~Just be honest with him or stay away from him. Now I want to be honest with him because I love him~
"တိုက်တိုက်ဆိုင်ဆိုင် ဆုံဖြစ်တယ်နော်"
သူနဲ့တစ်ခုံကျော်ဖြစ်နေတဲ့ချောက သူ့ကိုစကားလှမ်းပြောလာသည်။ သူလည်း ချောကိုခေါင်းညိမ့်ပြလိုက်ပြီး စကားစပြတ်သွားသည်။
"ချေမိုး... နင်ဘာလို့ရည်မွန်ကိုမနှုတ်ဆက်တာလဲ"
"ဒီအတိုင်း"
"ဘာကိုဒီအတိုင်းလဲ"
"စနေပြီ။ တိတ်တိတ်နေတော့"
ချေမိုးနဲ့ရည်မွန်အခြေအနေကို အကဲခတ်မိနေတဲ့ချောက နည်းနည်းတော့ထူးနေတာကိုvသတိထားမိသည်။ ပုံမှန်ဆို စကားနည်းတဲ့ချေမိုးတောင် ရည်မွန်ရှေ့မှာဆိုရင် စကားများနေတတ်ပြီး ပုံစံပြောင်းနေတတ်ပေမယ့် ဒီနေ့ကတော့ မဟုတ်ခဲ့ဘူး။ ချေမိုးတစ်ယောက်ထဲလားဆိုတော့လည်း မဟုတ်ဘူး။ ချေမိုးနဲ့ဆိုတော်တော်ခင်နေပုံရတဲ့ရည်မွန်က အခုတော့ ချေမိုးဒီကိုရောက်လာကတည်းက စကားမပြောဖြစ်ကြသေးတာတောင်မဟုတ်ဘဲ နှုတ်တောင်မဆက်ကြဘူး။ လောလောဆယ် ရုပ်ရှင်ကလည်းစနေပြီမို့ ရုပ်ရှင်ကိုပဲ သူအာရုံစိုက်လိုက်တော့သည်။
"ဘာလို့ဒီလောက်ထိအေးနေရတာလဲ"
ဇာတ်ကားတစ်ဝက်လောက်ရောက်နေတဲ့အချိန်ရုပ်ရှင်ရုံမှာရှိတဲ့အအေးဓာတ်ကို သူကြိုးစားအံတုနေရပြီ။ လက်နှစ်ဖက်ကိုမပွတ်ရုံတမယ် တင်းကျပ်စွာဆုပ်ကိုင်ထားပြီး ခြေထောက်လေးတွေလည်း မသိမသာတလှုပ်လှုပ်ဖြစ်နေသည်။
"အစ်ကိုချမ်းနေလား။ နည်းနည်းအေးတယ်နော်"
"အင်း။ ဟုတ်တယ်"
"ရော့...ဒါလေးခြုံထားအစ်ကို"
"ကျေးဇူးပဲညီလေး"
သူ့ရဲ့အပေါ်ကုတ်ကိုချွတ်ပေးဖို့ကြံရုံရှိသေးတာကို အဲ့ဒီကောင်လေးက သူ့ထက်အရင်ဦးသွားသည်။ အကျီချွတ်ဖို့လုပ်နေတဲ့သူ့လက်ကို ချေမိုးပြန်ရုတ်လိုက်သည်။ သူကအမြဲတမ်း ရည်မွန်အတွက်ဆို ခြေတစ်လှမ်းနောက်ကျနေခဲ့မြဲလား။ သူငယ်ချင်းအနေနဲ့သာဆက်သွားရင် သူနောက်ကပဲအမြဲကျန်နေရတော့မှာလား။
VOCÊ ESTÁ LENDO
Rain💛Moon (Completed)
Romance"I LOVE YOU" If the eyes do not admire, the heart will not desire~💛 Rose Thornless_အဲ့ဒီပန်းလေးရဲ့အဓိပ္ပါယ်ကမြင်မြင်ချင်းအချစ်တဲ့။ (မင်းလေးရဲ့စာအုပ်ကြားမှာညှပ်ထားတဲ့ပန်းလေးတစ်ပွင့်ရဲ့အဓိပ္ပါယ်ကကိုယ့်ရဲ့အချစ်ကိုကိုယ်စားပြုတာပဲ)။ မြင်မြင်ချင်းအချစ်ကခ...
