الدكتورة أسيرة الزعيم 🔫👩‍⚕️

الحلقة 32

في المكتب:
ماكس: لازم نكونو حذيرين بزاف لانو هاد المرة مختلفة على المرات لي فاتو المرة هادي راح نلعبو عالمكشوف راح نفسدو الصفقة يعني راح نكونو السبب في خصارة الطرفين  راح نتلقاو الهجوم من كلا الطرفين عليها لي لازم نكونو واخذين الاحتياطات تاعنا و بالنسبة للرجال راح نسحقو اكبر عدد من الرجال باش يحاوطو المكان و لازم نمشو معاهم بالدقيقة تضييع دقيقةوحدة ماراحش يكون لصالحنا ....و ادا خرجنا حيين منتم هذا يعني انو ربي كتبلنا عمر جديد.
سام: صح راح تكون عملية صعيبة و بزااف و كيما قلت محتمل العيش تاعنا قليل يفدر يكون بنسبة  30%عليها لازملنا التركيز التاام و فيها خير  صاحبي .
جوري سمعت هاد الكلام و ولات مغيبة عن الواقع قاع طلعت لبيتها بهدوء تام و هي مصدومة دخلت غلقت الباب بالمفتاح و بدات الدموع  تاخد مجراها على خدودها بكل هدوء حتى بدا صوت شهقاتها يزيد و هي تتفكر كلامهم و انو  محتمل يموت و يخليها بدات البكية تاعها تقوى و شهقاتها تتعالى و هي تعيط : مترووووحش لاالااا ميروحش و يخلينييي ميرووووحش بعييد علياا و زادت في البكية و العياط تاعها يقطع القلب ..
ميار  بحكم  الغرفة تاعها قريب من غرفة جوري كانت راقدة  حتى سمعت صوتها ناضت تجري مفزوعة راحت عندها تحاول تفتح في الباب مي لقاتو مغلوق : جوري جوري حبيبتي افتحي الباب...جوري جوريييي ...
جوري: روحيي روحيي خليني نموت قبلو هنااا
ميار مالقات واش دير راحت لبيت ماكس مالقاتوش خرجت حابطة  في الدروج و تعيط : مااكس...سامم سااام.
كانو في المكتب حتى يسمعو صوت ميار تعيط ناض سام يجري خرج و موراه ماكس بهدوء لحقت ميار عند سام شافها تبكي و من حوايجها باين كانت  راقدة شاف فيها حسباتلو شافت كابوس: شفتي كوشمار خلاص ولي ترقدي.
ميار: واش من كوشمارر جوري.....جوري راهي دايرة حالة كاشما صرالها اطلعو ليهااا
ماكس كان هادي على اللخر هو سمع  جوري قفز من بلاصتو  و طار يجري للفوق فتح الباب لقاه مغلوق بدا بعيط :جوررري جوررري افتحي الباب جورييي  بقا يسمع غير في صوت شهقاتها رجع للور ضرب الباب برجلو مرة مرتين تفتح و دخل عندها شافها قاعدة  في الارض و تبكي بالشهقة و تهدر هدرة مش مفهومة راح عندها شدها  من يدها و بقا يهز فيها: جوري جوري افطني راكي معايا!!
جوري: مااكس
ماكس: وي هيا نوضي نوضها معاه راح باش يشدها حتى طاحت بكللها فاقدة الوعي على  يدو شافها حطها فوق الفراش و طلب الدكتور و جاه في اقل من نص ساعة دخل عندها و ماكس رايح جاي كي المهبول حتى كمل الطبيب
ماكس؛ ما بها!
الطبيب: لقد تعرضت لانهيار عصبي حاد جدا كان يكاد ان يجعلها تدخل في غيبوبو طةيلة جدا  لكن من حسن الحظ أنها فقدت الوعي الان لقد اعطيتها حقنة لكن عندما تستيقظ سوف تكون تحت تاثير المخدر و  تبدا في الهذي لان هذه الحقنة مفعولها كمفعول الكحول لذلك سوف تبظا تهذي و تتكلم عن اشياء غريبة ...بالشفاء و راح ..
دخلت ميار و جوليانا و سام شافوها و قاللهم واش قاللها الطبيب
ماكس: انا نبات عندها اليوم روحو ترقدو راح الحال.
الكل: تصبح  على خير
ماكس : و انتو من اهل الخير.
راح ماكس قعد قدامها و قعد يمسح على شعرهاو يشم فيه : ااااه واش درتي فيا اه يا دكتورة رجعتيني نخاف  عليك من الشوكة الصغيرة ..لوكان دخلتي كومة انا واش يصرالي ! اه خممتي فيا انا واش ممكن نعيش بلا بيك ولا تروحي برك ! مي واش  الحاجة لي وصلاتك لهنا يا جوري واااشنو هيا واش يا درى .حط راسو و غفى قدامها
بعد ساعات بدات تفطن تحس راسها تقيييل من قادرة ترفدو فتحت يدها جات في وجه ماكس فطن مفزوع : جوري  نضتي راكي  ملبحة!!!
جوري : اه انا راني خير منك علاه تحوس تقلقت عليا واقيل
ماكس: كانت خاصتني حاجة و راهي كملت الهذيان و الهدرة تاعها يا رب صبرني
ناض و راح قعد جيهتها : كيفاش تحسي روحك خير!
جوري: انت طبيب لالا راني هايلة واشبيك...مي انت انت متحبنيش
ماكس شاف فيها و كانها تشر لشي حاول يفهمو: علاه تقةلي هكذا !!
جوري: لانو انت راح تموت و تخليني انت متحبنيش كيما انا
ماكس نسى تماما مسالة الصفقة و الموت: علاه راح تقتليني و زيد  انت تحبيني!
جوري: هههه انا منحبكش مام انت متحبنيش مي راك رايح تموت و تخليني وحدي هنا
ماكس: ماراحش نموت راح نقعد هنا
جوري: تقعد معايا ! متروحش ياك
ماكس: لالا منروحش نبقى هنا
شافت فيه و ضحكت شدت راسو بين يديها و قربت منو و حطت شفافها فوق تاعو و باستو اما هو فتح عينو صفاحي من ولش دارت و تفكر انها مخدرة يعني ماراح تشفا لوالو  قرر يستغل الفرصة و يطفي نارو زاد حكمها هو و بقا يبوس فيها بكل حب و حنية يبوس فيها و مرة يعصها جبد روحو كي حسها محتاجة هوا خلاها جبدت تفس و عاود  زدم عليهم يحاول  يطفي النار لي شعلتها هي اما مقدرش يبعد بقا تارة يبوسها و تارة يعضها حتى حسها تقالت جبد و شافها فقدت الوعي حطها في بلاصتها غطاها و رما بوسة اخيرة في عنقها و ناض خرج  دوش في بيتو  و هو يتحسس في شفافو و يجوز عليهم لسانو كانو يعاود يرجع طعمهم كمل خرج لبس سروال جين و تريكو ابيض و باسكات بيضة راح  طل عليها لقاها مازالها راقدة حبط  سام شرب قهوتو و طلب من جميلة توجدلو سنيوة لجوري دارت واش قاللها و طلعها للبيت فتح الباب و غلقو برجلو  مع الخبطة فطنت هي حط السنيوة فوق الفراش و راح عندها يعاونها باش تنوض عدللها المخدة مور ظهرها و حط البلا في حجرو و بقا يوكل فيها في السكات حتى هدرت: واش صرالي ! تبسم كي عرف انو ماشفات والو و قاللها: فقدتي الوعي
جوري: و فقدت الوعي علاه كاين سبة !
ماكس: كنت دايرة حالة بالبكا و العياط دخلت عليك رفدتك من الارض فقدتي الوعي و السبب تاع البكا غير انت لي تعرفيه
جوري: جا الطبيب واش قال ؟
ماكس: انهيار عصبي
كملت الماكلة تاعها و رفد  ماكس من حجرو السنيوة و مدلها دواها شرباتو و قاللها : واشبيك علاه درتي هكداك ! واش خلات تهبلي لهاديك الدرجة سيي اتفكري ..
جوري حبست و شردت في بلاصتها تسيي تتفكر طولت ماكس ناض و جا رايح.. حتى و اخيرا تفكرت دمعت عينيها هو مع لي وصل الباب  حبسو صوتها الباكي: متروحش......
           
  حبوباتي 2بارت في ليلة تسحقو الحالة مخلطة بليكومونتاار🔥❤❤🕊