الدكتورة أسيرة الزعيم 🔫👩‍⚕️

الحلقة 33

دار عندها يشوف عينيها لي يبرقو الدموع منهم غاضتو حالتها راح عندها و رماها في صدرو و بقا محضنها و مزير عليها و هي قوات في البكية : متروحش للصفقة متروحش راح تموت سمعتكم سام قال احتمال 30%برك انكم تعيشو متروحش ..
ماكس: راح نوعدك انو نرجع و نرجع كيما رحت مي امسحيلي الدموع هادو لانهم يقتلوني اضحكي نشوف...
ضحكت معاه و هو باقي مركز معاهم هي غير ضحكت ميل راسو باسها بوسة طويييييلة و خرج بلا ميشوف موراه: حتى ادا مرجعتش نكون محرمتش روحي منهم تبسم و خرج
جمدت في بلاصتها من فعلتو بقات شاردة و تمس في شفايفها و تهدر مع روحها : باسني ! لالا نكون نتخايل...قرصت روحها حتى توجعت : لالا مانيش نحلم يعني يحبني ! وااااا يحبنيي دخلت للدوش فرحانة دوشت و خرجت تنشف في شعرها قدام المراية و هي طايرة من الفرحة لبست و حبطت التحت.
جميلة: جوري بنتي علاه حبطتي كاشما خصك نجيبوهولك للبيت
جوري عنقتها: يعطيك الصحة يا اغلى خالة و زيد راني مليحة راني هايلة
جميلة : الحمد لله ارواحي نحطلك كاش حاجة تاكليها
جوري: كليت جابلي ماكس ميرسي
جميلة :خوذي راحتك البنات راهم في الحديقة
جوري راحت عندهم بلااعقل و خلعتهم : وااااااا
ميار : بسمله هادي راهي مريضة هادي
جوري : واش خصني خمسة في عينيك راني كي العودة
جوليانا: واش سبة الحماس يا آنسة جوري !
جوري: لازم تكون سبة باش نكون فرحانة لالة جوليانا
جوليانا: لالا قلت بالاك كي بات عند راسك ماكس برك
جوري سمعت اسمو و ضحك راحت جمعت في وسطهم و حكاتلهم
جوليانا: اااااه عشت و شفت خويا طايح على راسو
ميار : مي واش صرالك البارح درتيلنا خلعة
راحت تهدر مي تفكرت انو سام يكون معاهم في الصفقة محبتش تخلعها في باطل : ااه.والو درت كوشمار برك ...المهم كيفاش كان الفطور لبارح .
ميار : كان هااايل رحنا لريسطو شيك يطل على الجسر و كلينا و تمعشقنا بيااان سور و رجعنا مي كان نهار شباب بزااف
جوري: بصحتك و انت جولي وقتاش نفرحو بيك!
جوليانا: علاش ماكوش فرحانين بيا و لا !
جوري : نو يعني وقتاش نشوفوك مع فارس الاحلام
جوليانا: اه وي راهو يحوس على عود كي يلقاه يجي .ضربتها جوري و بداو يضحكو و يقصرو حتى للعشية
اما ماكس و سام لي بقاو يوجدو و يعاودو محبسوش لانو مجرظ غلطة تديهم للهلاك .
و جازو اليامات يجرو و لحق وقت الحسم وقت وين حياة شخصين راح تتقلب يا للاسوء يا للافضل هاد الشي راح يحددهولهم القدر ليلة اليوم ..
حبطت من غرفتها و مخلات حتى واحد ينتبهلها و حبطت للتحت دخلت لغرفة ما و عاودت خرجت تجري ..
خرجت الساعة 8 تاع العشية راحت للصبيطار خدمت حتى لحق الليل لبست حوايجها لي كانو كلش كحل دارت كوتشوفال و ركبت طونوبيلتها و ركنتها بعيدة على القصر بشوية باش تقدر تشوف الداخل و الخارج من القصر ...
اما ماكس و و سام رجعو من الشركة للدار راحو عاودو درسو الخطة بعدها لبسو حوايجهم رفدو سلاحهم و ركبو طونوبيلت ماكس و خرجو كانت الساعة 3تاع صباح متجهين للعنوان ..
استنات ساعة 2حتى و اخيرا شافت طونوبيلت ماكس خرجت خلاتها بعدت شوية و راحت موراهم مطفية قاع الضواوي تاع الطونوبيل باش مينتبهولهاش لحقو للبلاصة بعد ساعة من الطريق كانت بلاصة مهجورة فيها غير الحجر و التراب لقاو الحالة كالم بعدو على الساحة و تخباو ورا خردة كانت تم و بقاو يستناو
جوري بدا الخوف يدب فيها و كي زادت شافت البلاصة و خايفة ماكس لوكان يفيقلها انها هنا جبدت من تحت الكوسانة سلاح لي كانت داتو بتخبية عليهم من الغرفة لي فيها السلاح في القصر دات واحد كيما لي تعلمت عليه و خرجت .
جاز الوقت و لحقت ساعة عقد الصفقة جات شاحنة كبيرة مرسوم عليها 🕸️ حلت عينيها بصدمة: مافيا العنكبوت!!!
ماكس كي شاف الكاميون ضحك بشر : هيا نشوفو يا "مافيا العنكبوت" دار الجومال تاعو باش يقدر يشوف مليح شاف راجل خرج من الشاحنة هاديك و بعدها جات طونوبيل كحلة كبيرة خرج منها راجل و راح يفتح الباب اللوراني يعني للبوس تاعو خرج البوس كان راجل كبير في العمر يكون في الخمسينات شعرو ابيض و طويل (روسي)
ماكس محبش يتحرك و لا يدير حتى حركة كان كل حركة يديرلها حسابها كامو يمشو بالدقيقة ..
سام: ماكس هيا راح يروحو ..
ماكس جبد اللاسلكي و هدر : الان
خرجو رجال ماكس و بدا اطلاق النار من كل جهة رجال الروسي و رجال العنكبوت و رجال ماكس يعني ولات ساحة معركة خرج سام و ماكس يمشو بتخبية ويطلقو في النار بتخبية باش مايبانوش بقاو يطلقو و يتفاداو في الرصاصات باحترافية حتى لمحهم واحد و راح موراهم بتخبية جوري شافتهم راجعين فرحت للحظة مي تمتم تلاشات فرحتها كي شافت راجل لاحقهم رفدت السلاح و خرجت تجري و قلبها يخبط 200في الثانية .....هوما غير شافو الحالة هدات راحو يطلعو باش يرجعو هوما مع لي دارو باش يهربو جا راجل من رجال الروسي و تيرا رصاصة جات في ماكس و الثانية في سام طاحو بين زوج في الارض كي الجثة و الراجل جا راح يحبط باش يخبر البوس حتى جاتو رصاصة اختارقت جسدو طاح جثة بلا روح اما البوس الروسي و رجل العنكبوت سمعو صوت الشرطة ركبو طونوبيلاتهم و هربو من الجهة الفرعية من جهة الغابة
جوري مشات خطوة تشوف في ماكس و سام طايحين رمات السلاح و عيطت باعلى صوتها : لاااااااااااااالاااااااااااااااا
مع صوت عياطها فطن سام و ناض يجري شافتو تنخلعت : س..سام ك..كيفاش نضت ماصرالك والو!!
سام: راني لابس سترة واقية مي انت واش ديري هنا !!!
مسمعتش هدرتو و دارت عند ماكس راحت شافت نفسو ثقيل مي نبضو معتدل بدات تدرب في وجهو ضربات خفاف و تبكي: ماكس ماكس نوض وعدتني انك ترجع نوض مااااكس نوض متخلينيش وحدي ماكس مااااكس بدات تهز فيه بكل قوتها من يديه نووووض ماااكس حبطت شفافها لتاوعو باستو و هو في هاد اللحظة نسا واش كان يدير و دار يدو على خصرها و زيرها عليها و مشا معاها في الخط محبش يطلقها حتى حسها محتاجة هوا جبد عليها و هي تشوف فيه مخلوعة حلت الشوميز تاعو و تشوف السترة من تحت عرفت انو كان يمتل عليها ضرباتو بيدها لصدرو و هو جبدها حتى طاحت فوقو و قاللها : هاني رجعتلك حبيبي❤
هاو بدا ربيعهم هيا روبلو الحالة في الكومونتااار 😍❤