قمري ❤️ (روايات ليبية)

البآرت السآبع

قمري ....
البـــــــــــــــارت الســـابع

يوومةة محمد ✨

....
نضت وجسمي مدقدق قعدت ندور ع تلفوني ملقيتاش .. وقفت نتثاوب
خشيت للحمام غسلت وجهي
..
نزلت لوطه ولقيت امي مقعمزه شاده تلفونها وتشرب ف قهوه
اني نتثاوب : صباح الخير ماما
امي : صباح النور
اني : الساعه كم؟
امي : 1:30
اني بصدمه : هههيييي علاش مانوضتينيش وواك ععليااا
امي : خيرك تعيطي انتي مبارح بعتيلي رساله قتيلي متنوضينيش غدوا معنديش جامعه
اني : امتـــــــــــــــــى؟😳
امي مدتلي تلفونها : شوفيها الرساله
جبدت منها التلفون وكان مكتوب ‌‌" ماما متنوضينيش غدوا معنديش جامعه تصبحي ع خير 😘"
عطيتها تلفونها وركبت لدراي واني نجري من كتر الصدمه
جبدت تلفوني فتحته خشيت ع الرسايل ملقيتهاش !
شن هداا ؟؟
شن اللي صاير ؟؟
قعدت مقعمزه شاده راسي بندووخ
معاش فهمت شيي ، وشويتين نحاول نتذكر شن صار مبارحح ،
وقفت بعد ما تذكرت اني داسه حبوب اللي لقيتهم يومتها ف داريي لما كنت ننضف فيههاا ،
مشيت للدولاب ، قعدت ندور عليهم لوحت كل شي لوطه ..
ومزلت مستمره ف البحث ..
لين اخيرا لقيتهم منكتر فرحتي قعدت نبوس ف روححي مش عارفه الطريقه المهم نبوس فيا ..
جبدت تلفوني تاني ورنيت ع غدير ، بعد ماضبح مرتين ردت ..
الوو
غدير : ايوا قمر
اني : شجووو
غدير : تمامو وانتي
اني : الحمدلله ، بالله بنقولك انتي قاعده ف حوشكم ولا؟
غدير : اي علاش بتجيني تبي؟
اني : اي نكلم ماما تجيبني
غدير : يا والله نهار مباركك صكري صكري بنجهز حاجه
اني : تم سلام نتلاقوو

...
هيا ماما بالله عليك
امي : لا يعني لا
اني : بالله عليك ماما نبي نجيب منها الشيتات امتحانات ع الابواب ونبي نبدا نقرا
امي : اكتر من ساعه مفيش
اني : اححيي نحبككككك امموواااه
امي دفتني : البسي عبايتك وتعالي
...
ركبت داري ولبست عبايتي خت فت وساويت وشاحي قدام المرآيا ، وف نص شعري طالع .. اتذكرت ريماس ابتسمت ولوحت الوشاح وجبدت شاربه سوده لبستها .. ونحيت الحزام من العبايه
لبست اسبيدرو ونزلت نجري ..

امي : تبارك الله محلاكي لما تلبسي هكي
اني : اصلا انا قنينه من ربي😌
امي : اركبي السياره خير مانلغي الفكره
اني : لا خلاص نبصر

..
حقا امي وين بوي
ماما : طالع من الصبح
اني : اها وفرخه ريم
ماما : الصبح جي ولد عمتك سلم ع بوك وقالت بتمشي معاه لحوشهم منعتها لكن رفعهها معاه
اني : وشن بتروح ولا لا؟
ماما : اي اكيده لما تكملي انتي وغدير بنمشو نجيبوهاا
اني : اها يعني بتخشي معاي
ماما : اي اكيد بنسلم ع سليمه
اني : امممم
درست السياره ونزلنا ، رنيت الجرس قعدنا شويه وفتحت غدير ..
" اهلا اهلاا نورتوو ''
ماما : سلمك بنورك بنيتي كيف حالك عاش من شافك
غدير : تسلمي خالتو الحمدلله كويسه بشوفتك نورتي خشي تفضلي
اني : حسيت روحي شبشب حمام
ماما : مش احساس هدا كلام حق " وخشت "
اني وغدير نضحكوو
مهم خشينا الصاله وقعدنا نهدرزو شويه ، وركبنا اني وغدير لدارهاا .....
غدير : شن في احكي
جبدت شنطي وفتحتها وطلعتلها الحبوب
غدير : شن هدا؟
اني : الله اعلم جاياتك بش تقوليلي
غدير قعدت تقلب فيهم وتستكشف فجأه فتحت عيونها ع وسعهم ..
اني :شن في خيركككك
غدير : هادم حبوب منع الحمل
اني : تبصرييي ولاااا
غدير : لا والله مانبصررر اقرييي شووفي هاا
اني نبكي : لا اله إلاالله ، شن اللي قاعد يصير معايا بنهبلل شن رافع حبوب منع حمل لغرفتييي؟؟
غدير : اهدي اهدي توا كله ينحل غير اصبري
اني : شنو كله ينحل تخيلي نطلع ... " سكتت مكملتهاش وفعلا تخيلت "
غدير : لالالالا باذن الله لااا اسكتي معاش تقولي هكييي
اني : اااه ياربييييي بننجن ٰٰ قعدت نخبط ف راسيي ٰ
غدير : قوليلي شن يصير معاك او صاير معاك وانا معنديش علم بيه