[Book-1]novelထဲဝင်သွားပြီးနောက် အသဲခွဲသမားဖြစ်လာခဲ့သောသူမ

48[U&Z]

[Unicode]

ခြောက်နှစ်စာချုပ်ကို ဟော်ပေ့ချန် မေ့လုနီးပါး ဖြစ်နေတာ ဖြစ်သည်။ လွန်ခဲ့တဲ့ ခြောက်နှစ်က သူဘာလို့ အဲ့စာချုပ်မှာ လက်မှတ်ထိုးခဲ့တာလဲ‌ဆိုတော့.....

အကြောင်းပြချက်ကို သူထပ် မတွေးရဲတော့။ အရင်တုန်းက ဖြစ်ခဲ့တဲ့ အရာတွေက အခုချိန် သူ့အတွက် ပြဿနာ မရှိတော့ပေ။ နင်မုန့် နဲ့ ‌နင်ဝမ့်ထောင်ရဲ့ စကားတွေကို နားထောင်ရင်း သူ့လက်က လေထဲမှာတင် ရပ်တံ့လို့ နေ၏။

အခန်းထဲတွင် ဖြစ်သည်။

နင်မုန့် စကားတို့ ပျောက်ရှသွားသည်။ ဟော်ပေ့ချန်က အမှန်တကယ်ကို ကြောက်ဖို့ကောင်းတာလည်း အမှန်တရားပင် ဖြစ်သည်။ အခုချိန်ထိ သူက ဘာလို့ သူမကို လက်ထပ်ခဲ့တာလဲဆိုသည့် အကြောင်းပြချက်ကိုလည်း မသိနိုင်သေးပေ။ နောက်ကွယ်မှာ ဖုံးကွယ်ထားတဲ့ လျှို့ဝှက်ချက်တစ်ခုခုတော့ ရှိရမည်‌ပေ ။ တခုသေချာတာကတော့ နင်မုန့်အနေနဲ့ ဟော်ပေ့ချန်ကို ကွာရှင်းချင်မှာ မဟုတ်ပေ ဒါ့အပြင် သူဆိုတာက တကယ်ကို အင်အားအာဏာရှိတဲ့ လူတစ်ယောက်ပေလေ။ ဟော်ပေ့ချန်ရဲ့ ဖိနပ်ကိုလျက်‌(ချီးမြှောက်ဂုဏ်ဖော်)နေသ၍ သူမ လိုချင်တာ အရာအားလုံး ရနိုင်နေမှာ ဖြစ်သည်မို့ပင်။

"မကွာရှင်းပါဘူး!" နင်မုန့် ပြောလိုက်သည်။

ထိုသို့ကြားလိုက်တဲ့အခါ ဟော်ပေ့ချန် စိတ်သက်သာရာရသွားလေ၏။

"ဘာလို့လဲ? ဟော်ပေ့ချန်က စိတ်ငြိမ်တာ မဟုတ်ဘူး။ ရိုင်းစိုင်းပြီး အကြင်နာတရားလည်း ကင်းမဲ့တယ်! သူ့ကောင်းတဲ့နေရာဆိုလို့ တစ်ခုတောင် အဖေ့အနေနဲ့ ရှာမတွေ့ဘူး!" ကြောက်ရွံချောက်ခြားစွာဖြင့် နင်ဝမ့်ထောင် ပြောလိုက်၏။

"အင်း...သမီးတော့ အဲ့လို မထင်ပါဘူး။ အနည်းဆုံးတော့ သူက အရမ်းခန့်ညားပြီးချောတယ်လေ"

"...."

နင်ဝမ့်ထောင်ကတော့ ဘာစကားမှ မပြောနိုင်တော့ပေ။ ဟော်ပေ့ချန်ကို အခုလို ချီးမွမ်းကြတဲ့ လူက နည်းတာမဟုတ်တာမို့ နင်မုန့်ရဲ့ ချီးမွမ်းနေသည့် မျက်နှာကိုပါ ပုံဖော်လို့ ရနေနိုင်သည်။ ထိုချိုမြိန်သော စကားတွေနဲ့တင် ဟော်ပေ့ချန်ရဲ့ ရိုင်းစိုင်းကြမ်းတမ်းမှုတွေက အလုံးစုံ ကွယ်ပျောက်သွားသည့်နှယ် ဖြစ်သွားလေ၏။