Friends | فريندز

الفصل الرابع و العشرون

حدث في الفصل السابق..

- هو أنت كل ما تتزنق تشهر إسلامك!

- أنتي بتسكري في اللبن يا بت!

- شكلنا رد سجون اوي ها؟؟

_ اهو الاستهتار ده هو الي بوظ علاقتنا

- طب أنت تعرف حد مثلاً ممكن يكون متورط في القضية دي؟؟

- انتي يا بت انتي هو مش انا قولت نقفل ام الستارة

- أسرع يا بنت انتي وهي مش بتجروا على قشر بيض، أجروا عدل!!

- ده انتي هتشوفي ايام سوداء

- يانهار اسوح!! مخدرات!!!

- ابوس ايدك يا سارة ابوس ايدك، اخبط نفسي طيب، علشان خاطري ركزي شويه

-أنت عارف ان أكتر المرضى النفسيين هم الدكاترة النفسيين نفسهم!
-مجنونه دي ولا ايه؟؟

- بس يا حبيبي نزل مسدسك يا بابا هي مش لعبه ، انتوا متنشنين ليه؟ ده انا جاي أسلّم بس

-بس تصدقي ، حلوه جزمتك
-وهتبقى احلى لما تنزل تطرقع على وشك ان شاء الله

- يييييه، لا لا ماما مش هنا يا ماما ارجوكي لااا

- كده بقى يبدأ الشغل..

___________

فجأه اتفتح باب البيت على مصرعيه مسبب صوت واضح بسبب خبط الباب في الحيطة و ظهر شخص من خلفه فاتح ذراعيه على وسعها و جنبه شنط سفر وعلى وشه ابتسامه عريضة وصاح بصوت عالي

" انناااا جيييتتت "

كلهم وقف مكانه و التفتوا ناحيه الباب و شهقوا بصدمه
" أكرم!!! "

تقدم للأمام قائلاً بترحاب
" Hola amigos "
-مرحباً يا أصدقاء -

كاميلا التفتت على الصوت و شهقت بدهشه سعيدة
" OMG, hola! "

سحب شنطه سفره معاه للداخل وأكمل من ترحابه
" como estas, everybody "
- كيف حالكم، جميعاً -

سمير تمتم بتذمر وحنق
"ابنك جاي يكمل على بقيتي سيبني عليه! "

تمتمت نشوى بالمقابل قائله
"استني يا سمير ده لسه راجع من السفر اصبر بعد الغداء اديله العلقة الي انت عاوزها"

تقدم سمير و اخد ابنه في حضنه، حضنه بقوه و هو بيربت على ظهره بعتاب
" كده يا أكرم تغيب كل ده هونا عليك يا أخي"