"أنتِ الشيء الوحيد الذي لم تقتلهُ العادة ولا التكرار ، تأتين كل مرة فأبتهج كأول مرة "
"وصلنا بيتها انا وبابا وكانت كل حاجه زي ما رتبتلها بالضبط ، بابا طبعا ميعرفش حاجه ومستغرب من مقابلتهم وكإني جوز بنتهم اصلا مش عريس بيتقدم وكدا "
_ نورتونا ي جماعه والله ..
- دا نورك ي عمي والله ، كلنا حاجه زي ما اتفقنا تمام ..
" ابويا طبعا لازم يتدخل مبيقعدش ع حيله ابدا"
٠ اتفقتوا!!! ولد ي عمار هو ف ايه قبل ما اتعصب !!
_ مفيش حاجه ي استاذ ياسين ... دا عمار كان طالب مني كذا حاجه كدا ونفذناها ، ولا اي ي عمار انت مقولتش ل باباك ولا ايه
- لا ي عمي مقولتش، أصل بابا بيحب المفاجات وانا قررت أفاجئه معاكم هنا هههه
٠ حسابك معايا لما نروح ، انا مش مرتاح !!
_ هو كدا بابا ي عمي ع طول مش مرتاح ومش بيرتاح لاي جوازة تتم وبيصدق بس ماما متبقاش موجودة ويبدأ ف حكم ومواعظ عن الجواز
_ والله ي بني مش لوحده بكره تقعد قعدتنا دي وتوعظ انت كمان ..
" ضحكنا كتير وكلام رجاله بقا لحد ما جات هي ولابسه الفستان وكأنها قررت تقولي بطريقتها أنها موافقه ... بس ايه دا انا متوقعتش يبقي بالجمال دا "
" كانت هي والقمر واحد ، كل تفصيله فيها تشبه ل وردة جميلة، نسمه صيف ، فنچان قهوة الصبح ع صوت فيروز، كانت اكتر حد مختلف ف وسط التشابه اللي ف الكون "
" هي وصحبتها جنبها ، وعمي وطنط و انا وبابا ، كُنا متجمعين كلنا ف الصالون "
_ طيب ي استاذ محمد احنا يشرفنا اننا نطلب إيد بنتكم سچي ل عمار ابني وعمار قالي أنه جه قبل كدا لحضرتك واحنا جينا من باب أن ف موافقه يعني
- طبعا ي استاذ ياسين احنا لينا شرف كبير جدااا بس مش لازم ناخد رائي العروسه ، انا لسه معرفتش رائيها ايه !!
" بابا وكلهم بصوا عليا ، وانا كنت مقررة اني هقول رائي بصراحه جدااا مش هتكسف ولا احط وشي ف الارض ولا الجو دا خالص ، وبصراحه اتكتمت ومعرفتش اتكلم واتخجلت اوووي وملقتش حل غير اني ابص ف الارض وبس ، فجاه لقيت بابا بيقولهم"
_ واضح طبعا انها مش موافقه ، انا عارف بنتي لو نفسها ف حاجه هتقولها مش هتسكت ف انا آسف
" محسيتش بنفسي غير وانا ببص ع بابا نظرة استغراب واندهاش كبير ،وبقوله: اي دا ، مش موافقه ازاي أنا مقولتش كدا
_ ي بنتي مش لازم تقولي ، انا باباكي وفاهمك خلاص
_ ي بابا..... " معرفتش اقوله اي غير اني اقوم امشي "
" ملقيتش غير عمار ف وشي وقف وحاول يوقفني مكاني "
_ انا جيت هنا عشان اسمع رائيك انتِ ، انتِ وبس
معلش ي عمي ..
"بصيت عليه وع بابا وماما وسلمي وكلهم مبتسمين وانا مش عارفه اتكلم ولا اقول ايه"
- بصراحه ي عمار الرأي رأى بابا وانا مليش كلام بعده
_ امال سيبانا وماشيه ليه .. دا بابا رفض وقاعد اهو متحركش هههههه
" بصيت ل بابا وسلمي تاني وبصراحه هموت واقوله اني موافقه عليه ، اني ملقتش نفسي غير معاه ، انا محسيتش اني عايشه غير يوم ما هو دخل حياتي ، اه ملناش فتره كبيره مع بعض ، بس لو مشيت دلوقتي هبقي بخسر نفسي قبل ما اخسره، انا حاسه نفسي خلاص هعيط مش قادرة اقف تاني "
_ بنتك بتسرح كتير ي حج وانا بقلق عليها من دا !!
- معلش ي عمار ي بني ماهي مصدومه بردو خلاص كفايا كدا وقولها ...
_ يقولي!!!!!!!!!!!!
_ يقولي ايه !!! هو ف ايه هنا انا مش فاهمه حاجه " وعنيا رايحه جايه عليهم كلهم واحد واحد... حتي عمو ياسين بيقولي بإستنكار : والله ي سچي ي بنتي انا زي زيك هنا ولا فاهم اي حاجه ، غير ان ابني مجنون ومتعرفيش تتوقعي منه أي حاجه
_ انا فعلا مجنون ي بابا بس مجنون بيها ، من يوم ما عرفتها وهي ملكت كل حياتي
"منذ أن عرفتك حتى هذا اليوم لم تمضِ ليله ع روحي لم أحبك فيها"
_ بصراحه ي سچى انا جيت وطلبت إيدك من والدك وهو رحب بيا جدااا ... بس كان لازم اعرف رائيك انتي ايه الاول ... وعشان عارف انك رافضه فكره الجواز ومتعقده من معظم الرجاله والروايات اكلت دماغك ... مكنش عندي حل تاني غير اني ادخل حياتك بالطريقه دي ، ماهو انا مش بحبك سنتين وتيجي انتي ف الاخر من غير ما تعرفيني كويس تقوليلي "لا" بكل بساطة كدا ، ويوم ما اتقابلنا مامتك وباباكي كانوا عارفين ، انا استأذنت منهم ، ماهو بردو مكنش ينفع من غير اذنهم عشان ربنا يباركلنا ... حتي سلمي اقرب حد ليكي .. كنت عارف انك هتروحيلها وبصراحه ظبطها بس بصعوبه والله اتاريها بتحبك جامد بس مش قدي لا ....
" مصدومة وببص عليهم كلهم ومش عارفه اعمل ايه ميكس غريب من الفرحه والدهشه "
ردت سلمى: ف ايه ي باشمهندس !! انا محدش بيحب صاحبتي زيي وبعدين عمي معاه حق احنا مش موافقين..
_ بس ي بت متبوظيش اللحظة !! ها ي سجى قولتي ايه !!! ولا اقولك استني !!
" طلع من چيبه علبه قطيفه زرقا صغننه كدا فيها خاتم مكتوب عليه اسمي وتاريخ يوم النهارده بس من سنتين "
_ يوم ما حبيتك روحت اشتريت الخاتم وكتبت عليه التاريخ وكل يوم ابص عليه وعارف أنه هيجي يوم وتلبسيه ، تسمحي أن اليوم دا يبقي النهارده واقدر اقول اني حققت حلم عمري ومش عايز اي حاجه من الدنيا تاني !!
" عنيا اتملت بالدموع وانا مش مصدقه اي حاجه من اللي بتحصل محسيتش بنفسي غير وانا ب أومأ برأسي كدا وبس وهو فهم .. ومد إيده ولبسني الخاتم ومحسيتش بنفسي غير وسلمى بتحضني وبتقولي شوفتي أن اخرة الصبر جبر ازاي ....
" ولأنك جئت في الوقت الذي كنت أرفض فيه الحب ، أحببتك أكثر مما ينبغي "
استنوني بقا ف مغامرات الخطوبة وهتشوفوا عمار تاني خااالص رائيكم يهمني ♥️
#شمس
