رواء: سيلين يله اكعدي لا تتأخرين على الدوام
سيلين: رواء خليني نايمه شويه والله نعسانه
رواء: ولج يله اكعدي هو اخر امتحان اكعدي امتحني ورجعي نامي
سيلين: اووووف كعدت كعدت.. صباح الخير
رواء: صباح النور يله اكعدي بدلي ونزلي تريكي
سيلين:حاضر.. كمت غسلت وبدلت ومشطت شعري ونزلت علمود اتريك
سيلين: صباح الخير
الكل: صباح النور
رؤى: هاا اليوم اخير امتحان وراح تخلصين بعد من المدرسه
سيلين: واخيرا بعد ما طاح حضي سنتين بالسادس راح اطلع
محمد: اي بس كون تطلعين على الاقل معدل بي خير. مو بس صارلج سنتين تدرسين وتصرفين بفلوس ابوي هيج بدون نتيجه
سيلين: ليش شنو قابل صارفه بفلوس شخص غريب مثلا. تره جاي اصرف بفلوس ابوي اني مو بفلوسك
سجاد: اي والله كلام محمد صحيح صار سنتين اذب عليج فلوس وماكو كون تطلعين شي بي خير
سيلين: بعد ماسمعت هذا الكلام الي يسم البدن كمت. الحمدلله والشكر شبعت. ورحت لبست حذائي وطلعت... هاي اني لازم كل يوم اسمع نفس الحديث من ابوي واخوي ومرت ابوي...
اني سيلين عمري 19من بغداد سنه ثانيه سادس احيائي شاطره كللش بس عدت علمود اطلع معدل اعلى حالت اهلي الماديه وسط يعني موكلش زينه اني عايشه وي عائلتي الي متكونه من ابوي سجاد واخوي الجبير محمد عمره25 هذا من زمان يكرهني وبعد ما خطب كرهني اكثر من وره خطيبته. واخواتي ثنين تؤأم رواء ورؤى عمرهن 15 ومرت ابوي الي ما عمرها حبتني. واني شكلي بالاصل ابيض بس لانو ما اهتم بشكلي واطلع هواي بالشمس فوجهي صار لونه حنطي على سمار ولون عيوني تركوازي على ازرق وشعري لونه جوزي على شكار يكولون طالعه على امي بس اني ما اتذكر شكلها كلش المهم. اني امي عافتنه من زمان واني عمري تقريبا 3 سنوات ما اعرف السبب فجأه راحت وابوي تزوج وصار ما يطيق يشوفني حتى اخوي محمد ما اعرف السبب مع انو اني وياه من نفس الام. وفجأه صحيت من تفكيري واني احسن انو شخص يمشي وراي مشيت شويه ودرت وجهي بس ماكو احد.. غريبه حسيت انو احد وراي المهم ما اهتميت وكملت طريقي اليوم اخير يوم امتحان انشاء الله اطلع معدل علمود اكدر ادخل الكليه الي تعجبني.. وصلت للمدرسه واني شعور غريب بداخلي احس انو راح يصير شي بس ما اعرف شنو الممهم دخلت للقاعه ووزعوا الأسئلة وسميت وبديت احل
__________________________________
سيف: نايم واسمع الباب يندك.بصياح. اني مو كلت لحد يدك عليه الباب انتو ما تفهمون
زينب: سيف فدوه اكعد الله يخليك اكعد لان اذا ما كعدت ماما راح تخبصنه خبص
سيف: اووووف اوووف كعدت كعدت بس روحي من يمي
زينب: ماشي اني نازله بس مو تتأخر
سيف: ماشي
كعدت بعد معاناة من اهلي لان البارحه طولت بالسهره فنعسان كلش كعدت سبحت وبدلت لبست كله اسود كلعاده ونزلت جوه
سيف: صباح الخير. رحت بست راس امي واخواتي هاي عادتي كل يوم
الكل: صباح النور. ركزت بالاصوات وانتبهت للشخص الي مترأس الجهه الثانيه من الطاوله. وشفت اكثر شخص ما احب اشوفه الي هو ابوي. باوعت عليه ببرود وحقد وكلت
سيف: خير ياستار اليوم منورنه شكو. بوحدك او الخانم وياك
ماجد: سيف احترم نفسك تره ما جاي تحجي وي صديقك اني ابوك
سيف بأستهزاء: هه ابوي. اي ياابوي ماكتلي اليوم يمنه شكو
ماجد: ليش شنو تحاسبني
سيف: لا حشاك ليش احاسبك بس غريبه
ماجد: والله اجيت هنا لانو اريد اعدل هذاك البيت فأجيت هنا بين ما يكمل البناء
سيف: ردت احجي وانتبهت عليها نازله بكل وقاحه سكتت لانو مالي خلك مشاكل
مسار: صباح الخير
الكل: صباح النور
سيف: اني تجاهلتهم وكملت اكلي وكمت وي ما ردت اكوم حجت نور بنت عمي
نور: وين سيف ماكملت اكلك
سيف بابتسامه: لا شكرا كملت لانو انسدت نفسي وبعد ما اشتهي
رحت كعدت بالصاله وشويه وبدو الكل يجتمون وكلمن يسولف وي واحد واني صافن وافكر...
سيف: اني سيف عمري29سنه من بغداد مكمل طب واشغل دكتور وجاي ادرس السنه ثانيه دكتوراه عندي املاك خير من الله هاي غير املاك اهلي طبعا عندي مستشفيات وعمارات وبيوت كلش هواي وغير الشركات الي بالعراق وخارج العراق هاي كلها خاصه بيه مامتزوج وعايش حياتي براحتي اطلع وادخل شوكت مايعجبني. عائلتي متكونه من والدتي نرجس واخواتي اثنين زينب عمرها20 تدرس كليه تخدير اهليه ورقيه عمرها 22اخر سنه تحليلات واخواني 3 واحد مؤمل عمره 24 مامزوج يدرس اخر سنه هندسه والاكبر منه حسين مزوج هذا مكمل اداره واقتصاد يشتغل وي والدي بالشركه مالته عمره 26 والاكبر عمره 27هم مكمل اداره واقتصاد ويشتغل وي والدي اخواني ثنين متزوجين بنات عمي الي عايشين ويانه اخذو عن حب وعندي والدي مايسكن دوم ويانه يعني بين فتره وفتره يجي لان متزوج اسمه ماجد وزوجته مسار وماعنده اطفال من زوجته الثانيه اني ما احبه من زمان وبعدين تعرفون السبب المهم بيتنه جبير وعايشين احنا وبيت عمي الوحيد سويه عنده ولد2 متزوجين وبنت نور مامتزوجه وثنين متزوجات اخواني. مواصفاتي عاديه وجهي حنطاوي على بياض اكثر وشعري عالي ولونه جوزي وعيوني سود كللش ومكحله عيوني اكثر شي يميزني كلش حلوات وجسمي ايضا حلو...
صحاني من صفنتي صوت مبايلي وهو يتصل قريت الاسم ونرسمت على شفتي ابتسامه شيطانيه فتحته واني ابتسم.
سيف: ياهلا
مجهول: بنفس نبرت الصوت: هلا بيك
سيف: ها شنو الاخبار
مجهول: الاخبار للاسف كلها تمام
سيف: ضحكت بصوت عالي وجاوبته
يعني ماكو شي لصالحها
مجهول: للاسف ولسوء حضها. لا. بقه بس ناخذ منك الاوك
سيف: تمام طالما كلشي تمام فأخذو الاوك من عندي.
مجهول: حاضر. ضحك وكال. ماراح يمر غير وقت قليل وتسمع الاخبار الي تسرك
سيف: ضحك وجاوبه. وهذا المعروف عليك يابطل. وهسه خليني اروح علمود احضر نفسي بما انو جايني ضيف مهم. كمل جملته الاخير وهو يباوع لمرت ابوه الي يكره وما يحب يشوف وجهها
مجهول: تمام ماشي باي
شيف: باي. سديت الخط وذبيت المبايل وضليت اباوع على مسار بنضرات حقد وكره واني اتوعد الها انو اندمها هي وكل عائلتها😈
__________________________________
سيلين: خلصت امتحان وطلعت واني كلي تفائل بأنو انشاء الله اجيب معدل بهذا الامتحان. واني جاي اطلع اسمع ضحكات البنات عليه وعلى شكلي وملابسي الي صار الهن اكثر من سنتين عندي وشكلي الي ما يوحي لعمري ابدا(لان جنت جدا ضعيفه يعني جسمي ابد مامرتب ووجهي ايضا ولابسه نضارات) فتعودت دائما اسمع حجي الناس عليه عفت كلشي وطلعت واني ما مهتمه...
واني طالعه وجاي امشي فجأه اجه واحد يمي وكال.
مجهول: بلا زحمه عليج انت سيلين
سيلين: استغربت منين عرف اسمي واني اول مره اشوفه. بس جاوبته. اي نعم تفضل
مجهول: اني صديق محمد. محمد دزني عليج وكال اخذج لمكان مهم
سيلين: استغربت بالبدايه من كالي محمد يريدني وماصدكت ضليت اباوع عليه بنضرات كلها شك وكتله. بس اني اول مره اشوفك وماشايفتك قبل وي محمد وشنو يثبت انو كلامك صحصح
مجهول: وهو كان متوقع ردة فعلها فطلع مبايله واتصل برقم. انتضر الى ان رد عليه وكال. الو ها محمد شلونك
محمد: هلا بيك. ها جبت سيلين لو بعدك
مجهول: هاي سيلين يمي اريدك تحجي وياها علمود تصدك لان الضاهر خايفه
سيلين: انطاني الجهاز وكال محمد. سيلين لا تخافين هذا صديقي روحي وياه راح ياخذج لمكان عندي شغله وياج
سيلين: بعد ماحجه وياي محمد تطمنت شويه انطيت التلفون للولد سده وكال يله صعدي علمود نروح. صعدت بالسياره وهو صعدت يسوق. طبعا هو مااعرف ليش كان لابس كمامه اتوقع لان كان الجو بي بروده وشته يمكن. المهم مشه شويه واني بديت احس انو دخت مااعرف ليش وفجأه اغمى عليه واخر شي اتذكره انو شفت عيون الولد بالمرايه وهو يباوعلي وعيونه كلها شر وبعد ما اتذكر اي شي......
