💘🔞سجينة قَلبـ♡ــيے 🔞💘

🌷الحلقة17🌷

💋💋💋💋  💋💋💋💋
🍒🍒 Sabrin CH 🍒🍒

خرجت ندى م̷ـــِْن الكوزينة
ندى:هوهو علينا وانا نقول شبيها مارجعتش
جمانة: ووه سامحني بنتي نسيتك
ندى: ليـّۓ لقى صحابو نسى حبابو
ناضت جمانة حضنت ندى ...
جمانة: ماتهونش عليا راك بنتي ليـّۓ مجابتهاش كرشي انتي وهاك حلوف البراري
شادي: يي انا حلوف ...ماتعرفوليش برك تفكروها نولي مشهور وتجرو ورايا علـّۓ  توقيع ونطفيكم ضحكو عليه  ...قرب منهم وحضنهم
فرح تبسمت ودمعتها نزلت مسحتها بخفة اما  جمانة لقطتها ..
جمانة: ايجا بنتي انتي ثانا م̷ـــِْن الًيَوُمًِ ورايح م̷ـــِْن العيلة وواحدة منا  وفينا ...قربت  ليهم وحضنوها
شادي: اي اي ياربي تأثرت ابعدو عليا مانحبش الدراما والنويح
ندى: اي هيا عاونوني نحطو لعشا
فرح: باهي امشي قدامي
حضرو الطاولة وتعشو في جو كلو ضحك وتمسخير وجمانة اصرت على فرح انها تجي بحذاها نهار تتعرف عليهم ...
راح نهار وجا نهار جديد ...ملئ بالمفاجآت
دخلت معنكشة في شادي ويضحكو واليوم على غير العادة طلعت الفوق معاه يبداو في هالتصاميم المحنونة ليـّۓ كل مرة تجي حاجة وتعطلها ...مشاو للكافيه جابو معاهم هوت تشوكليت وديراكت لمكتب شادي ..بدات تقترح عليه في افكارها وهو مش عاجبو شي
اما عند نزار وصل للشركة يسلم بعينه على الموظفين ...وصل لمكتبو ونحا ليناتو خلى الباب مفتوح باش يشوفها وقت تجي ..فاتت ساعة زوج ماكانش حسها ندم ليـّۓ لتوا لاخذا نيمروها وين تكون قدامو ينسى حتى نفسو ..كان مهبط راسو يراجع في اوراق قدامو ..دقدق الباب طلعو يشوف شكون وشاورلها تقدم
سمر: مسيو نزار عنا اجتماع بعد نص ساعة نراجعو فيها الافكار والتصاميم
نزار هزلها براسو وشاورلها تروح
اما فرح تعبت تقنع في شادي بافكارها وهو قاعد غير لٱ بشعة ماعجبتنيش  وهاذي ديمودي وهذا عملو كيفها الشركة الفلانية ..قريب تقوم تضربو
فرح: والله تعبتني شبيك مايعجبكش العجب
شادي: اي شنعملك ه̷̷َـَْـُذآ انا صعب الارضاء ياروحي
شنفت عليه وشدت الاوراق قدامها تقطع وترمي في الارض خلاص وصلها للتوب متاعها
شادي: اي اي اهدى شبيك والله محلاهم ساعة انا ماشفتهمش مليح وبدا يجبد في الاوراق م̷ـــِْن قدامها
فرح: سيب الكازي ماشي ديمودي وبشعين
شادي: لٱ والله هايلين تغشش مِڼـّي فروحة امانك ايجا نبوسك
فرح تنفضت: لالا اقعد ثما مانحبش
شادي: ووه علاه مافياش مرض الجرب راو
فرح: اوف مش حابة المشاكل بربي ياشوشو
شادي شاف فيها: 🤨مشاكل شنيا
فرح: السخطة قالي ماتخليهش يبوسك وهبطت راسها
شادي: اي اي مانقوليش نزار والله يطلع منو وضحك بالقاوي ..يغير مِڼـّي والله الدنيا دوارة ...ساعة انا ليـّۓ كنت نغار منو والله مانغزلو
فرح: اي ونطيح انا في النص بسباب غيرتكم امشي العب غيرها ...
خرجت م̷ـــِْن بيرو شادي تمشي حتى شافت بالكون واسعة تطل علـّۓ  برا تقدمت ناحيتها حطت يديها علـّۓ  الصور الحديدي وتنهدت بعمق ..شبيه الًيَوُمًِ مابانش ولا فيسع ماكره منها ...عجبها انو ديما لاحق وراها وغيرتو لي بدات توضاح عليها نفضت راسها بقوية
فرح: شقاعدة نخمم انا يلعن ابليس
وقف وراها: ماكرهتش مـڼـڱ
تلفتت تشوف مصدر الصوت لقاتو نزار ..يعني هو قرا افكارها ولا كيفاه ...
فرح: مافهمتش
نزار: نعرف لي قاعد تقول في داخلك اكيد كره علـّۓ  هكا ماسقساش عليا الظاهر توحشتني
فرح توترت: لٱ غالط وانت مغرور بروحك ياسر
نزار: ماتعرفش تكذب عيونك يحكو وحدهم بدا يقرب منها حتى ولا يفرقهم سنتيمترات قلال طبس راسو لمستواها وحكى بهمس
نزار: علاه ماتمدش لروحك وليا فرصة ...فرصة واحدة برك نأكدلك بلي انا وياك مكتوبين لبعضنا ...

✴✴✴✴