فى كل مـره كنا نتخانق ونبعـد، كنت ببقى متأكدة إننا هنرجع تاني حتى حُبنا كان بيرجع أقوى من الاول، بس المره دي لا، متسأليش ليـه بس هو احساسي كدا وللاسف إحساسي ديما بيطلع صح
_ مش محتاجة تدي نفسك فرصة يا وهج!!
- فرصة!! انا ايـه وصلني لكل دا غير إني سمحت أدي فرصة عاشرة مش أولى، عارفه هقولك على حاجه
انتى زيك زيه بالضبط مفيش إختلاف يديلك فرصه اديله زيها مش أضعافها
يقدملك اهتمام قدمى زيه، يعاتب عاتبي، يغير غيري، حتى لو كنتِ بتحبيه أضعاف أضعاف ما بيحبك بس لازم تتعودي انك تدي بس بقدر
محدش يستاهل مهما كان مين اننا نضحي عشانه أو نستحمل ونيجي على نفسنا في سبيل راحته
اه ونسيت اقولك كمان بلاش تحاولي ترضيه عشان فيما بعد هياخد الرضا دا حق مكتسب وأنه واجبك تعملي كدا وانك معملتيش حاجه واااو يعني
بقولك اي احنا نلغي الرجالة عشان حوارتهم كترت ونعيش مع بعض كدا..
ضحكنا وسكتنا سرحت هي بعيد عني وكأن كل اللي قالته دا خذلها او لسه في حاجه واجعاها.
- وهج إنتِ كويسه!!
_ اه انا كويسه بس مش بخير💔
#حكايات_وهج
#شيماء مكي
