أنت تقرأ

طَيف🌺

Romance

6.1973.. اليوم الذي ولدتُ فيه وسنه النصر كما تقول لي امُي مع إنني لبنانيه ولكن امُي كانت تقول لي أتيتي لتجلبي النصر لمصر بل الفخر لم يكن لمصر وحدها بل للوطن العربي اجمعه..

#طيف

طَيفّ"18 "

3 0 0 
                                    

                                              

مر اسبوع على جلوسي ف شقه ابي وامي رحمهما الله كان في أول ايامي حالتي تسوء كنت اتذكر ابقى وامي وافتقدهما كثيرا وايضا اتذكر أدهم ابي الثاني كان يزورني من الحين للآخر أمام باب الشقه ويجلب لي طعام وأشياء التي أريدها بدأت أشعر انني حمل عليه كثيرا تذكرت دفتر التوفير الذي حكت لي امي عنه و انها وضعت فيه بعضا من المال... هممت الي غرفه ابي وامي لابحث عنه ووجدته في دولاب امي في حينها سمعت صوت الجرس اتجهت نحو الباب
مين؟
انا أدهم يا طيف
فتحت الباب.. أدهم عامل ايه
تنهد ماشي الحال وانتي؟
مالك فيك شئ؟
لا انا كويس
بابا مالك؟
بابا! بقالك ياما مقولتهاش
ابتسمت.. هتفضل بابا برضو حتى لو بطلت اقولها.. المهم حاسه ان فيك حاجه مالك؟
انا عايز اتكلم معاكي شويه يا طيف
طب اتفضل اتكلم انا سمعاك...
طيف انتي عجبك وضعك دا؟
.....
انتي شايفه نفسك كدا صح لما تعيشي لوحدك
آآآ اريح ليا وليكم يا ادهم
لينا؟.. انتي شايفه انه هيبقى اريح ليا؟
آآآ...
بصي يا طيف انا مش هلومك على اللي حصل بس الأسبوع اللي فات دا انا مش مرتاح ومش مطمن عليكي وانتي هنا
بس انا كويسه هنا
وانا مش كويس يا طيف "قالها بأنفعال"
عم السكوت للحظه...
انا مش كويس لعدم وجودك مش مبسوط وانا بشوفك كدا عشر دقايق انتي نسيتي ان انا ابوكي يعني؟ ومتحمل مسؤوليتك؟
آ منستش بس...
بس ايه يا طيف؟.. عايزه تبعدي عني يعني
بس انا مش بعيد يا بابا...
لا بعيد
.......
بصي انا مش عايز اتكلم ف الموضوع دا كتير وعمتا اللي يريحك يا طيف... عايزه حاجه قبل ما انزل؟
شكرا يا أدهم..
"هم لينزل على الدرج"
طيف: ادهم
ادهم: نعم يا طيف
طيف: بص انا لقيت ايه ف دولاب ماما؟
عاد أدهم ونظر لي.. لقيتي ايه؟
مددت يدي له لكي يرى.. هذا
ايه دا؟ دا دفتر توفير
اه ماما كانت قيلالي انها شايلالي فيه فلوس... هيكون لسه شغال؟
ابتسم.. شغال؟ اه هتلاقيه لسه شغال وفلوسك زادت كمان
زادت ازاي يعني؟
لا دا موضوع طويل هبقي احكيلك عليه بعدين
طب اصرف منه ازاي؟
تصرفي منه ليه؟ انتي ناقصك حاجه؟
لا لا مش ناقصني حاجه بس لو عايزه اصرف منه اصرف ازاي؟
بتروحي البوسطه وبتسحبي الفلوس اللي عايزاها... متأكده انك مش ناقصك حاجه يا طيف؟
لا لا ابي لا شئ
ابي لا شئ؟.. طالما رجعتي للغه العربيه يبقى وراكي حاجه بس براحتك عمتا.. انا واثق انك لو عايزه حاجه هتقولي صح؟
ابتسمت.. صح يا بابا... ينفع بكره توديني للبوسطه؟
بكره؟
اه بكره عايزه افهم كام حاجه كدا هناك
امممم ماشي مفيش مشكله قبل ما انزل الشغل نروح
ابتسمت... شكراا جدا بجد
ابتسم.. العفو يا طيف..
.............
في اليوم التالي... استيقظت مبكرا كا عادتي وجلست ف الشرفه التي اعدت ان اجلس لها بمفردي واحضرت فطوري... وبعد ذلك قومت لاجهز لكي انزل لادهم....
.............
صاحي بدري يعني يا أدهم مش بعادتك؟.... كان هذا الصوت من فطيمه
نظر لها ادهم... عادي يا ماما رايح الشغل
الشغل بيصحيك بدري كدا؟ دا انت بقالك اسبوع نومك مش متظبط اشمعنا النهارده..
عادي
مش عادي ومش مرتحالك اصلا
احمد: صباح الخير
فطيمه و أدهم :صباح النور
احمد: صاحين بدري ليه كذا خير؟
فطيمه: عادي كنت بصلي الصبح ولقيت أدهم صاحي مش بالعاده
احمد: وراك حاجه قبل الشغل ولا ايه؟
ادهم: اه هودي طيف مشوار كدا و هروح على الشغل
فطيمه: اممم عشان كدا.. متقول م الصبح عشان السنيوره
ادهم: نظر لها ولم ينطق بكلمه
احمد: لسه بتعمل اللي في دماغك يا أدهم..
ادهم: دا المفروض يا بابا
احمد: لا مش المفروض.. المفروض دا عليا انا لغايط ما تكبر وتشيل مسؤوليه نفسها
ادهم: وانا وفرت عليك يا بابا عادي
احمد: تعالي يا ادهن عايزك... وانتي يا فطيمه حضري الفطار
ادهم: معلش يا بابا هتأخر على طيف
احمد: كلمتين بس مش هنطول
ادهم: ماشي يا بابا
"ذهبو الاثنين الي غرفه أدهم"
عم السكوت للحظه...
خير يا بابا في حاجه؟
أدهم انا هبقي صريح معاك كدا انت بتعمل كدا ليه مع طيف
يعني ايه بعمل كدا ليه مع طيف
كلامي واضح يا ادهم
معلش مش فاهم حضرتك
يعني بتعمل ليه كدا مع طيف وليه متعلق بيها كدا ليه انت مش كدا معا اختك يعني؟
هل انا مقصر ف حق اختي؟
اممم لا بس
من غير بس يا بابا انت عارف زهره مش بطيق نفسها اصلا غير طيف
انا ساكت بقالي كام سنه من ساعه ما ظهرت انت اتغيرت خالص يا أدهم بقت هي اهتمامك الأول والأخير وشاغله كل وقتك منكرش اني كنت مبسوط ب دا لان شوفت فيك راجل يعتمد عليه بس اهتمامك بيها مش عادي
مش عادي ازاي يعني؟
انت فاهمني يا أدهم
معلش يا بابا انا هتأخر على طيف نتكلم بعدين...واتجه الي باب الغرفه
ادهم انت بتحب طيف؟
وقف أدهم وهو موالي ظهره لابيه...
عادها مره آخره أدهم انت بتحب طيف؟
عاد أدهم ونظر الي ابيه... بنتي يا بابا واختي ازاي محبهاش
أدهم انت فاهمني كويس وانا عارف
......
أدهم خليك صريح معايا
تنهد أدهم وكاد ينطق بالحقيقه... ثم تراجع.. لا يا بابا هي بنتي واختي ولو كان فيه حاجه تانيه كنت هقول
نظر الاب نظر حاده لادهم.. متأكد يا أدهم؟
ايوا يا بابا متأكد بعد اذنك.. واتجه الي الباب
انا عارف ان في حاجه جواك ومش عايز تتكلم بس براحتك اول ما تحب تتكلم انا اول واحد هبقي سمعك..
سمع أدهم كلام ابيه هذا ثم فتح الباب وخرج.
..
طَيف🌺حيث تعيش القصص. اكتشف الآن