~You had my heart since long long time ago, you've never left my mind since that day~
'ကိုယ်ဖျားနေတယ်လို့ထင်ပြီး အပြေးလေးအရောက်လာပေးတဲ့မင်းလေးကို ကိုယ်တစ်ကယ်ကျေးဇူးတင်တယ်'
ခွန်းသူ့ကိုဖုန်းဆက်တဲ့အချိန်တုန်းက ခေါင်းနည်းနည်းးမူးနေလို့ နေမကောင်းချင်ဘူးလို့သာ ပြောလိုက်တာကို ခွန်းကတစ်ကယ်နေမကောင်းဘူးထင်ပြီး ရည်မွန်ကိုဆက်လိုက်တာထင်သည်။ အခုသူ့ရှေ့မှာရှိနေတဲ့ရည်မွန်က ဝတ်နေကြအဝတ်အစားနဲ့မဟုတ်တော့ တစ်နေရာရာကနေ ချက်ချင်းလာတယ်ဆိုတာ သိသာသည်။ ရှပ်အကျီအဖြူထည်လေးနဲ့ ပုဆိုးအနက်ကို လိုက်ဖက်စွာပဲ တွဲဝတ်ထားတာလေးမြင်လိုက်ရတော့ သူ့မျက်လုံးထဲမှာ ရည်မွန်ကသပ်သပ်ရပ်ရပ်လေးနဲ့ ပိုပြီးချစ်စရာကောင်းနေတယ်လို့ မြင်မိသည်။
"ဘယ်ကပြန်လာတာလဲ။ ကိုယ်မြင်နေကြမင်းလေးပုံစံနဲ့ မတူလို့"
"ထူးခန့်ရဲ့မွေးနေ့ကို ဘုရားတက်ပြီးပြန်လာရင်း ခွန်းကဖုန်းခေါ်တာနဲ့ တန်းဝင်လာတာ"
"ဪ ကိုယ့်ကြောင့် အနှောင့်အယှက်မဖြစ်လို့ တော်ပါသေးတယ်"
"မင်းခေါင်းမူးနေတာဆို။ ဆေးရောသောက်ပြီးပြီလား"
"ကိုယ်ဆေးသောက်မလို့ပဲ။ စားစရာဘာမှမရှိသေးတော့ သွားဝယ်မလို့"
"မင်းကခေါင်းမူးနေတာဆိုပြီး ဘယ်လိုလုပ်စားစရာသွားဝယ်မှာလဲ။ လမ်းမှာမူးလဲနေရင် ဘယ်လိုလုပ်မလဲ။ အခုအိမ်မှာဘာရှိလဲ။ ငါတစ်ခုခုလုပ်ပေးမယ်"
ရည်မွန်ပြာယာခတ်သွားသည်။ ကိုယ့်ကိုကိုယ်ဂရုမစိုက်တဲ့ချေမိုးက သူ့ကိုစိတ်ပူအောင်လုပ်နိုင်ခဲ့သည်။ နေမကောင်းတာကို စားစရာထွက်ဝယ်ဦးမယ်လုပ်နေတဲ့ချေမိုးက သူ့ကိုစိတ်ပူရအောင်တမင်လုပ်နေသလိုပဲ။
"ဘာရှိလဲ"
"ရေခဲသေတ္တာထဲကရှိတာ အကုန်ပဲ"
ရည်မွန်ရေခဲသေတ္တာဖွင့်ကြည့်တော့လည်း ဘီယာဘူး ၊ အရက်ပုလင်းနဲ့ ရေဘူးတွေပဲရှိသည်။ တစ်နေကုန် ဒါတွေပဲထိုင်သောက်နေတာလားလို့တွေးပြီး စိတ်ပူမိပြန်သည်။ အသင့်စားလို့ရတဲ့အစားအသောက် အနည်းငယ်တွေတွေ့တော့ ထမင်းအရင်ချက်လိုက်ပြီး စားလို့အဆင်ပြေလောက်မယ့်ဟာတွေကို ပြင်ပေးလိုက်သည်။ ချေမိုးကတော့ သူ့ကိုဘာတစ်ခွန်းမှမပြောဘဲ တိတ်တိတ်လေးသာ ထိုင်ကြည့်နေခဲ့သည်။
ВЫ ЧИТАЕТЕ
Rain💛Moon (Completed)
Любовные романы"I LOVE YOU" If the eyes do not admire, the heart will not desire~💛 Rose Thornless_အဲ့ဒီပန်းလေးရဲ့အဓိပ္ပါယ်ကမြင်မြင်ချင်းအချစ်တဲ့။ (မင်းလေးရဲ့စာအုပ်ကြားမှာညှပ်ထားတဲ့ပန်းလေးတစ်ပွင့်ရဲ့အဓိပ္ပါယ်ကကိုယ့်ရဲ့အချစ်ကိုကိုယ်စားပြုတာပဲ)။ မြင်မြင်ချင်းအချစ်ကခ...
