مع لي دارت خبطت في حاجة تحسها خشينة طلعت راسها شافتو ماكس تبهدلت قدامو و سقمت روحها: سمحيلي صباح الخير ماكس: صباح النور مي شبيك كاشما صرالك صباح ربي تجري و تصوطي منا و ملهيك واش هاد الحماس و النشاط قاع ! ميار: اصل اليوم.. قاطعتها جوري: اليوم ندت بكري و حبيت نغير جو و نخرج من الروتين برك ماكس طلع حاجبو و هدر: تخرجي من الروتين و تغيري جو ! امم مليح ربي يهديك لبس نواظرو و راح و خلاها جوري و هي تهدر بلعياط: علاه راك تشوف فيا مهبولة نشد في شعري ولا نهدر وحدي ....جايح و دارت عند ميار : كلو بسبتك ميار: و انا علاااااه ؟ شافت فيها جوري و راحت عند جميلة جوري: راني جيت نتعلم نطيب جميلة: مي ادا ناوية تحرقي الكوزينة مادابيك اتفضلي برا جوري: اااااه يا ناس شوفو كيفاش راهي تحاوز فيا ؛انا مظلومة حركت جميلة راسها و راحت تعلمها الطياب و جوري دير واش تقوللها بالحاجة و الحرف و هي مركزة .. ماكس خرج من الدار يضحك عليها سمع هدرتها يحب كي يشوفها مقلقة مي تمتم تفكر كي محبتش تعرف انو اليوم عيد ميلادها و منعت ميار من الهدرة قدامو : كبرتي يا دكتورتي الصغيرة و زدتي عام ...كل عام و انت فرحانة...تبسم كي جات في بالو فكرة و عزم ينفذها رفد التليفون و عيط ماكس: الو نسحقك في الشركة على ساعة موضوع عااجل سام: خير !! ماكس: كي تجي تعرف . و عيط مرة أخرى. ماكس: الو مرحبا اريد حجز كل المطعم اليوم و اريد تنظيم خاص لحفلة عيد ميلاد بنت ......اسمها جوري .....حسنا شكرا لك. ماكس: الو مرحبا اليكسا كيف حالك ! بعد ساعة سوف آتي الى عندك ........حسنا الى اللقاء .. ضحك و كمل طريقو للشركة .. سام خلعو ماكس ناض يجري دوش لبس و حبط تلاقا ميار راح يجري خطف منها بوسة في شفافها و خرج يجري ميار: تي واشبيه هذا مع الصباح! علاه الكل غريب اليوم.؟
لحق سام عند ماكس و قعد: ايه خير واش كاين ! ماكس: اليوم عيد ميلاد جوري و هي معلابالهاش انو علابالي يعني حبيت ندير حفلة صغيرة بلا علمها حجزت المطعم *****و هدرت مع اليكسا . سام: و انا لي عليا وااااش!!! ماكس: لي عليك انك تقول لميار كيما علابالنا انو هي حبيبة القلب تخلي جوري تلبس واش بعتلها مي ماتقوللهاش انو انا جبت اللبسة يعني هي لي جابتها و يروحو يحتافلو هي و ميار و جوليانا في المطعم و ايااااك تجبدني في الوسط . سام : اممم يعني بديت تسطعرف انو تحبها ! ماكس؛ واش العلاقة؟ سام: مالا علاه راك داير هاد الشي قاع علاجالها ؟ علاه خرجتها بالغصب و مرجعتوش حتى نص الليل و وعلاه الراجل لي تبلاها حكمتو و راهو ممرمد بالضرب اه ! هل هناك من تفسير مقنع ؟ ماكس: الحفلة مابقالهاش بزاف و هيا راك طولت و دار بالكرسي للجهة الاخرى . بعدما خرج سام غرق ماكس في بحرها مرة اخرى : وي نحبها مي مالازمش نحبها لانها هي النور الوحيد في ظلمة حياتي حياتي جحيم ....محال انها تكون ليا راح نكتفي بحبها في القلب ....لاني محال نعترف و نخليها تتعلق فيا اكتر محاال .... ناض رفد فيستاتو و خرج لحق قدام بوتيك كبيرة و فخمة و مكتوبة ملفوق بالعريض ؛ Alexa collection تبسم و دخل قابلاتو مرا في منتهى العشرينات : اوووو من ارى هنااا لكن دعني اقول لك من جعلتك تاتي الى هنا حقا فقد ملكت حظ الكون اجمله. ماكس: هههه لا داعي للمبالغة برأيي لانه مجرد فستان سهره عيد ميلاد فقط. اليكسا: حسنا حسنا ....نعم كيف تريد ان يكون هذا الفستان! ماكس: اريده من النوع الانيق لكنه عادي و من الافضل ان يكون لونه مناسب لفتاة سمراء البشرة نوعا ما ، لكنني لا اريده مفتوخ زيادة عن اللزوم . اليكسا: حسنا ..و راحت توريلو و توريلو و هو يحوس غير على المستور هذا لالا و هذاك لالا حتى قريب هبلها .. اليكسا: لكن ماكس انها حفلة عيد ميلادها اتركها لترتدي شيئا يناسب هذا اليوم كل الفساتين التي اريتك اياها رفضتها ... ماكس: حسنا هيا اختاري شيئا من ذوقك اليكسا: هل بأمكاني رؤيت الفتاة ؟ ماكس جبد تليفونو و ورالها تصويرتها اليكسا: حقا انها جميلة جدا احسنت الاختيار و غمزتلو و راحت تحوسلو على حاجة تناسبها اليكسا: نعممم لقد وجدته انه هذا لقد صمم من أجلها نعمممم . شافو ماكس من الفوق للتحت : نعم انه جميل لكن اليس انه مبالغ في فتحة الصدر يا ترى ! اليكسا : لا انه جميل جدا برأيي انك وجدت ما تبحث عنه و الان ينقصك الحذاء راحت جابتلو الصباط و مدتهوملو ماكس: شكرا جزيلا لك اليكسا لقد تعبتك معي ،لا تؤاخديني اليكسا: حقا ساحزن الان اننا اصدقاء من الثانوية انسيت .....بلغ سلامي الحار الى سام دمت سالما ماكس: دمت سالمة ....خرج من عندها ابري راح عند بائع المجوهرات و شرالها هدية و راح للقصر عيط لجوليانا دات البوايط بتخبية و حطتهم في غرفة ميار .. ماكس نظم كلش باش تكون ليلة مميزة بالنسبة ليها سام خبر ميار بكل شيء و ميار فرحت بزاااف .. اما جوري لي قضات نهارها الكل في الكوزينة مع جميلة لحقت2تاع العشية طلعت رقدت ديراكت.... 5:00 و بما ان فتاة عيد الميلاد راقدة و ماشي جايبة خبر لحتى حاجة من التنظيمات لي راهي صايرة تزدم عليها جوليانا و ميار كي وحوش الغابة نحات ميار الغطا على جوري و عيطت : جوريييييييي ناضت مخلوعة مي كي شافتهم يضحكو عرفت انو خلفتلها الضربة جوليانا: happy birthday جوري: thank you ميار: ماكيش راح ترقدي نهار l'anniversaire تاعك بعدا هيا هيا نوضي . جوري: وين ؟ ميار: نسيتي العام ليفات كونا راح نخرجو نحتافلو مي كانت عندك عملية مهمة و بطلنا و وعدتيني هاد العام نخرجو نوضي بلا اعتراض! جوري: اوكي مي وين نروحو ميار: متخمميش كلش درتلو حساب و انت هنا راقدة كي لكوالا هيا نوضي ادوشي و راني نستنا فيك جوري: اوكي شوفيلي عفسة نلبسها و انا ندخل ندوش راني نريح غير ماكلة ... ميار: روحي برك دخلت تدوش و راحت ميار و جوليانا يجرو جابو حوايجها و حطوهم في البيت و قعدو يستناوها حتى خرجت ميار: بصحتك هيا ارواحي اقعدي هنا قعدتها فوق الفراش و فتحت الباطاو جبدت منها الروب و الصباط ميار: بلا اسئلة البسي هادو و ماكيي مليح و سقمي شعرك bien انا و جوليانا رانا رايحين نوجدو روحنا على ساعة نولو ليك هيا هربنا .. خرجو و خلاوها حايرة كلمة مخلاتهاش تهدرها : هيا نشوفو آخرتك يا ميار اااه راحت جهة الكوافوز و بدات توجد روحها......... جوليانا و ميار راحو لبيت وحدة و بقاو يوجدو روحهم هما تاني ...... ماكس رجع للدار دوش و لبس كوستيم كحل في كحل عدل شعرو رش من ريحتو و راح للمطعم سام بدا يوجد روحو و لحقو للمطعم.. بعد ساعة : شافت جوري روحها في المراية و ضحكت و في هاد اللحظة تفتح الباب و دخلت ميار و جوليانا جوليانا بهمس لميار: شوفي هي و عشقت روحها راهي تضحك مع روحها في المراية كيفاش حبيتي ماكس ميطيحش على راسو.. ميار: ماراحش يريزيستي اليوم جوري: واش راكو توشوشو نتوما الزوج ! جوليانا: راني نقول مرت خويا شحال شابة. جوري: مانيش مرت خوك ميار: معليش جوليانا انا نشوفلو وحدة خليه عليا و شافت في جوري لي شافت فيها بغضب ميار: بسم الله ما شاء الله.....راكي تهبليييييييييي جوليانا: تاخدي العقل ماشاء الله. جوري:ميرسي لبستها و ماكياجها و شعرها:
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
اما ميار و جوليانا كانو لابسين روبات قصار سامبل و جابدين شعرهم و ماكياج خفيف جوليانا: هيا نروحو الشوفور راهو التحت يستنا جوري: علاه الشوفور نروحو بطونوبيل نطقت منقذة الوضع (ميار): يعني بهاد الحطة نروحو بطونوبيل هيا هيا امشي قدامي و اسكتي . رفدت بوشاتها و حبطو و راحو للمطعم .... لحقو كان كلش طافي جوري: ميار انت شوية مهبولة وين جبتيني واقيل غلطنا في البلاصة ياو الحالة راهي ظلام ميار: جوري .. جوري:وي ميار: بلعي دخلو قبلها و راحو و هي موراهم غير لحقت للدخلة شعلو الضواوي و قاع بصوت واحد: Happy birthday 🕊❤ شافت فيهم قاع و الضحكة مالية وجهها سام ،ميار، جوليانا،جميلة كانو الكل تم مي هي حوست بنظرها على شخص واحد تمنات يكون معاها اما تجري الرياح بما لا تشتهي السفن كانت راح تخطو خطوة حتى سمعت صوت خطوات يقربو منها و ريحة تعرفها مليح تبسمت و دارت تجري
