الدكتورة أسيرة الزعيم 🔫👩‍⚕️

الحلقة 27

شافتو وقفت و هو يشوف واش لابسة فاق من سرحتو كي هدرت: خير كاشما خصك!
ماكس و هو يدير يدو في جيبو و هدر ببرود : وين كنتي اليوم!
جوري: راك تحاسب فيا!
ماكس و هو يدنا ليها: وين كنتي اليوم صباح و واش هي الحاجة المهمة لي خرجي علاجالها؟ نسحق اجابة و مادابيك تكون مقنعة ،راني نستنا ..
جوري: كاين حاجة اسمها خصوصية عفايس ميتهدروش تسمع بيها هاد الحاجة!
ماكس : اممم قعد في الكرسي لي مقابلها  و شاف في ساعتو علابالك عندي الوقت حتى للصباح نقعد نستناك معندي حتى مشكل تحبي ساعة زوج تلانة ...
جوري و بدات  تعلي صوتها: قتلك حاجة مهمة و اسمها خاصة تعرف واش معنتها خاثة يعني حاجة متخص حتى واحد غيري اناااا
ماكس: نقصي حسك و اهدري وين كنتي
جوري : و لوكان منهدؤش اه لوكان منهدرش واش راح  دير
وقف من بلاصتو و هدر : قلت لربك شحال من مرة صوتك ميعلاش عليااااا فهمتيييي
انتفضت من بلاصتها من صوتو و التبرة التاعو بي تخليك ترجف و حتى انك على بعد أمتار منو..
مسح على وجهو و هدر : راح نسقسيك للمرة الأخيرة وين كنت و احسنلك تجاوبي؛   وين رحتي!
شافت فيه و عرفت انو لوكان تبقى تعاند فيه ماراح تلحق لجتى بلاصة راحت تهدر حتى تفكرت جميلة و انو محبتش تقولو و ماهيش حاباتو يعرف والو شافت فيه و هدرت : رحت لداري .
ماكس ضحك و قاللها: رحتي لدارك ! اممم و دخل بدز في جيبو و جبد مفاتح و ورالها مفتاح تاع دارها و قاللها: كي رحتي لدارك مالا هذا وشنو !!
شافتو و هدرت مع روحها : غبية .
راحت قعدت فوق الفراش و رفدت pcتاعها و قاتلو : معندو مدخلك وين رحت .
ماكس و قد طفح به الكيل راح ليها و رما pcفي الارض حتى ولا الكلافي في جهة و ليكرون في جهة و بدا بعيط: وين راكي حابة توصلي اه وين اهدري وين تخرج كيما تحب تدخل كيما تحب تتعلم السلاح تروح لتركيا و الضحك و التبهليل مع سام و عقد الاتفاقات اهه وين راكي حابو توصلي اهدري.و رما الكرسي خبط في المراية كسرها ..
كانو قاعدين التحت سمعو العياط طلعو لقاوه جاي من بيت جوري راحت ميار تفتح الباب شدها سام: لالا خليك بعيدة المشكل بيناتهم و ماكس يكره لي يدخل روحو في شغلو
ميار: مي راح..
قاطعها: محال يقدر يآذيها محااال هيا شدها و حبطو اما جميلة عرفت علاه راهم يضاربو فقررت تقعد لتم ..
جوري تشوف فيه الحالة لي وصل ليها ناضت وقفت راحت تهدر: واشبيك تاكل فيا اه احترم نفسك و متفوتش حدودك معايا و زيد ةاش دخلك انت فيا اه واش تكووووون واش تكون اه اهدر نروح وين نحب و نقعد مع لي نحب و نعقد اتفاقات مع لي نحب انت وااااااش دخلك فيا اه ديجا نقولك حاجة الغلطة فيا لي قعدت فيها دقيقة في هاد القصر بسبابك شفت انواع العذاب بسبابك قريت مت رحت للبعيد و رجعت بسبابك رفدت السلاح. الحاجة لي كونت محاااال نخمم حتى فيها لسبابك دخلت في حفرة و كل يوم و كل ساعة نحاول نخرج منها نلقى روحي نغوص اكثر لداخل بسبابك ولات حياتي غير سلاح و دم و قتل و رصاص من نهار دخلت حياتي قلبتلي قاع موازيني يا ريتني درت روطار نهار عملت حادث ..يا ريتني طولت في رقادي ..يا ريتني حصلت في الطريق يا ريتني مت و مدخلتش لعمليتك ....خليت عملية واعرة و دخلت لعندك بقيت ساعات و انا فوق راسك باش في الاخير تحملني مسؤولية انو انا لي خليتك تفقد الذاكرة...عمري ادا نخمم نآذي واحد عمري لا خممت نجرح واحد لانو انا ماشي نتا و ماشي ااناس كل كيفك .....ادا انت زعيم انا دكتورة ..ادا نتا تجرح انا نداوي ..ادا نتا تقتل انا نواسي ؛ فرق كبييييير بيناتنا يا ميستر ماكس فرق كبير يا حضرة الزعيم.
ماكس لي قلبو وجعو مع كل كامة خرجت منها كانو لسانها كان يخرج اسهم الهدف تاعها قلبو لاول مرة يحس انو عبد عندو الحق ، لاول مرة واحد يوريلو مدى الالم و الغلط لي راهو يدير فيه ،لاول مرة يحس روحو غلطان اما نار الإنتقام عماتلو عينيه، نار الحقد و الكره خلاتو ميشوف حتى حاجة قدامو ....
شاف فيها و رجع نظرتو  السودا ، نظرة اكبر زعيم ؛ نظرة الحقد و الكره و دنا ليها و قاللها : و هاد الشي قاع لي قلتيه كيفاش حبيتيني نامنك فيه! طالما كذبتي مرة راح تكذبي زوج و تلاتة اه ....
دار و قعد فوق الفراش مقابلها و هي مخلوعة فيه تعرف انو هدوئو صعيب و يخوف
ماكس: في ميزك الواحد واش يقدر يدير ب100الف دولار! امم زعما يسافر ! يتاجر ! واش يقدر يدير بيهم !
شاف فيها و هي عرفت انو عرف و انها مراحش تفرا على خير
ماكس: لوكان جات ليك واش ديري بيهم !اه يعني واش درتي بيهم ؟
جوري سكتت معرفتش تكذب و حتى معرفتش واش تهدر اما الشي الوحيد لي راهي عارفاتو انها ماراحش تقول الصح
ماكس: اه يا دكتورة واش درتي بيهم !
سكتت و هو تقلق و ناض : واش درتي برب الدراهم هادو الكلللللللل واااااااش !!!!!! ولا مديتيهم لحبيب القلب تاعك ! اعرفي حاجة النفس ماراحش تتنفسيه بلا علمي راح يكون عندي علم بكل حاجة ديريها و كل بلاصة رحتيلها و الدوك المفيد عندك آخر محاولة ادا مهدرتيش نقسم برب العالمين غير فرصتك الأخيرة هادي لوكان متهدريش راح تخرجي الجحيم لي فداخلي يا آنسة صبرينة و غمزلها فآخر كلامو .
جميلة لي راهي تسمع و قلبها يتقطع على جوري تحملت هذا الكل غير باش متكسرش الاتفاق لي بيناتهم اما كي سمعت هدرة ماكس و نبرتو التهديدية و بحكم هي تعرفو مليح و اكثر من اي واحد لانها كانت معاه من الصغر و علابالها واش جوز فقررت تخرجها من الحكاية بشكل نهائي .
ماكس: راني  هدرتلك آخر هدرة عندي و راني نستنا في الجواب  و حتى باش نسهلها عليك نعاود و للمرة الاخيرة نسقسيك : واش درتي ب 100الف دولار $!
جوري بلعت ريقها : احتاجتهم ما....
راحت تهدر حتى تفتح الباب و دخلت جميلة شافت في جوري و هدرت: مدتهوملي ليا  لانو وليدي كان مسحقهم تورط مع ناس ميرحموش و داوه معاهم للهلاك و بغلطة وحدة منو رماوه و هددوه و طلبو منو100الف  دولار و انا ديتها  من عند جوري كدين و راح نسددهولها في أقرب  وقت .
ماكس: علاه مقولتيليش خالتي!كاش نهار طلبتي و رديتك !
جميلة حبطت رأسها و تحجرت الدموع في عينيها: الحق ة الله في الاعلى جامي حسيت إني خدامة دايمن تحسسني اني واحدة من العيلة جامي شفت منك مكروه طول حياتي نشوف في الخير منك راك في مقام وليدي اما حبيت نخلي مشكلت وليدي بعيدة محبيتش نزيد عليك كتر خيرك على لي درتهولي عمري لا راح ننسالك خيرك حتى جوري مكنتش راح نخبرها اما الحزن و القلق كان باين عليا ككل ام تقلق على قطعة من روحها و دمها مفقتش حتى لقيت روحي نحكي لجوري و هي ربي يبارك فيها عاونتني و عطاتلي الدراهم و انا لي طلبت منها انها متقولكش .......تسما هي معندها حتى دخل غير انها وفات بالوعد لي مدتهولي.
دار ماكس شاف فيها و حس بتانيك الضمير كبير تجاهها فقرر يراضيها بطريقتو شدها من يدها  و خرج بيها من البيت تحت انظار الكل و ركبها في الطونوبيل .....
                       🐦❤