اعمل فولوا ومتابعة وتعليق
- انت خاطفني ..؟
= اسكتي
- هتموتني طيب ..!
= قولتلك اسكتي
- يبقي هتقتلني عشان تاخد اعضائي وتبيعها وتبقي غني
= اخرسي بقي ، انتِ اي ..!
- طب انت حرامي يعني والا انا ظلماك ..؟
= بس بقي ، بس
- يبقي حرامي وانا مش ظلماك
= ما كفاية بقاا
- طب بص نزلني وانا هقول اني هربت منك ومش هعترف عليك
= حرام عليكي يـ شيخه ، انتِ اي
- بس انا فهمت ، انت اكيد طمعت في الـ 500 جنيه اللي فـ شنطتي وعايز تسرقهم ، بس اكيد هتسرقهم بعيد عن عيون الناس عشان كرامتك صح ..؟
= اتهدي بقي
- خلاص هسكت اهوت ، اي دا ، الحق دا في لجنه هناك اهيت ، بص انت شكلك غلبان واهلك صارفين عليك كتير ف انا مش هعترف عليك بس اول ما نعدي اللجنه نزلني
" وقفنا عند اللجنه واول ما الظابط بص للشخص اللي سايق العربية جنبي سابه يعدي "
- اي دا هو انت متفق مع الظابط كمان ، حتي الحكومه ي رب ، حتي الحكومه مبقاش فيها امان ، يالا منكوا لله كلكوا ، نزلني بقي
= بطلي كلام ي آنسة زفت
" طالعة من بيتنا زي كل يوم لقيت شخص نزل من عربية وبيدخلني بالعافيه في العربية اللي نزل منها ، معرفش مين الشخص دا ولا عمري شوفته ، كان سايق بسرعة رهيبة فاستسلمت وفضلت في العربية ومحاولتش اهرب ، يمكن اكون خوفت اهرب ف يمسكني تاني ووقتها يستخدم معايا العنف "
- بس انت قمر اوي وانا اول مره اشوف حرامي قمر
= حسبي الله ونعم الوكيل فيكي وف اهلك
- متذكرش اهلي علي لسانك ، اهلي متوفيين وانا مستحيل اسمح لحد بانه ياذيهم بكلمه
= انا اسف ، بس ازاي ..!
- اول ما فتحت عيني علي الدنيا لقيتهم بيقولولي انتِ يتيمه ، لا ليكي اب ولا ليكي ام ولا حتي ليكي اخوات ، كبرت ف دار ايتام واول ما بقيت بنت الـ 15 سنه جيران اهلي جابوني من دار الايتام وفتحولي بيتنا ورتبنا البيت وبدات اشتغل عشان اقدر اوفر لنفسي اكل وشرب وتعليم ، عشت لوحدي كل السنين دي لا عندي حد يسأل عليا ولا حد يهمه امري غير جيران اهلي الله يرحمهم ، هما بيسالوا عليا من وقت للتاني بس انا بردو وحيدة في الدنيا دي وشكلي كدا هفضل وحيدة لحد ما اموت
" سندت ايدي علي باب العربية ودفنت وشي ف ايدي وبدأت اعيط ، يمكن اكون مقدرتش اتظاهر ب التماسك اكتر من كدا "
