احببته عندما احبني❤ (تامي & احمد)

البارة التاسع

~~♡اااهلين👋♡~~
...............................
بعد ماركدة تامي ناضت اليوم اللى بعدها في صبح على صوت امها وهيا تنوض فيها هيا واختها كان جمعه ويوم جمعه طقوسه غير على الايام الاخرا لازم يفطرو معا بعضهم وبعد ايضمو حووش و بعدها يبدو في غدا وبعدها يضمو شويه ويطلعو لحوش جدهم .
وهكي ولما مشت تامي لحوش جدهم لقت العيله كلها غادي وخالاتها وخوالها وهكي مهم واحمد وعبدالسلام وهلهم غادي سلمت عليهم واحد واحد جت عند احمد سلم عليها وحساته مش امعدل وبعدها بشوي سلمة على عبدالسلام سلم عليها وضغط يدها بقوه لعند وجعتها ..
كان عيد ميلاد تاامي وهيا ناسيته بكل تحسابه السبت ف شويه هكي خذتها بنت خالها كوكه وباقي بنات خوالها  لفوق السطاح وقعدة تدوي معا صاحبها ب تلفون وتامي مقعمزا على نت و شويه ويجيها مسج من عبدالسلام على وتس .
عبدالسلام: مزلتي مصكرا راسك .
تامي: .....مانبيكش ااااااااافهم .
عبدالسلام: وانا نبيك .
تامي: انا تحشمة نحظرك يومتها بس توا شكلي حانديرها .
عبدالسلام: اوكي مش حاتقدري ولو قدرتي عندي مية رقم .
تامي: تمام .
{ وووووو تم الحظر عبدالسلام بلووووك .}
عبدالسلام (في سرا) تمام تمام يا تامي يصير خير والله .
وهكي كملن هدرزا ونزلن البنات لوطا وكانت مفاجاءه ل تامي .
اول ماخشت هابي برتي تييوو وتامي معش عرفة شن في .
كوكه: عيد ميلادك يافالحه .
تامي:  اليوم  نحسابه بكرا .
وشويه وتامي طفت الشماعي و كل واحد قاللها كل سنه وانتي طيبه الا احمد مش عارفه ليش حتى عبدالسلام سلم عليها وقاللها كل سنه وانتي طيبه وفي وذنها حولي البلوك خيرلك تامي بحتت فيه وهزة راسها مش خوف منه بس هكي وفعلا حوداته .
وكل مره جاء واحد يعطي في هديه لها لعند تحشمة اولهم خالها سالم اللى جابلها جاكه شتويه و شال ايهبلن كونه عيد ملادها في شهر وااحد في عز الصقع .
وامها عطر و جدتها سنسله من مصر جايبتها معاها و امل وشاح وكوكه عطر وساعه و هاجر بلوزه ومرات خالها طاسه تحفظ الحراره
وكل واحد حاجه ماقصروش الصراحه
وعبدالسلام عطر بنته غير على عطور اللى جانها هدايا واحمد ولاشي الا يبحت و ايمن جابلها بوكس فيه عرم شكولاته وفي نصهن طقم كامل حديده وخاتم ودناديل وسنسله
وهنا احمد يغلي من جو نااار🔥راكبه فيه كر شحنه وطلع للمربوعه امتاع الضيوف كونهم كلهم في الصاله لانها كبيرا .
شويه وبدو ايقصو وكل واحد ياخد في كيكه الا احمد في مربوعه نادوله جاء لكن مابش ياخذ شي من الاكل الا كزوزا وشويه خذا مفتاح سيارته وطلع سالوه قاللهم اوليد صاحبي يبيني .
تامي ساعتها شويه وبكت من تصرفاته اللى كل يوم اياكدن انه مايحبهاش وقلبها ايقول العكس .
مشي اليوم هدزه وضحك واحمد مش معاهم على اساس ماشي لصاحبه هوا عدى قعمز على بحر بعدها كلم صاحبه معتز وجاءه وقعد يدويله .
معتز: ها كنك .
احمد: ماكني شي .
معتز: حاق وجك كيف انته .
احمد: مضايق ياصاحبي .
معتز: من شنو .
احمد: منها ماتحبنيش .
معتز: مش على اساس يوم عيد ميلادها .
احمد: اها .
معتز: ومش على اساس نبي نقعد معاها اليوم كله وين عدي كلا هضا كله .
احمد: كنت لكن قهرتني .
معتز: عطيتها هديتها .
احمد: لالا ماعطيتها شي .
معتز: اماالا اللى شرشحتني معاك اليوم كله مش اتجيبلها حاجه سمحه وين عدة .
احمد: مابتش نعطيها لها كنت ناوي نعطيها لها لما تكمل حفله ونبو نروحو لكن طلعة انا .
معتز: ووو ليش .
احمد: هك ، هيا اصلن ماتحق فيا مش نعطيها هديه كلهم عطوها الا انا .
معتز: عارف هكي تحسابك تكرها واتزيد اتبعد عليك .
(وفعلن هضا اللى صااير)
احمد: مش بيدي انحبها عزو انحبها وانموت لما انشوفها تضحك او تدوي معا حد او حتى لما تمسك تلفون وتبدا تضحك وانحق فيها انا ومش بيدي شي الله اعلم في من اتكلم اللى يضحك فيها هكي انحبها والله انحبها .
(ومعتز قاعد ايسجلها في تلفون واحمد مايندريش على شي ) 👉لقطه هذي ماتنسوهاش لان حايجي وقتها في الحلقات الجايه ..