احببته عندما احبني❤ (تامي & احمد)

البارة السادس

مابنسبه للعبدالسلام معا انه سيباته مزال ايحبها ..
وماقتلكم انه مريم ازوجه في 2017 شهر 12 وعبدالسلام علم واكيد زعل ..
مريم دزة ل عبدالسلام قبل ماتقرى فاتحتها بي شهر دزتله مسج..
مريم: عبدو لو تبيني ممكن نفسخ عادي مزال شهر وتنقرى فاتحتي .
عبدالسلام: اول اسمي عبدالسلام ثانيآ معش نبيك .
مريم: قلت مرات مزلة اتحبني .
عبدالسلام: لا اطمني الحب اللى كنت انحبه لكي تحول لي كره قعدة نكرهك بدال ما نحبك.
مريم: انا قلت مرات حصلة شقه
عبدالسلام: حتى كان حصلة مش حانجيبك انتي فيها لانك ماتستاهليش المكان اللى حطيتك فيه .
مريم: باهي تمام خلاص يعني انعدي انشوف حالي .
عبدالسلام: انتي اصلن شايفتيه حالك بيا وبلايا .
مريم:بااااي .
عبدالسلام: طريقك بيضه وامسحيه . رقمي تمام .
مريم: تمام .
عبدالسلام: معناها اتشاو .
مريم كانت تبي اتشوفه يردلها وله لااا لكن لحظاته تغير في كل شي حتى اسلوبه معاها مش لحنين اللى تعرفه .
وعبدالسلام توجع الف مره من مسجاتها وكيف يكتبلها بكل برود وعلى ندمه على تامي اللى تتجاهل فيه وبرود مشاعرها اتجاهه ونادم على حبه ل مريم اللى عمرها مابدلاته نفس الشعور وعلى حاجات وااجد اولهم حب تامي له او اللى كانت اتحبه له و صدق مشاعرها اتجاها مش عارف كيف ايدير .
وتامي قعدة حوش خالها منصور معش اتخشه وااجد وهوا كان لما ايجيهم اتحاشه فيه اصلن وماكنتش تطلع اتسلم عليه لما ايجي وامه ماكنتش اطيقها لاهيا ولا اعيالها خاطي خوه عبدالسلام الصغير معتز اصغر من تامي با سنتين..
.....................................................
للكاتبه:-✴️toma tom💛✴️
انحبكم كلكم والله ❤
تصويت مش انطول الحلقه اكثر..
❤فضلا وليس امرآ❤
.....................
انردو لاحمد  وتامي ..
طبعن احمد دار  محاولات بيش ايصارح تامي ايرن عليها بس هيا ماتردش على ارقام غريبه ..
طبعن كانو ثانيه ثانوي بس رحلوهم التعليم بسبب كورونا وهكي ..
بس تامي تجنب في احمد قعدة ومش امعدله عليه مابتش اتحسسه بي انها اتحبها وبس هيا في نفس الوقت كانت اتموت في الوطا اللى يمشي عليها ..
هيا كانت كتمومه شويه وهاديه لكن لما اتعصب ماتشوف في شي قدامها بكل ..
احمد يحبها لدرجة انه عمره مابحت في غيرها..
ياما من مواقف صارن معاهم ..
احمد وتامي ايتاعملو معا بعضهم كانهم متعاركين وعائله كلها حست بشي هضا مش عارفين كيف يرجعوهم لبعض ..
احمد ايغيب على تامي وااجد ويتحاشاها مش عارفه ليش هل هوا يبي ينساها وله يبيها هيا اللى تكلمه وتصارحه..
.............................
في كم حاجه صارن انسيت نكتبهن توا نكتبهن لكم ❤❤.
...........................
بنسبه لتامي واحمد كان كل مره داير روحه يبي وحده  كله مش يشوفها اتغير وله لاااه عليه هيا تامي كانت اتغير بس ماتحبش اتبين لحد وكلما تسمع انه احمد كلم فلانه وعلانه اخت فلان تنقهر وتقعد نار راكبتها من جوا تاكل فيها وكاال💔..
عدو زرده للربيع معاهم بنات خالاتهم هنيه الله يرحمها عليك جو داروه ومعاهم ايمن ولد خالهم (سالم) ف تامي من بداية طريق اتنق تبي شكولاطه معنها هيا كانت راكبه في سيارة احمد ومعاه من قدام ايمن ومن لاورا تامي وامها واختها وبنت خالها ..
ف درسو قدام محل مواد غذائيه نزل احمد دازته ام تامي و فرج خوها من سياره الاخره وايمن حتى هو نزل شراء دخان لروحه وجاب شكلاته ملكا ل تامي ساعتها تامي فرحة وااجد لكن احمد كانت والعه فيه النااار الغيره من ايمن خصوصن ان ديما هو وتامي بصاره وضحك تقدرو اتقولو نفس الشخصيه تامي بس راجل بالحيته ..
وكملو زدتهم وروحو على مغرب كل واحد لحوشه..
.................
معش عرفة هل هو يحبها وله مايحبهاش حارة معاه الصراحه..
في 2020 شهر 12 تامي في حد كان يبيها اسمه احسين ويحبها ومهتم بيها بشكل فظيع ..
تامي يضرب تلفونها شافاته رقم غريب مابتش اترد شويه وهكي قعد ايرن معش سكت حظراته..
بعد يومين خش رقم عليها على وتس ماتعرفه..
حسين: تامي المره هذي تسمعيني في موضوع مهم نبيك فيه ونبي بلاه الحظر..
تامي: باهي منو معايا
حسين: امعاك احسين
تامي: حسين من؟.
حسين: ماتقوليش ماعرفتيني .
تامي: والله ماعرفتك افهم يااخي.
حسين: اووف انا حسين ال*.... عرفتيني توا
تامي: (قرة رساله لكن ماردتش).....
حسين: عرفتيني صاااح.
تامي: انته ليومتها دزيتلي رقمك معا رنا (صحبة تامي) لما كنا في مول.
حسين: اها واللى شرطتيه وعزقتيه على وجها.
تامي: اكيد نبي نشرطه مالا تبيني انرن عليك .
حسين: اهو وتوا حصلته رقمك جبته جبته.
تامي: من عطاه لكي .
حسين: لازم تبي تعرفي
تامي: رنا صااح اكيد اللى عطاته لكي.
حسين: لالا مش هيا ، توا خليكي من عطاني الرقم وخليك معا المهم نبي انقوله لكي.
تامي: توا نبي نعرف من عطاك الرقم.
حسين: تعرفي شن نبي بعدها انقولك كل حاجه.
تامي: لا توا قلت.
حسين: باهي توعديني ماتقوليش لحد بذات للشخص هض.
تامي: اخ وخلاص، باهي به غير ادوي.
حسين: عرافتيه محمد.
تامي: محمد نحنا عيلتنا كلها محمدات.
حسين: محمد صاحب حافلتك.
تامي: تدوي جد.
حسين: عليش حانبصر يعني.
تامي: حانساله كيف يعطي رقمي هكي.
حسين: لا ونبي ، هوا ماكنش يعرف اني خذية رقمك من دفتره امتاعه.
(محمد هضا صاحب حافلة اللى فيها تامي في مدرسه).
تامي: باهي معقوله تاخذ ارقام بنات من وراه ترضاها حد ايديرها لاختك.
حسين: لاني من اول ماشفتك في بالي انتي.
تامي: ...
حسين: ونرضاها على اختى لو كان اللى خذا رقمها يبيها باحلال كيف مانبيك انا مش يلعب عليها.
تامي: جو فروخ فكني منه حلال ما حلال ، اللى يبي حد باحلال ايجيه من باب حوشهم من يسرق رقمها ويكلمها.
حسين: شنو يعني نافرخ
تامي: ماقلتش انته فرخ نحكي نحكي على كلامك.
حسين: انمشيها لكي المره هذي
وكان على حلال وباب حوشكم قولي وصفكم وامتى يوم ايكون مناسب وانجي نخطبك رسمي.
تامي: شن قتلي اسمك انته(طبعن طروح هيا مذكره اسمه) .
حسين: احسين اسمي ياتامي.
تامي: باهي ياحسين اختصر لاني مليت بجد.
حسين: ماعندي مانختصر قتلك نبي انجيب هلي وين عنوان حوشكم.
تامي: اسئل محمد كيف ماخذيت منه رقم تقدر تاخذ منه عنوان.
حسين: (كان عارف حوشها من محمد ورقمها خذاه من محمد وهوا يعلم مش من وراه كيف ماقال ل تامي وعجباته تامي من قبل اسلوبها ولبسها مستور وحتى كلامها بعد ما حكا معاها عجباته اكثر من قبل) مش حانز عليكي بس والله عجبتيني.
تامي: قولي شن عجبك فيا .
حسين: اسلوبك هدوك طريقتك لابسك وبذات اعيونك.
تامي: ماشاءالله وامتى شفته هضا كله.
حسين: من بعيد انشوف فيك كل يوم انتعلق فيك اكثر مش عارف هضا حب او اعجاب وله شنو.
تامي: ....(ماردتش لكن حسة روحها تريحتله وااجد كان هكي راهي حظراته طول).
حسين: تامي والله نبيك وعادي لو ماتبيش تكلمي معايا توا لعند مانخطبك رسمي بعدها نحكو عادي.
تامي: حسين اسمع انا رافضه الجيزه توا بكل .
حسين: انا ماقتلك نجوزو توا بس خطبه وبعد تكملي شهاده ثانويه وتنجحي انديرو بيان ودفع .
تامي: انا توا عندي قرايتي اهم شي حتى بعد نكمل شهاده ثانويه.
حسين: عارف وانا عادي ناخدك وتكملي عندي قرايتك ومش حانقصر معاك.
تامي: اووف صكره الموضوع تمام.
حسين: تامي انا انحبك.
تامي: ....(هنا انصدمة ومعش ردة عليه)
حسين: تامي
حسين: تامي وينك قاعده متصل.
تامي مابتش اترد عليه حتى لما دز ماخشتش قرة مسج امتاعه ومعنها متصل قاعده ..
حسين: باهي براحتك.
حسين عرف انه كثر عليها مابش ايزيد عليها دوا وااجد..
وتامي سرحانه قاعده لان اول مره حد ايقولها لها وتحسها انه من قلبه طالعه الكلمه هذي .
ومشاعرها متلخبطات وبين قلبها وعلقها مش عارفه تسمع كلام من؟!..
بعد فتره هكي قعد حسين يدوي هوا وتامي ..
لكن هيا متريحه معاه لكن قلبها مش معاه قلبها معا احمد .
تامي تدوي معا احسين لها 7 شهور وهيا مزالة ماحباته كله هوا مانقص عليها شي من هدايا و كروت وعطور كان ناقص انه يقعد راجلها بس كيف ماهو خاطره..
تامي كلما كان احسين ايقوللها نبي انجيب هلي اتقوله مزال شويه وهكذا استمر الحال لعند مايوم قررة تامي تدوي لحسين.
....
تامي: حسين
حسين: اعيون احسين
تامي: نبي ندويلك حاجه
حسين: ادوي اعيوني نسمع فيك
تامي: متزعلش مني
حسين: لامنزعلش منك ادوي غير قلقتي امي.
تامي: احسين الايام هذينا امتحاناتي وانته تكلم وااجد فيا نبي نستغل وقت مش نقرا فيه.
حسين: باهي ساعه انكلمك فيها بس مش حاديرلك شي
تامي: نلهى ياحسين سواء ساعه او اكثر افهمني مش حانقدر انكلمك الفتره هذي بكل اوكي.
حسين(بصوت مضايق): باهي بس مره مره اندزلك نسال عليك حتى مسج على تلفون.
تامي: باهي عادي بس اعذرني لان امتحانات وضغط عليا واللهي راك تزعل.
حسين: لا مش زاعل دوبينها في مصلحتك عادي كله ايفوت.
تامي: باهي شكرن وااجد انته اكثر حد كلامه ايرحه فيا لما نقعد مضايقه .
حسين: العفو عيوني ، لاني مانحبكش وانتي مضايقه .
تامي: باهي بااي توا
حسين: بااي عيوني وديري بالك من روحك واقري كويس نبي نسبتك في فتره الاوله 100% باهي.
تامي: باهي ربي يحفظك ليا.
حسين: ويحفظك ليا اعيوني هيا سلام
تامي: سلام
حسين: موفقه
تامي: ....
(حسين كان خاطره ايكمل دوته معاها لعند يرقد هوا وهيا)
تامي مش قصة امتحانات قصة انها تبي تبعد عليه شوي شوي معش تبيه ايتعلق فيها اكثر من هك ف دارة سبلة الامتحانات وانها شهاده وهكي ..
تامي بعد احمد معش حبة حد لكن خايفه اتصارحه تنكسر كيف ماكسرها عبدالسلام بس في فرق بيناتهم انه تامي حست انه احمد يبيها كلا عبدالسلام عمرها ماحست انه يبيها بس كعد يبيها بعد ماسيباته مريم حس باشي بعد مافقده ان خسره اللى حباته بكل عيوبه بكل شي شكله اسلوبه كل شي فيه حس بي ذنب حس ان تامي حشمة فيه او داعيا عليه.
ف سآل اخت تامي امل على وتس..
عبدالسلام: اموله خيرااات.
امل: اهلين.
عبدالسلام: فاضيه و موش فاضيه
امل: فاضيه انشاءالله خير شن فيه
عبدالسلام: باهي تمام نقدر نحكي يعني
امل: احكي خلصني شن في
عبدالسلام: انتي.....

يتبع...

💛toma tom
انحبكم وااجد❤ وانشاءالله عجبتكم الحلقه.
وماتنشوش تصويت ورايكم فيه البارة
لان راايكم مهم واجد ليا💚..
وشاركوها بليززز
تابعوني:-
insta: tomatom335
باااي👋 البارة الجاااي نااار🔥
حايكون باذن الله فيه شوية🔞🔞