~When we are together, everything around us becomes as breathtakingly beautiful as our love~
"ခဏစောင့်နော်။ ကိုယ့်အခန်းထဲမှာမို့လို့..."
"အွန်း"
ချေမိုးကပေးစရာရှိတယ်ဆိုပြီးခေါ်တဲ့အတွက် သူလိုက်လာခဲ့ပေမယ့် ချေမိုးကတော့အခန်းထဲဝင်သွားပြီး ပြန်ကိုထွက်မလာဘူး။ သူ့ကိုဘာပစ္စည်းပေးမှာမို့လို့ ဒီထိတောင်ခေါ်လာလဲဆိုတာမသိပေမယ့် ရည်မွန်မျှော်လင့်နေမိသည်။
"ရော့"
"ဘာကြီးလဲ"
ပါကင်ထုတ်ထားပြီးသားဖြစ်နေတော့ ဘာပစ္စည်းဆိုတာကို ရည်မွန်မှန်းလို့မရတဲ့အတွက် မေးကြည့်လိုက်ပေမယ့် ချေမိုးကသူ့ကိုမပြောပြဘူး။
"ကိုယ်မင်းလေးကို နေ့တိုင်း ၊ အချိန်တိုင်းတွေးနေမိလို့ ကိုယ့်အတွေးထဲက မင်းလေးအတိုင်းကို ပုံဖော်ထားတဲ့ပစ္စည်းလေး။ မင်းလေးကြိုက်မှာပါ"
"အခုဖွင့်ကြည့်လို့ရလား"
"မရဘူး။ အိမ်ရောက်မှကြည့်။ မင်းလေးသဘောကျဖို့ ကိုယ်မျှော်လင့်တယ်"
"ဒါဆို ငါပြန်တော့မယ်"
"ကောင်းကောင်းပြန်ပါဗျာ"
ဘာပစ္စည်းမှန်းမသိပေမယ့်လို့ ချေမိုးရဲ့အပြောနဲ့တင် ရည်မွန်ရင်ခုန်နေရပြီ။ ချေမိုးက အခုတလော စကားလည်းတအားများလာသလို ၊ ဖွဲ့ဖွဲ့နွဲ့နွဲ့လည်း ပြောတတ်လာသည်။ အခုလိုမျိုးမြင်ရတော့လည်း တစ်မျိုးလေးသဘောကျမိပြန်ရော။ ကိုယ့်စိတ်က သူ့ကိုပဲမြင်နေတော့လည်း ဘယ်နည်းဘယ်ပုံမဆို စိတ်ထဲကထုတ်လို့ရမှာမဟုတ်ဘူး။
"သားပြန်ရောက်ပြီလား"
"ဟုတ်အမေလေး"
"လက်ထဲကကိုင်ထားတာဘာကြီးလဲ"
"လက်ဆောင်ရလို့ယူလာတာ"
"ဪ"
ဘယ်သူ့ဆီကရတာလဲဆိုတာတော့ သူမပြောပြတော့ဘူး။ ချေမိုးသူ့ကိုပေးတာ ဘာပစ္စည်းမှန်းမသိတော့ ဘယ်သူဘယ်ဝါဆီကရလာတာကို မပြောဖြစ်တော့ဘူး။ ရည်မွန်ပြန်ရောက်ရောက်ချင်းကို သိချင်စိတ်ချင်ကြောင့် ဖွင့်ဖောက်ကြည့်လိုက်သည်။
YOU ARE READING
Rain💛Moon (Completed)
Romance"I LOVE YOU" If the eyes do not admire, the heart will not desire~💛 Rose Thornless_အဲ့ဒီပန်းလေးရဲ့အဓိပ္ပါယ်ကမြင်မြင်ချင်းအချစ်တဲ့။ (မင်းလေးရဲ့စာအုပ်ကြားမှာညှပ်ထားတဲ့ပန်းလေးတစ်ပွင့်ရဲ့အဓိပ္ပါယ်ကကိုယ့်ရဲ့အချစ်ကိုကိုယ်စားပြုတာပဲ)။ မြင်မြင်ချင်းအချစ်ကခ...
