لحـد كام يوم بس كنت مُقتنعه إن في حاجات في حياتنا صعب تنتهي أو على الأقل مش نكون احنا اللي كتبنا نهايتها..
أول ما خسرته كل حاجه في حياتي بقيت سوده بالمعني الحرفي..
كل فعل بعـده مبقتش متقبلاه
*هو معقول اكون جفيت و قلـبي قسي؟ طب هو انا خلاص على كدا مش هحب تاني ولا اعيش love story زي الناس
¥ اي اللي يمنعك إنك تحبي تانـي!؟
* مبقاش عندي قلـب
¥ دا اللي هو ازاي
* زي ما بقولك كدا وربنا.. انا عارفه أن التعبير صعب بس هي دي الحقيقة
* عارفه زي مثلا لما تبقي معاكي حاجه قديمة بس انتي بتحبيها جداااا وصعب تغيريها عشان حبك ليها إنما هي تعباكي جداااا بل ومأثره على كل حياتك بالسلب.. مضيعة فرحتك عشانها عشان بس "حُبك ليها"
إنما بقى لو هي اللي باظت واتجبرتي إنك تغيرها وقتها هيبقي الحل إيـه!!
¥ هتأقلم مع الجديـد!!
* بالضبط هو دا اللي يحصل بس بشروط
مش من حقه يجي عليا
ولا من حقه يخذلني
مش مسموحله يبوظ أو ينهار زي اللي قبـله
لازم كل حاجه تكون مظبوطه بالمللى تبقي متفصلة على مقاس ....
¥ قلبك
* تؤ.. متفصلة على مقاس عقلي، عقلي وبس لازم كل حاجه تبقي مظبوطه ولو يوم بس مالت أو حصل خلل صغنن كدا.. مش هتفاجئ غير بنفسي وانا المرة دي اللي برمي الحاجه بمزاجي ومش مستعدة أجيب غيرها ولو كان التمن وحدتي
¥ كبرتي الموضوع ي وهج.. كل دا عشان أختفى كام يوم بس ؟!
* تؤ هو انتهي مش اختفي متخلطيش الأمور
واللي انتهي مبيرجعش وحتى إن رجع مبقاش ليـه مكان
" بينما أنت تتمادى بإختفائك، كُنت أنا اُعيد ترتيب أوراقي لعلي أجدك بينهما، لكن بكل حسرة سقطت من بينهم كـأول ورقة خريف آن أوانها بالسقوط فى أواخر الصيف ولم يلحظ سقوطها أحد"
#حكايات_وهج
#شيماء مكي
