صرتي بحضني وترديني ما اكلج يكيكتي
شمس: ضحكت بصوت عالي
بقه فهد كاعد لحد ما كال يله حبيبي راح اروح محتاجه شي
شمس: لا فهودي ســَلامـتكْ الله وياك عمري
راح ورحت بدلت واخذت شاور ونمت كلش تعبنا
ومشت الايام احنا اني وفهد احلى طيور حب