الدكتورة أسيرة الزعيم 🔫👩‍⚕️

الحلقة25

دار ليها و شاف فيها ملفوق للتحت  ماشؤ عاجبينو حوايجها : يعني انت مبردتيش!!قاعدة بهاد الحوايج و الجو برد برا هامليك و طلعلها كابة في يدو حوايجك روحي بدلي حطلها الحوايج في البيت و راحت للبيت  فتحت الكابة و شافت الحوايج لي جابهملها: اووه مزية صلح لحاجة و جابلي حاجة خشينة في هاد البرد
ماكس: خير من طرف قماش لي راكي لابساتو.غلق عليها الباب و خلاها تلبس ...
لبست و حبطت لقاتهم في الصالون قاعدين و النار شاعلة .
حتى صونا تليفون سام خرج يهدر
ميار: صباح الخير.
سام:  صباح النور لاباس!
ميار: مانوليش مليحة حتى نشوف جوري ....سام اديني نشوفها ادا عندي معزة عندك تعيش ..
سام:.......
ميار: سام الو ...وين رحت!
سام: اه معاك معاك....دوك نشوف منوعدك بوالو مي راح ندير لبوسيبل تاعي اوكي؟
ميار بتنهيدة: اوكي ميرسي..
كوبا و خرج نفس : اااااه لوكان تعرفي الخاطر لي عندك عندي ااه
جوري: اممم شكون هادي!!
دار سام ليها : اه جوري
جوري: وي انا علاه ادا قلقتك نروح !
سام: اه لالا بالعكس كاين حاجة كنت دايمن حاب نهدرها معاك مي ماشي وقتها دوك ..كي يلحق الوقت نقولهالك و ان شاء الله تسمعيني و تفهميني .
جوري: ميكون غير خاطرك (شافت فيه و تبسمت بشر و كملت بخبث)  او زيد مليح كي ماشي دوكا باسك هاد اليامات راني مشغولة.
ضحك سام و قاللها: مشغولة!قوليلى برك راكي دايرة في راسك راح يخليك الميستر تخدمي هاد اليامات!!اوواه راكي غالطة.
جوري: هادي علابالي بيها مي مانيش مشغولة في الخدمة....سكتت و شدت السيريو و كملت : الخطبة تاع ميار قربت لازم نكون معاها.
للحظة سكت و سكت كلش قيه كانو كلش من حولو حبس ...نبضاتو يزيدو في السرعة يتسارعو لشكون تخبط في جدار صدرو قبل ...عقلو حبس من الخدمة...حس روحو ثقيل لدرجة رجليه ماشي قادرين يرفدوه حس الارض دور بيه شاف فيها و قاللها : مبروك عليها و جا رايح ..
حتى حبسو صوت الضحك تاعها دار ليها و قاللها : قوليلي برك....
جوري: ههههههه خلاص عرفت الموضوع لي كونت حاب تهدر معايا فيه .
سام: يعني ماهيش مخطوبة و ماراحش تتخطب ياك!!
جوري: no
تنهد سام و قاللها: احمدي ربي راكي مريضة.
جوري :هههههه علابالي و شافت في حزامو و هدرت: عندي عرض ليك
سام: علابالك بلي نخافك نتي مي هيا نشوفو اخرتها معاك واش هو عرضك يا دكتورة يا محترمة 
جوري: علابالي واش راح تقولي على ميار و انا راح ندير كلش باش تكون صحبتي فرحانة في حياتها و انت راح توعدني ماتخليهاش تعيش واش عشت انا و راح تخاف عليها حتى منك و راح تحميها و ديرها في عينيك  و تاج فوق راسك
سام: راح نوعدك وعد شرف انو نحميها و نخاف عليها و نعيشها عيشة سلطانة مي لازم نعرف هيا واش تحس من جيهتي.
جوري: هديك خليها عليا ...مي كلش بالمقابل في هاد الدنيا ولا واش قالو
سام: اااااه فهمتك نتيااااا واعرة ..ايه يا سيدي واش راح تطلبي نفذهولك قولي برك.
بحركة خفيفة جبدت السلاح من خصرو و قاتلو: كي تجي تشوف حياتي ولات غير سلاح و اختطاف على هاديك حبيتك تعلمني السلاح و ماتقوليش ماكس يعلمك لانو بين 2 علابالنا انو ميديرهاش الميستر سووو على هادي حبيتك تعلمني بالمقابل هدا ماكان.
سام تحط تحت الامر الواقع خمم و قرر يعلمها لوكان تتحط في مأزق مرة وحدوخرة .
راح نقابلها و حط قرع تاع زجاج و رجع عندها و بدا يشرحلها و راح حط يدو فوق يدها و قاللها : ركزي على الهدف تاعك حطي عينك دائما على هدفك و 1...2..3.تيري
تيرات مي ماصابتش الهدف مي الرصاصة كانت قريبة بزاف
سام: من اول ملاحظة راكي مليحة هيا دوك وحدك...
سمع ماكس صوت الرصاص خرج يجري شاف جوري رافدة السلاح و سام يعلم فيها تنارفى و قعد يشوف فيهم ...
سام: 1...2...3 تيرات و هاد المرة صابت جوري الهدف
سام وقف و بقا يسفقلها : راكي سور بلي جامي استعملتي السلاح ؟
جوري: ولا مرة
سام: يعني كي تجي تشوفي بلي اول مرة ترفدي سلاح و تصيبي راكي هايلة
جوري: ايه هيا
سام: وشنو هيا ؟
جوري: نكملو.
سام: خلاص راكي تعرفي باش ادا كاشما صرالك تسلكي روحك برك و نحالها السلاح من يدها .
ماكس لي غير شافها تيرات و صابت الهدف تخلع ك
منها كيفاش تمتم  رفدت و تعلمت ...
دار سام رايح و قاللها : راني نفذتلك طلبك و الطلب تاعي يعتبر مزال متنفذش آنسة جوري و راح جاز على ماكس و دخل.
تقدم ماكس جيهتها و قاللها: انتوما الاطباء قاع هكدا و لا غير انت !
جوري: كيفاش؟
ماكس: تقولو للمرضى تاعكم انهم يقدرو ينوضو يوم العملية و غدمنداك عادي !
جوري: مفهمتش قصدك
ماكس: انت راكي نورمال! اه البارح درتي العملية و اليوم نايضة تتعلمي السلاح واش من عقل عندك
جوري: عادي ! يعني راني نحس روحي احسن و الجرح بدا يبرى .
ماكس: أوكي..
__________
مجهول1:هل مات !!!
مجهول 2: نعم سيدي لقد قتله ماكس****
مجهول 1: حسنا حسنا و كوبا عليه
: اااااه يا ماكس ااه لقد فتحت ابواب الجحيم بيدك و لن تستطيع الخروج منه لا الان و لا في وقت آخر...
____________
ماكس: راكي حابة تولي للقصر !
جوري: وي بزاااف
ماكس: اوكي هيا وجدي روحك و هيا نرجعو
طلعت طمت قاع حوايجها  في كابة و حبطت و راحو متجهين للقصر .
بعد ساعة من الطريق وصلو للقصر حبطت و دخلت للقصر و البنات استقبلوها و ميار لي محبتش تحبس من البكا حتى عيطلها سام خرجت معاه للحديقة.
سام: يا بنتي ارحميني راهي جات صحبتك حتى لعندك و راهي بخير قدامك و شفتيها و سمعتيها و لوكان نقولك واش طلبت تحيري واش راكي حابو كتر علاه هاد الدموع ؟
ميار : توحشتها جامي غابت عليها و لا جامي راحت بلا ميكون عندي علم .....مي واش طلبت منك !؟
سام بضحكة : نعلمها السلاح
ميار حلت عينيها: وااااش ! سلاح علاش!!
سام يقلد فيها : وااااش سلاح علاش!
ضحكت ميار عليه حتى هدر بلا مافاق: ايوااه نمد عمري علاجال الضحكة هادي.
حشمت ميار و حبطت رأسها و هو تدارك الوضع و حب يبدل الموضوع: ايه واش رايك نعلمك السلاح انت تاني كيما جوري حبت تدافع على روحها انت تتعلمي و تدافعي على روحك  ولا واش رايك!
كي قاللها كلمة تدافعي على روحك ولا تفكيرها للور شردت و الدمعة في طرف عينها
سام: وين رحتي؟
ميار: اه راني معاك ...ايه كاش نهار علاش لالا مي دوك هيا مدخلو و راحت هربت تجري .
دخل موراها ملقاهاش في الصالون دقايق و شافها خارجة من الحمام شاف فيها بشك و هدر مع روحو : في عينيك حزن و حكاية و داخل هاد الحكاية الغاز بزاااف و كل لغز صعيب باش نوصل ليه الا منفهمك يا ميار يامات برك........
❤💐