مره اخرى

الخرزه الاولى

استيقظ يحيى بعينين متعبه وبهدوء تام وهو ينظر الي الغرفه البيضاء التي ينام فيها والاجهزه محاطه به من كل جانب ليقع عينيه ع البنت الي تنام ع الكرسي المجاور اليه.
يحاول ان ينظر بشكل صحيح_يحاول ان يتذكر لكن لا شي_يحاول ان يحرك يديه/قدمه لكن لا يمكنه ان يتحرك _الم كبير في راسه _تشوش في عينيه
يحاول التحدث او حتى ان يخرج صوتا لكي تستيقظ الفتاه الي بجانبه _فجاه:
يحيى: اني وين ( بصوت هادء وقلق ) شفت البنيه الي نايمه تحركت ومن شافتني راسن كامت عليه جان تجي يمي ودموع بعينها لزمتني جان تكلي الف الحمد لله ع سلامتك وجان تركض بره الغرفه وبعد مشفتها و وره دقايق كلهم دخلو دكتور وممرضين وامي وابويه واخويه وخوالي ٢ وعمتي وعمي وناس ما اعرفهم هوسه بحيث اني اني خفت كلت هاي شكو
ام يحيى (بدموع): حبيبي ابني الف الحمد لله ع سلامتك الف الحمد لله والشكر يا رب وتحضن وتبوس بي شلون صرت ان شاء الله احسن شكد انتضرتك والله.
يحيى :هله الحمد لله اني زين ،ليش شكو وتنتضريني + اني شجابني هنا ! شكو فهموني ؟
ابو يحيى: حمد لله ع السلامه ابني الحمد لله كمت وشفناك ان شاء الله ماكو شي لتخاف هسه الدكتور يفهمنه
الدكتور علي: اهلا استاذ يحيى اني الدكتور علي المشرف على حالتك لتخاف ان شاء الله ماكو شي هسه افهمك اول شي حمد لله ع السلامه خوفتنه
يحيى: الله يسلمك فهمني دكتور بلا زحمه
دكتور علي : بس قبل لا افهمك خليني اسالك كم سوال
يحيى: تفضل
دكتور علي: اسمك الكامل
يحيى: يحيى كاضم مصطفى
دكتور علي: عمرك؟
يحيى: 18
ام يحيى : شنو!!!
دكتور علي : علكيفكم استاذ يحيى احنه ب اي سنه حاليا؟،
يحيى :2018!!
دكتور علي: هممم ( ملامح الخوف عليه) اذا توقعاتي صح
يحيى: شنو دكتور يا توقعات فهمني ؟،
دكتور علي : شوف يحيى انت تعرف ليش اجيت لهنا!؟
يحيى : لا اصلن ما اتذكر بس مجرد اعتقد جنت بغرفتي وراسن دخت و وكعت بس شي بسيط ماكو داعي مستشفى
دكتور علي : لا مو هيج شوف اول شي لازم تهده وكلشي يرجع لمكانه لتخاف ويه الوقت كلشي ينحل واعتقد هالشي شي مؤقت تمام! كول يا الله ولتخاف
يحيى( ب عصبيه ) : دكتور احجيييي شكووو
دكتور علي: بس اهده خلي افهمك كلشي
__ شوف انت اجيت قبل ٤ اشهر لهنا حالتك خطره ورجلك مسكوره ثنينهم الحمدلله وحده زينه هسه والثالثه بعدها وايدك هم لحد هسه مو زينه وراسك مضروب قوي ف من اجيت كلش جنت تعبان احنه كلنه متعيش لكن اهلك اصرو والحمد لله بقيت شكد انتضروك تكعد دخلت غيبوبه لان هواي نمت ف اني كلت احتمال تنسى لان الضربه كلش قويه ب راسك بس متوقعت هيج بس هم الحمدًلله هسه كعدت وبقى شي بسيط
_ شرف ابني يحيى الله هيج كاتب لتخاف هسه شويه شويه بمساعده اهلك تكدر تمشي وتكدر تتذكر كلشي وجروحك ان شاء الله تطيب
يحيى : انت شدتحجي ؟ مفهمت
دكتور علي : اني جدا اسفه بس احنه حاليا 2021 يعني انت ناسي تقريبا 4 سنوات بس ترجع ان شاء لتخاف
يحيى: دكتور لتخبلني( بصياح ) شنو فاقد الذاكره يعني ليش هيج( ويريد يكوم) شنو 4 سنوات دكتور اني عندي امتحانات سادس شدتحجي انت
دكتور علي: ابني انت رجال لتسوي هيج كول يا الله همزين هيج شي بسيط كلشي يرجع مو للابد يعني احتمال اقل ال 3 شهور اذا التزمت بل علاج والفيتاميات والتعليمات يرجع كلشي لتخاف شوف اهلك شصار بيهم وهم ينتضرون مني امل صغير كول يا الله
يحيى: اباوع ع اهلي شكد كبرانين ضعفانه امي وابويه تعبان وكلها تبجي ونص عيونها مدمعه علينه
ام يحيى: ابني لتخاف كول يا الله بسيطه هيج كلشي يرجع مثل مسمعت الدكتور لتخوفنه عليك اكثر حباب الحمد لله انت بخير هذا المهم بعدين يا سادس ابني انت هسه كلبه مرحله ثانيه تخيل خلصت من السادس هههه اضحك ابني لتسوي هيج بينه كول الحمد لله
يحيى : اني جامعه هسه ! دكتور شوكت اكدر اطلع ؟
دكتور علي : شهر وتطلع لان ناقص كم شغله