قمري ❤️ (روايات ليبية)

البارت التاســـــــــع

قمـــــــــــــري💞✨

البارت التاسع  ..

"  مريم موسى محمد  " 

...
قصي خش داهش  :  انتي صبي بسرعةة
اني بهزوه  :  وكيف بنصبي وانت رابطني
قصي جا يفكلي ف الخيوط  ...
فردت يدياا من التعب ااااه
قصي شدني من شعري  : نوضي بسرعه الهم
اني نعيط  : اييي شن فييي ارخي شعري
قصي  :  مدخلكش  .. وجبد كيسه ولوحها علياا
وقال  : تعالي معاي للحمام وبدلي فيسع
قلت زي مادار قصدي درت زي ماقال😂
لعلَّ وعسى نلقا طريقه نهرب بيهاا  ..
استغربت من اللبسه اللي جابهالي  .. ملايه واسععه وخمار  .. هدا خيره؟
مهم لبستهم فيسع وهو يهزب برا  .. طلعت ووقفت قدامه
قصي  :  خليك هكي'' ونزلي الخمار'' وهدا خليه هكي  ..
اني  :  وعلاش راجلي وانا منندريش؟
قصي جبد يدي وقعد يكر فياا  ..
اني نحيت يدي منه بسرعه .. وبغضب قلت  :  احترم نفسك شن الحركه هادي
قصي بضحكه  :  وعلاش شن فيها عيب ولا حرام؟
اني  :  عيب وحرام مع بعضهم
قصي بضحكه عاليه  : شنو انا حرام عليا والسي سند حلال!
اني  :  معش تجبد سيرته ع لسانك المسخ
قصي  :  ادافعي عليه؟
حتى لو كان هو يلي سيبك وبسبب مش عارفتيه
اني   : سيبني مسيبنيش مدخلكش انت  .. سكتت لما اذكرت اي حق علاش سيبني؟
..
قصي  :  اركبي السياره هيا
اني  :  يابختي اللي يشوفني يحسابني مرتك ااااخ ياقهرتي يقولو مالقتش غير الخرار هادا ترضى بيه وشوفو حتى منظره زي الزفت
قصي  :  حسستيني انتي انجلينا جولي
اني  :  تمنيت يكون عندي ولد عمه تاني مش انت
قصي  :  شرف ليك نكون من عيلتك انا
اني  : يااايييي  عايش الدور هلبا راك وواخد ف روحك مقلب  ..
قصي بغضب  : قمر خلاص ضمي فمك فددتيني راكك
اني  :  افففففف
قعدنا هك نص ساعه ف سيارة يلود مش عارفه وين  ..
شويه وركزت ع طريق كلها تراب  ..  زعما لما نفتح الباب ونطيح يصيرلي شي  !،
قعدت نخمم شويهه  ،  نديرها  .. منديرهاش
لا انديرها  .. لا علاش نبي نموت انا ولا كيفف
نديرها وخلاص  ..
شديت مقبض الباب  ..
وفتحته  ..
وطيحت روحيي  ..
ف بدايه منندريش كيف طحت ووين طحت اللي نعرفه اني درتهااا  ..
رفعت راسي بالمقلوب وركزت ع قصي جاي يجري جيهتي  ..  صبيت بالسيف وقعدت نجري  .. 
الجري كان صعب عليا هلبه بسبب الرمال  .. 
واني نجري مع الوقت لين دهشت  ..  نتلفت نلقاه مزال يجري ويعيط
قصي  :  قــــــــــمررر وقفي خيرلك وربييي
انا نجري بكل سرعتي ونقيم ف الملايه اللي قريب اطيحني  ..  تلفتت لقيت قصي مقعمز ع ركابه  .. 
وقفت حتى نا نلقط نفس  .. 

.
.
.
.
.
.
.
لما ريته وقف كملت جري لين لفتت نظري زنقه  .. خشيت فيها وانا داهشه  ..
والخمار قريب يقتلني من النو  ..
شفت واحد طويل ولابس لبس السلفيين  ..
لحيته سووده لين خلاص ووجهه نوور  ..
باختصار  .. عمري ماريت زيه  ..
مقدرتش ننطق من كتر ماني داهشه  ..
قدمت شوي  .. وقعدت نكرر
اني  :  ووخيي س سس ساعدنيي  .. ساععدددنيي
هو قدم شوي وعيونه لوطه  :  من انتي وخيتي وخيرك شن فيك  !
اني اشرت ع رقبتي  :  جج جااففففه نبي امم اميه
مشي لسيارته بسرعه وجاب شيشه صغيرونه ومدهالي  ..
من كتر عطشي رفعت الخمار بدون مانعدل عليه وقعدت نشرب  .. شربتها كلها ولوحتها لوطهه  ..
شبحتله لقيته يشبح لوطه  ..  تحشمت من روحي ونزلت الخمار ومحسيتش الا بقصي يجبد فيا
قصي  :  شن تحسابي روحك ياحقيره انا تهربي مني  !
اني  :  خليني فِ حالي يامريض
قصي  :  تعالي معاي خير ماندمك  ..
اني شبحت وراي وملقيتش الراجل هداك  ..
آآآآآآآآآآآآآآآآآآآآآآآآآآآآه ياربيي هدا اللي كان ناقص  .. نحسابه بيساعدني وف لمح البصر اختفي💔!
تلفتت قدامي لقيت قصي طايح وفوقه الراجل يضرب فيه  .. 😳😳😳😳
قعدت فاتحه عيوني ودموعي ينزلوو  ..
وقف الراجل بعد ما شبع من قصي ضربب
قصي فمه كله دم وطايح وحالته حاله  .. متبهدل  .. عمري ماتمنيت يصير هك  .. بس الله غالب
الراجل  :  اختي شن دار هدا ومن يكون  ؟
اني ببكاء  : هه هدا وو ولد عمتي خ خ خاطفني ممن ف فف فتره
الراجل يشبح لوطه  :  اهدي اختي وقوليلي وين تسكني  ..؟
اني  : نسكن ف ****
قصي ناض وبصعوبه  :  بينا الايام ياقمر يافاجره
اني نبكي بصوت عالي
الراجل  :  ضم فمك واتقي الله مسد بنت خالك وخاطفها ياراجل
قصي  :  مم من ق ق ققالك انااا خخ خاطفها؟
هه هي جت برضاها
اني بصوت عالي  : ياكداب ياللي متخافش ربي علاش تكدبب 
قصي  :  ماكدبتش انتي وحده "***
الراجل بعصبيه  :  سكر فمك واسكت ياعيل  "  وضربه بوكس "
اني باستغراب  .. سلفي ويقول عيل؟
لكن عادي
الراجل  :  انتي اركبي السياره وخليني نتعامل مع هادا
قعدت نشبحله وخايفه يديرلي شي  ..
الراجل  :  وخيتي متخافيش مني انا بنساعدك ونوصلك لحوشكم بس  ..
بتردد ركبت للسيارهه  ..
قمت الخمار نتنفس  .. محلاها صنةة السياره  ..
سبَّحت واستغفرت وحمدت ربي 🌸✨ 
وقعدت ندعي  ..  يارب نوصل لاهلي  .. يارب استاحشتهم  .. ياربيي نبي حضن ماما وريحة بابا 💔
ياربب يارب  .. رفعت راسي وهمست  " يــــــــــــارب"
قعدت ف سياره لين خداني نوم مش عارفه كيف مهم رقدت  ..
نضت ع صوته ينوض فيا  ..
الراجل  :  اختييي  .. اختييي نوضي وصلنا
فتحت عيوني وسكرتهم  .. خلوني نكمل نومتي
قريب وليت للنوم لين نضت مخلوعه  ...
الراجل  :  متخافيش انزلي
اني  فتحت الباب ونزلت ..
شبحتله وركزت ع ملامحه  .. كاني شايفه حد يشبهله هك؟
الراجل  :  تفضلي للحوش  ..
بخطوات بطيئه دخلت لحوشهم  .. اول ماخشيت شميت ريحة وشق  .. آه راحه
خش هو اول واحد وبعدها طلعتلي مرآة كبيره ف السن شكلها امه  ..
المرأة  :  تفضلي بنيتي
اني  :  زيد فضلك
المرأة  :  خشي خشي متخافيش
اني خشيت بشووييةةة  ..
قابلتني صالةة وفيها اثاث وحجات وكده  .. واضح عليهم عيله ماشالله فلوس 🌚
المرأة بضحكه بشوشه  :  انا عمتك هنيه واللي جابك هدا ولدي سعد الدين  ..
اني  :  عاشت الاسامي عمتي هنيه  .. وانا قمر و 💔
هنيه  : واضح عليك تاعبه تعالي للدار ارتاحي بعدين نحكوو
اني  : مشيت لحقتها وخشيت للدار لقيتها دار بناتيه واضح لبنتها  ..
هنيه  :  هدي دار بنتي ريماس وهي توا حاليا مهناش ف الجامعه  .. خشي ارتاحي ونحي الخمار مفيش راجل الا ولدي وهو طالع توا  .. تو نجيبلك دبش تخشي ادوشي وترتاحي تمام بنتي
اني هزيتلها راسي  .. مشت
وبعدها بدقايق ولت  ..  جابتلي توته وكده
حطتهملي ع سرير وقتلي  :  تحتاجي اي شي ناديني
اني  :  صحيتي عمتي تعبتك معاي
هنيه  :  ولو بنتي هدا واجبي
مشت وانا خشيت للحمام حشاكم ندوش  .. بجد مرا طيبه ارتحتلها من اول حديث لينا  ..

.
.
.
.
.
#غديــــــــــــر
بعد ماتفرجت الفيديو كلهه  .. فتحت فمي بصدمه
يعني قمر مخطوفه  !
انخطفت وفوسط حوشهم  ؟
قداشه حقير وواطي  ..
قعدت نخمم شن بندير  ؟؟
شن بنديرر
نبي يعرفو انها مخطوفه وكان تكلمت بيقولو نغطي عليها  ...
اوف  .. شن بنديييررررررررر
سعيد خش   :  مزلتي قاعده
اني بغيظ  :  وشن تبي مزال؟
سعيد  :  بنعرف شن لللي تبي اديري
اني  :  مش شورك
سعيد  :  انتي ف حوشنا ياحلوةة
اني  :  حاجه والله كبيره
سعيد  :  وجهك زي الفطيره😏
اني  مديتله الكاميرا  :  تفرج وانت ساكت بدون ماتعلق بولا حرف لين تكمل الفيديو
سعيد باستغراب خدي الكاميرا وقعد يتفرج  ..
وف الاخير قال  :  فيلم مدايرينه عشان نصدقو 🙂
اني باستفزاز  :  تصدق متصدقش مش فرض ولا سنة مؤكده  .. وهي تشاوو
سعيد  :  استني يا شن اسمك  ؟!
اني  : شن تبي
سعيد  : شن اسمك؟
اني  :  غدير
سعيد  : عاشت الاسامي  وانا سعيد
اني  : نحسابك حزين ههههاااييي
سعيد  : دمك ارزن من فردة خبزه طايحه

.......

شكرا لكل للي قدرو ظرفي ✨🌸
وشكرا لكل من قال كلمه حلوةة
بق لووووووڤ💞💞💞😭