အနေဝေးလို့ သွေးအေးတယ် ဆိုတဲစကားကို အလက်ာမုန်းပါသည်။ နွေရာသီကျောင်းပိတ်ရက်ကာလအတွင်း အဏ္ဏဝါ့ ကိုတွေ့ချင်သည့်အချိန်တိုင်း စက်ဘီးလေးထုတ်လို့သွားတွေ့နေကျ။ ဒါပေမယ့် အဏ္ဏဝါ က တက္ကသိုလ်ဝင်တန်းကျောင်းသားတစ်ယောက်ဖြစ်လာပြီမို့ အလက်ာ့ဘက်က အတတ်နိုင်ဆုံးဆင်ခြင်ပေးရှာသည်။
ရည်မှန်းချက်ကြီးတဲ့ အဏ္ဏဝါ ကစာနဲ့ပတ်သက်ရင်လောဘက ခပ်ကြီးကြီးရယ်။ နဝမတန်းဖြေပြီးကတည်းက ဆယ်တန်းအတွက်ကြိုတင်ပြီး ကျူရှင်တက်လို့ စာကိုလစ်ဟင်းမှုမရှိအောင်ကြိုးစားရှာသည်။ ညဘက်ဆိုလည်း တော်တော်နဲ့မအိပ်လို့ အရင်ကပြည့်ပြည့်ဖောင်းဖောင်းမျက်ဝန်းလေးက အနည်းငယ်ချောင်ကျသွားလေ သည်။
အလက်ာ အဏ္ဏဝါ့ အိမ်ရောက်သွားတဲ့အချိန်တိုင်း အဏ္ဏဝါ ကအမြဲတစေ စာလုပ်နေတာကိုပဲတွေ့ရသည်။ အဏ္ဏဝါ တို့အိမ်က ပျဥ်ထောင်အိမ်လေးဖြစ်ပြီး သားအမိနှစ်ယောက်တည်းနေတဲ့အိမ်မို့ သပ်သပ်ရပ်ရပ်လေးရှိလှသည်။ အဏ္ဏဝါ့ အခန်းထောင့်ကပြတင်းပေါက်လေးနားတွင် စာရေးစားပွဲခုံကိုသေချာထားလို့ စာအုပ်တွေကစီစီရီရီ။
"အစ်ကို စာကိုအဲ့လောက်ထိလုပ်နေရင် အစ်ကို့ကျန်းမာရေးထိခိုက်လိမ့်မယ်နော် "
အလက်ာ့ရဲ့ စိုးရိမ်သံလေးကြောင့် အဏ္ဏဝါလက်ထဲက ဘောပင်လေးကိုချထားလိုက်၏။ အဏ္ဏဝါ့စာရေးစားပွဲပေါ်မေးထောက်လို့ ငေးနေတဲ့ အလက်ာ့နှာဖျားလေးကိုလက်နဲ့ဆွဲညှစ်လိုက်တော့ အဏ္ဏဝါ့လက်ကိုဆုပ်ကိုင်လာပါသောသူ။
"အစ်ကို ကျွန်တော်ပြောတာလည်းအဖတ်လုပ်အုံး။ ကလေးကလေးဆိုပြီး ကျွန်တော်ပြောတာကိုအလေးအနက်မထားဘဲမနေနဲ့။ အစ်ကို တစ်ခုခုဖြစ်ရင် ရင်ကျိုးရမှာလဲ ဒီကလေးပဲ "
"ငါ့မိသားစုကမင်းမြင်တဲ့အတိုင်းပဲ ဗိုက်ပူရေ ၊ ဒီနှစ်မရရင်နောက်နှစ်ဆိုတဲ့အခြေအနေမရှိဘူးဟ။ ငါ့မေမေကိုသနားတယ်။ ငါသာဆယ်တန်းအောင်ပြီး ဘွဲ့လေးတစ်ဘွဲ့လောက်တူတူတန်တန်ရထားရင် မေမေကပင်ပန်းစရာမလိုတော့ဘူး။ ငါပင်ပန်းရလည်းတစ်နှစ်ပေါ့ကွ။ ငါလည်း ကိုယ့်ကိုယ်ကိုယ် ဂရုစိုက်ပါ့မယ်။ ဟုတ်ပြီလား။ ဒါကြောင့်ရင်တော့မကျိုးလိုက်ပါနဲ့"
KAMU SEDANG MEMBACA
မောင့်ကိုမှ ချစ်မိနေပါတယ် <<ေမာင့္ကိုမွ ခ်စ္မိေနပါတယ္>>
Fiksi Remajaေမာင္က လူလည္ေလး။ ႏွလံုးသားတစ္ခုလံုးကို တိတ္တိတ္ေလး ၊ တတိတိနဲ႔ ခိုးယူသြားတာမ်ား... ။ မောင်က လူလည်လေး။ နှလုံးသားတစ်ခုလုံးကို တိတ်တိတ်လေး ၊ တတိတိနဲ့ ခိုးယူသွားတာများ... ။ Birthday present for my love @matdarlinmawyi #Boy×Boy #klwin1234
