°عارفـه الفرق بين الراجل والست فى البُعـد إيه!!
°تحسي إن ربنا خلقهم عكس بعض في كل حاجه حتى فى دي
أول يوم بعدت فيه عنه حسيت إن الدنيا وقفت فضلت تقريبا حوالى يومين عيـاط متواصل، بقيت بتخيل حياتى من غيره عامله ازاي أو تقريبا كدا مكنتش متقبلة فكرة إني هكمل من بعـده، لحد ما جه اليوم التالت
لقيت نفسي بصحي عادي يومي طبيعي جدااا، مش بعيط ولا اي حاجه
بفكر بس مين الغلطان أو اي اللي خلاه يمشي...
طب ياريتني ما قولتله كدا، لا انا مقصرتش هو اللي بعد بمزاجه، هو كدا متعود يمشي فى أوقات غربية، تفتكري فى أمل نرجع!!
••بصي ي وهجتي هو على حسب انتي عايزه ايه!!
°عايزاه، لالا مش عايزاه مش طايقاه اصلا
•• وحشك!!
° إطلاقاً ي بنتي
••والله!!
°انا حاسه بالولا حاجه بجد، عارفه شعور إنك فاضيه من جوا، انا بقيت أقل من العادي كمان، المهم متلخبطنيش واستني اقولك الفرق ايــه!!
••إشجيني أما اشوف اخرتها معاكي
°الراجل بقا في البُعد العكس اول يوم والتاني والتالت عادي جداااا بالنسباله وكأن مفيش حاجه حصلت أصلا، بيجي على اخر الاسبوع كدا يبدأ يحن وحده وحده، يبدأ يدور عليكي، على فكرة أقل حاجه الاسبوع دا في منهم بيقعد شهور وسنين كمان لحد ما يحس إنه ضيعك من إيديه
••امممم والفلسفة دي عن تجربة بقا
°قصدك ايـه
••إنتِ عارفه كويس اقصد إيـه
° مسألتش حد عليه وربنا وربنا ما سألت
••اُماااال
°راقبته شويه صغننين قد كداا بس
••يعني واحشك !!
°لا
°مش شرط إنى براقب حد يبقي واحشني، ساعات كتير بنراقب ناس بعدوا من حياتنا عشان بس نطمن عليهم أو كنا متعودين نطمن عليهم، وجودهم كان ليه أثر طيب في حياتنا، لسه بندور على الأثر دا على إنهم يكونوا بخير على إنهم مبسوطين حتى لو مع غيرنا، المهم إنهم مبسوطين.
"لم أكن أعتقد يومًا أني سَأُنفذ مثَل هذا القرار الذي طالما كُنت أُفكر به، وتأتي أنت بكل ما تَحمل من لُطف ولين مؤقتين لتجعلني ألقي به فى قاع النسيان وأعود إليك"
#حكايات_وهج
#شيماء مكي
