الدكتورة أسيرة الزعيم 🔫👩‍⚕️

الحلقة 29

ماكس: المشكل  هو انت يا جوري انت المشكل انك مديري والو يخليني نجن عليك المشكل هو انك بنظرة تنوضي حرب كبيرة ........
سكتت تشوف فيه  و في الجرح لي راهو غير يزيد راحت جابت صندوق  الإسعافات و دارتلو اللازم و طلعت  تستنا فيه ركب و راحو  للدار هي طلعت لبيتها لبست روب قصيرة و دخلت في فراشها و هو راح المكتب  و بقا يشرب يحاول ينساها...
غدوة منداك ناض هو راسو يحس فيه رايح يطرطق من الشراب تاع ليلة لبارح و زيد فوق هذا ظهرو ميحسش بيه من الرقدة لمعوجة لي رقدها خرج طلع لبيتو دخل دار دوش بارد لاش يفطن و خرج لبس سروال كلاسيك bleu marine مع شوميز بيضا و باسكات بيضة عدل شعرو رش من ريحتو لبس ساعتو و حبط للكوزينة شرب قهوتو و خدا مسكن لراسو و خرج ..
اما جوري لي ناضت تحس روحها مخنوقة كرهت الدار دوشت و نشفت شعرها جبداتو و لبست روب قصيرة بيضة مع cavalière نواغ طالون ماكيات دار نواظرها لبست فيسستها كوير في النواغ رفدت صاكها و حبطت للتحت شافت جميلة قاعدة مع جوليانا و ميار
جوري : ايهييه الحالة راهي زاهية بلا بيا ..
جوليانا دارت شافت فيها ملفوق للتحت و صفرت : بيييييي وين كان مخبي الزين هذا قااع !
جوري: احم احم و لعبت بشعرها ..
ميار: شووشوو ديجا وين بيها مع صباح ربي !
جوري: حقا دوك فقت واشبيكم داخلين برجلكم الناس تقول صباح الخير قبل ....صباح الخير طاطا
جميلة: صباح النور و الورد يا بنتي الوردة
جوليانا: اييييه كي ولات هي وردة انا شااه !!!
ضحكت جميلة و قاتلها: نتي زهرة برك.
جوليانا: هكداااا اااه يا طاطا يعطيك الصحة انا اصلا يعرف قيمتي غير ماكس حبيبي .
سام: و شكون قال غير سام و انا علاه راني هنا و عتقها و هي بادلاتو و كمل يهدر: هي مالقري متشبهي لوالو مي نقولو ..
دنات عليه و ضرباتو في كتفو : امشييي عليااا
جميلة: ارواحي يا شمس حياتي ارواحي و راحت عنقتها
سام: Good morning
ميار و جوري:Good morning
سام شاف في جوري: وين رايحة اليوم دكتورة راح ترجعي للخدمة واقيل !
جوري و هي تشرب : نون كرهت قلت ندي معايا البنات و نخرجو ندورو شوية واش رأيكم!
سام: و ماكس !
جوري: واشبيه نديه معايا تاني؟
سام: ههه لالا يعني ادا سقسيتيه !
جوري تفكرت واش دارلها اخر مرة : مازال دوك نعيطلو ..
سام : اوكي
ميار: مالا نوجدو روحنا ولا حتى تسقسيه !
جوري: روحي روحي تلبسي على روحك
خرجت للجنينة و بعتتلو  ميساج :"راني خارجة مع البنات نروحو ندورو كرهت في الدار "
شوية و لحقها الرد : "اوكي حتى سام راهو جاي معاكم كاش اعتراض تقعدي وين راكي"
جوري: اووووف راح يهبلني هذا افف.
دخلت و بقات تستنى فيهم حتى حبطو
جوليانا  كانت لابسة سروال جين مع تريكو و باسكات
ميار لبست سروال جين مع شوميز بيضا و طالون كحل و حبطو
ميار: هيا
جوري: ايه هيا سام راهو يسنا
ميار : سام!!
جوليانا: اوامر خويا هادي و راحت تجري عند جوري و مشاتها معاها : ميار تركب قدام سام و مدابيك متسقسيش بزاف .
جوري: راح خوها جات هي يا ربي صبرني برك
راحت جوري و جوليانا ركبو من اللور و خلاو ميار تلعن روحها الف مرة شافت فيهم شوفة تاع "اومبعد نتفاهمو "وراحو يدورو
ماكس لي عيا من الخدمة قرر يروح هو تاني معاهم يبدل جو عيط لسام و بعتلو الموقع
جوليانا: شكون!
سام: ماكس راهو جاي قال كره من الخدمة جاي يبدل
جوري سمعت اسمو قلبها خبط و لعنت روحها على اللبسة لي لبستها
كانو قاعدين في جنينة ميار و سام غير يضحكو و يقصرو جوليانا و جوري قاعدين غير للتبهليل حتى جا ماكس شافتو من البعيد دورت راسها
ماكس: ااااه يا نهار نقتلها على اللبسة هادي ادا حجبتها متتخلعش .
راح ليهم رمقها بنظرة عرفتها انو معجباتوش لبستها راحت جوليانا عندو : اوه راو جا حبيب القلب تاعييي و عنقاتو و هو بادلها و قعد قدامها يقصرو و يديه تداعب في شعرها  شافتهم جوري تبسمت و راحت بعيد شوية عليهم جبدت التليفون تاعها و عيطت ليماها و بقات تقصر معاها و تسقسي عليها و على احوال فاميلتها و قررت انها تحبط في اقرب وقت باش تشوف يماها...
كان ماكس مع جوليانا و عينو غير عليها  شافها تهدر في التليفون طولت و هي تهدر
ماكس: جوليانا دوك نولي
جوليانا شافتو وين كانت يشوف : اوكي انا نروح نتالب هادوك الزوج و راحت عندهم
ماكس راح جيهتها و قعد قدامها..
جوري: ايا لعشية نعاودلك باي باي و كوبات
ماكس: كاشما كاين!
جوري: نو عيطت نسقسي على ماما برك
ماكس: راهي في البلاد!
جوري: امم ....
ماكس: و متجيش!
جوري: انا لي راح نروح ليها
ماكس دار شاف فيها و تفكر واش لابسة : انت دايمن تلبسي هكدا !
جوري؛ علاه واشبيها لبستي !
ماكس: نو مابيها والو جوست يا تولي تلبسي مليح كي الناس يا انا نولي نلبسك على حسابي .غمزلها و ناض
جوري: ميييي ماشي نورمال العبد هذا و الله ما نورمال و ناضت راحت عند البنات و سام راح عند ماكس كملو قصرو و راحو يفطرو كلاو و رجعو للدار كل واحد راح لبيتو
في الليل زدمت ميار و جوليانا عند جوري كانت تشوف في الفيلم
جوليانا: رانا جينااااا
جوري: قولي رانا زدمنااااا ماشي جينااا ايه خير ما جابكم .
جوليانا: جينا على خبر يفرح
جوري: علابالك عندي بزاااف مسمعتش خبر يفرح هيااا حمستيني
ميار: احم انا و سام رانا كيفكيف ...
جوري قعدت مدة باش فهمت : اااااااااااه و راحت تجري صوطات عندها و عنقتها و بدات تبكي شافتها ميار : اااا لالا وشبيك بصح!!
جوري: متقدريش تعرفي شحال فرحتلك علابالي بلي سام راح يحطك في عينو ...ربي يخليكم لبعض و عنقتها.
ميار: و يخليك ليا يااا رب و لعقوبة ليك
جوليانا: اسمعي جو واش رايك نديرلك تاويل مع خويا شباب حطا كلاص
ضربتها جوري بلمخدة : اااه بلعي قاتلو خويا شباب و حطا و كلاص هي شوفي صح كاين منها مي نسيتي تقولي صامط رهج و متكبر و شايف روحو..
جوليانا: اسمعيييي راكي تهدري على خويااا
جوري: واااا روحي بيك بخووووك
و قعدو يقصرو و يضحكو حتى راحو لبيوتهم جوري تكسلت و تفكرت صاحبتها واش عانات فرحتلها من قلبها و تمناتلها كل الخير لانو راهي كتر من ختها تنهدت و رقدت.....
غدوة ناضت على صوت تليفونها لقاتها يماها : الو ماما صباح الخير..
لامية(يماها): صباح النور و joyeux anniversaire و كل عام و انت بخير بنتي لعقوبة ل 100سنة ان شاء الله ربي يحفظك و يبعدك على ولاد الحرام يا بنتي .
جوري دمعت: يااا اليوم l'anniversaire تاعي نسيت قاع يعطيك الصحة ماما تعيشي ربي يخليك ليا ،قصرت معا يماها و كوبات : اهييه يا جوري زدتي  كبرتي بعام ووليتي 27 اييي وي نشفا كي اليوم كي كنت نقرا و بدات تتفكر الذكريات تاعها حتى فطنت دخلت دوشت لبست بيجامة مشطت شعرها نشفاتو و حبطت عند جميلة تستقهوى
جوري: صباح الحب يا احلى جميلة
جميلة بضحكة : صباح النور يا احلى جوري  واش راكي !
جوري: امم راني هايلة خاصة اليوم
جميلة:  ربي يدومها يا بنتي مي واش هي الميزة تاع اليوم !
جوري: عيد ميلادي اليوم كبرت عام واحدوخر ورجعت 27سنة و ياااا شرفت يا ما اجري لياااا
جميلة ضحكت عليها: كل عام و انت بخير
جوري: شكراااا.
و قعدت تشرب و تقصر معاها و تضحك اومبعد طلعت عند ميار لقاتها راقدة راحت دخلت بلااااعقل و : ااااااااااااااااااااه ساغت في ودنها ناضت ميار مفجوعة : واش كاين واش صرا
جوري بكل هدوء و برائة: صباح الخير صحبتي ☺
شافت فيها ميار مفهمت والو حتى ناضت تجري موراها في للشمبرة
ميار: انا معنديش صحبتي عندي هااااايشة تعرفي واش معنتها هاايشة ارواحي
جوري: انعلي الشيطان يا بنتي خلاص ما صرا والو اليوم برك نضت زايدة حماس هذا ماكان و خرجت تجري من البيت ..
ماكس سمع سوغان خرج يجري من بيتو راح لبيتها مالقاهاش بقى يتبع في الصوت لقاها في بيت صحبتها و تضحك بقا واقف بدون وعي يسمع فيها كيفاش تهدر معاهم و كيفاش معاه عرف انو ظلمها بزاف مي بقى يسمع فيها
ميار: و كي تنوضي زايدة حماااس تخرجيه فيا ااه !
حبست جوري تتمسكن و هدرت: لالا لانو اليوم عيد ميلادي برك خلاص سمحيلي و جات رايحة حبستها ميار : ااااه يا قلبي اليوم سمخيلي و الله البارح كونت في شوك عليها نسيت و عنقتها: كل عام و أنت احلى صديقة ليا و احلى اخت كل عام و انت بخير يا روحي .
جوري استغلت الفرصة و جبدتها من شعرها و هربت مع الهربة خبطت في....
🖤🕊