أنا فتاة إسمي نسرين أبلغ من العمر 18 سنة وأنا على قدر كبير من
الجمال وأي جمال؟
احيانا تحصل للإنسان مواقف يتمنى أن الشي الي سبب له هالموقف
يروح منه.
حتى لو كان هالشي صفة حلوة ماطول عليكم
أنا لي أخت متزوجة أكبر مني عمرها 26 سنة اسمها ليلى وهي تحب زوجها واجد ومتعلقة فيه مرة.
بعكس زوجها رغم جمال اختي فهو يعني غير مبالي ما يهتم غير بالسهر
والديوانية.
اختي كانت في زيارة عندنا وقالت لي دقي عليه جوالي ما في رصيد
شوفي وينه.
أنا أخذت جوالي ودقيت عليه ( ألو السلام عليكم) ( وعليكم السلام ورحمة
اللة وبركاته وش هالصوت يا ويلي ويلاه انتي شكلك ناوية ما تخليني انام
اليوم) كان هذا رده المهم انا استحيت وقفلت وكنت راحمة اختي الي جالسة
في البيت مو عارفه شسالفة.
المهم مر اليوم ومرت معاه ايام إلا وحوالي يدق....
أشوف الرقم إلا وهو رقمه ما عرفت شسوي ما حبيت أرد وننحرج ما رديت عليه...
أرسل لي رسالة ( ابي اسمع صوتك الحلو مرة ثانية والللللة لاقفل)
المهم أرسلت له رسالة ( انت صوتك كبير وواضح أنك متزوج)
وهو نفى زواجة وقال أناعمري 23 سنة وبعدني بكر....
وقلت له أنا نسرين أخت زوجتك وش تبي؟؟
هو انصدم مرة وقال اوك راح اتركك بس أمانة نسرين ما تقولي لليلى
قلت اوكي بس اعقل وترى انا اكتشفت أنك تلعب من وره اختي اعقل
لا واللة يعلمها
قال انشاللة....
إلى هنا ينتهي الجزء الأول صحيح قصير لكنه يمثل فترة معينة كانت قصيرة
وهي المحادثة في الجوال وفي الأجزاء القادمة ستتطور الأحداث وكل فترة
سيكون لها جزء وكل يوم أنزل جزء انشاللة.
