الدكتورة أسيرة الزعيم 🔫👩‍⚕️

الحلقة26

كملو قصرة و كل واحد طلع لبيتو جوري عاونتها ميار و جوليانا سام طلع مع ماكس للبيرو ..
ماكس: علاه درت هكدا؟
سام و هو عاقد حاجبو : واش درت !
وقف ماكس و راح مقابل سام: علاش علمتها ترفد سلاح .
سام: اه بيناتنا اتفاق وشرطها تتعلم السلاح و يعني ماعلمتهاش كلش جوست كيفاس تشدو برك
ماكس: امم اتفاق
سام و هو يشوف في عين ماكس: علاه راني حاس النظرة تاعك مش نورمال !
ماكس: اه لالا كي قولت اتفاق تفكرت حاجة و ضحك ضحكة شر
سام: واش تفكرت يا ميستر يا شباب
ماكس: قتلك انا عندي دواك ولا نسيت
سام: اااه حبيبي ماكس و ناض بقا يدور على البيرو و ماكس يتبسم بهدوء و واقف في بلاصتو يستنى الوقت المناسب..
سام: اسنا اسنا عندي ليك عرض خيالي راح تشكرني حياتك قاع اسمعني برك
ماكس : عرض خيالي ليا ! و نشكرك حياتي قاع !!اممم هيا نشوفو عرضك يا محترم
سام: يعني باش الواحد يتعلم السلاح لازملو يداوم يااك و جوري علمتها برك كيفاش تشد السلاح و مازال بزاااف حاجات مازال متعلمتهمش ..
قاطعو ماكس: اوووه كسرتلي راسي ملخر اهدر
سام: واش بقا انت تعلمهولها بالمقابل تخليني مريض يعني منسحقش دوايا
حبس ماكس و ضم يديه لصدرو : امممم علابالك منداك تخمم صح
سام تنفس و قعد : شفت قتلك متندمش ا صاحبي
ماكس: ايه صح و طبطبلو في كتفو: مي هذا ميمنعنيش باش ناخد الضربة القاضية و ننتقم  و راح عطالو بوكس في كرشو و دار : ماشي ماكس لي يلتزم بالشروط و القوانين لانو القوانين دارت باش نخالفوها غمزلو و خرج .
سام: اااااه المسموم يدو ثقيلة..
طلع ماكس لبيتو دوش و خرج رما روحو فوق الفراش و حطو يدو تحت راسو و بقا يتبسم وحدو و تفكيرو في حاجة وحدة مي تمتم تمحات التبسيمة كي تفكر انو لوكان طول علبها شوية كان راح يخسرها ناض مبلاصتو و خرج راح طبطب في بابها مسمعش رد فتح الباب بلاعقل  و دخل لقاها راقدة راح قعد قدامها و قعد يشوف فيها بفعل لا ارادي رفد يدو و قعد يمسح على شعرها : دخلتك في دوامة كبيرة و مظلامة علابالي بلي احبستك عندي و هددتك و حبيتي ترفدي السلاح باش تدافعي على روحك برك ....مي هاد الشي قاع صدقيني علاجالك و علاجال باش نحميك و تكوني تحت عيني ......
لقى نظرة اخيرة عليها و خرج م غلق الباب و تكا راسو عليه و تنهد : اااااه يا دكتورة واش درتي فيا ااه ..
حلت عينيها تشوف في الفراغ يعني جا حتى لعندها و الشي لي دارو ماشي برك علاجال انها تحفظ سرو الحال انو خايف عليها حتى الفكرة خلاتها تفرح ناضت تضحك وحدها حتى فاقت لروحها: واش صرالك جوري افطني و راحت ولات ترقد ...
جازو 15يوم روتين جوري تحسنت و ولات احسن من الاول ناضت صباح دوشت و لبست جين و تريكو خفيف لانو الحال بدا يسخن خلات شعرها نشمخ و حبطت للتحت شافت جميلة في الكوزينة: صباح الخير طاطا
جميلة : صباح النور.
شافت فيها جوري و هدرت: طاطا لاباس!!
جميلة بحزن كبيير: بخير ولا ماشي بخير دايمن نحمدو ربي يا بنتي ..
جوري: طاطا واشبيك !كاشما خصك !راني هنا نقدر نعاونك بواش نقدر
جميلة: يا بنتي انا وليدي تورط مع ناس متخافش ربي و يدهم تلحق للبعيد و مدولو مهلة تاع 6ايام لوكان ميجيبش فيها واحد المبلغ منعرف واش راح يديرو فيه و بدات تبكي..
شافتها جوري هكداك عنقتها و بقات تهدي فيها : اششش طاطا متخافيش كلشي يتحل و وليدك ميصرالو والو..
جميلة: راني خايفة عليه شحال من مرة قوتلو اخطيك من الصحبة الفاسدة راهم يدوك للهلاك مي ميسمعنيش
جوري: و ماكس علاه مقولتيلوش بالاك يهدر معاه و يقنعو ؟
جميلة: ماكس شحال راح يعيا يعاوني ..
جوري سكتت و قاتلها : و المبلغ شحال؟
جميلة:100الف دولار $
جوري حلت عينيها من المبلغ يعني واش هي الجريمة لي يكون قدر يرتكبها باش يطلبو منو هاد المبلغ الكبير مي محبتش تسقسيها لانو امر شخصي سكتت و قاتلها : متخافيش ربي معاك دايما
جميلة: و النعم بالله
ابتسمت معاها و خرجت طلعت بدلت حوايجها و جات خارجة حبسها العساس: انا آسف سيدتي لكن ممنوع عليك الخروج.
جوري: انها اوامر ماكس اليس كذلك!
العساس: نعم سيدتي..
جوري: لكن هناك امر عاجل يجب علي الخروج لكنني اعدك ان لا أتأخر انه عمل لمدة اقل من ساعة أرجوك دعني اذهب لانه امر عاجل جدا
العساس: حسنا اتمنى انه سوف تكون عندك اجابة مقنعة للسيد ماكس و راح و خلاها
جوري: ايهيييييييه ربحت وليت نبررلو تاني ايا روح شوف يماك.
راح العساس عيط لماكس و قالو واش قاتلو جوري
ماكس: حسنا قم بتعقلها و اياك ان تفلث من يدك
العساس: حسنا سيدي و راح موراها بلا متحس
راحت جوري للبنك دخلت و واحد 10دقايق و خرجت و رجعت للقصر .
العساس: سيدي لقد عادت للقصر الآن
ماكس: اين ذهبت !
العساس: الى البنك. 
ماكس: البنك !! حسنا اريدك ان تعرف لي كم قدر المبلغ الذي قامت باخراجه
العساس: حسنا سيدي ....
دخلت جوري للقصر و راحت للكوزينة و شافت جميلة مهمومة كيما خلاتها صباح راحت وقفت قدامها و قاتلها : طاطا معليش تجي معايا لفوق .
اومأت برأسها و طلعت معاها و غلقت الباب قعدتها جوري فوق الفراش و قعدت مقابلها و جبدت الدراهم من الصاك و حطتهم في يدها : خالتي هاوليك المبلغ لي يقدر يعاون وليدك باش يخرج من المأزق هذا انا هاد المبلغ مانيش في حاجة ليه و نتمنى تقبليه ادا تعتبريني في مقام وليدك اقبليه و مترفضينيش .
جميلة دمعو عينيها و هدرت : بشرط واحد
جوري: لي هو !
جميلة: ناخدو كدين والا مناخدوش .
جوري خممت مليح ادا قاتلها لالا راح ترفض و راح تدخل في دوامة من التفكير فقبلت و قاتلها: امم اوكي .
عنقتها و قاتلها : ربي يزيدك فيما اعطاك و يبعد عليك كل انواع الشر و المصائب ياا رب و باستها في راسها.
جوري: آمين يا رب آميين مي دوك نسحق نشوف هاديك الضحكة الشابة
ضحكت معاها جميلة و تشكرتها و راحت......

_________  بعد ساعة
العساس:  سيدي لقد عرفت المبلغ انه مبلغ كبير نوعا ما ..
ماكس: كم؟
العساس:100الف دولار$ كوبا عليه و رما التليفون: لالا مدارتش شهر و هي متصاوبة و خارجة من عملية واعرة ....تحوس تتعلم السلاح...تخرج بامر عااجل تروح للبنك و فوق هذا قااع تجبد 100الف دولار !!!ماشي نورمال الطفلة هادي راح تهبلني راح تهبلني و ناض ركب طونوبيلتو و طار بيها للقصر....
كانت مكسلة لابسة بوستي و سروال شعرها مخرب و تشوف في pc حتى تشوف الباب تقلع من بلاصتو وقفت مخلوعة حتى تشوفو واقف قدامها كي الثور الهائج عينيه نار و البرود طاغي عليه....
دخل للقصر معول عليها و على الشي لي ديرو فيه طلع عندها للبيت شافها واش لابسة حبس بلع ريقو و....
                     اسفة على التأخير ❤🐾