لبوة ثائر

Part 10

رواية لبوة ثائر
بقلمي M. A. M

‏- أنَا خَائفة
خَائفة مني ومنك
طُوال حَياتي عَند عتبة قلبك
خَائفة مَن عينيك !
حَاجبيك ووجهَك وصُوتك
خَائفة مَن أن أُعانقك
خَائفة مَن رائحتك ومَلمس يَديك
خَائفة مَن أن أُحبك . . .
مَن أن أُقاسَمك كُل شيء
ليس لأنِ لاَ أستطيع
ولكنِ أخَاف مَن أن أعَتداها ثُم تنتهي

༺༽لبوه༼༻

الصبح طلعت للدوام بدون ما احجي و احس راسي راح ينفجر كل الليل مكدرت انام من تفكير حتى بالدوام نفس الحاله جنت احس نفسي مختنكه دقيقه اكول اكيد ماتوا دقيقه اكول لا راح يرجعون دقيقه اكول شعليه و دقيقه اكول لو ماهوه جان احنه هم ميتين ضليت اخابر على غيث بس ماكو تخطيه يمهم بقيت حايره بين اكول لابويه راح يسالني الف سوال و بين اكول للشيخ هم احسها صعبه بقيت ساكته من رجعت من دوام خابرت هبة الله عسى و لعل هيه تحجي و تكلي بس جان صوتها عادي ماعرفت شنو اسوي رحت غيرت ملابسي و رحت كعدت يم بيبي يالي جانت كاعده تقراء قران سالتني ليش ما اكلت كتلها مالي نفس بقيت كاعده لحد ما اتصلت بيه ريحانه و هيه تبجي حتى صوتها رايح لزمت كلبي و حجيت ــ ريحانه فدوه شكو بس اهدئي اشويه
ـ تعالي........ تعالي
ـ جايه هسه دقائق

بيبي سالتني كتلها ـ بيبي ريحانه جايه تبجي مدري اشبيها رايحه يمها اني
ـ دوكفي اجي وياج

سدت القران و باستها و خلتها بمكانها و اني خليت الحجاب على راسي و كلبي يدك الف دك وصلت يمها شفتها كاعده تبجي و عمتها تسكتها

ـ ريحانه شكو... كافي بجي والله وكفتي كلبي كافي

انطتني ورقة بيها امر فصل غيث اذا خلال ٣ ايام مرجع للدوام ضربت على وجهي يعني بعد ماكو خبر عنهم يمه

ـ كلي رايح للدوام و هسه جابولي هذا...... وين راح... راح يكتلني هل ولد و يرتاح......... ولج عمه مجاي يرد عمه راح وليدي اخ يمه

ام علي ـ فدوه كافي هسه ليش تحجين هيج ان شاءالله زين و يرجع كافي بنيتي

ام عمار ـ اي يمه كافي امشي نروح لابوج و الشيخ بلكتي يعرفون شيء

لبوه - اي يلا كومي اخدج

لزمتها من ايدها لبستها العبايه مالتها و اني لبست مالت عمتها و اخدتها و عمتها و بيبي بقوا بالبيت دخلنا للبيت و هيه بعدها تبجي امها جانت كاعده من شافتها اجتلها ركض و هيه تسالها دخلنا لاستقبال
الشيخه كلهم اجتعموا و هيه صارت تحجي اخوها ابو ياسر هم جان موجود بسرعه كال

ـ بس لا رايح ويه ياسر للموصل
ريحانه ـ يا موصل فدوه رجعولي وليدي و الله مالي طاقة يروح هو الثاني من ايدي
الشيخ ـ كافي ريحانه ماكو شيء ان شاءالله .... خابروا ياسر لو ثائر لو واحد من الشباب

كل واحد بيهم صار يخابر من جهه و هيه سكنت شويه بس كلهم جانوا يكولون نفس شي ماكو رد كالوا نتظر لليل اذا ماكو خبر شيء احمد يطلع وراهم يشوف شنو صاير هناك