Dil e Nashad

chapter 1

Zindagi ka ak naya din . Kisi ke leye khushi ka sabab banna tha or kisi ke leye takleef ka dhuk ka . Kehny ko ak naya din tha magar wohi guzry hove kal ki yadain wohi khof wohi nadamat .kash nai din ke saat chala jata un purani yadon taklefon ko piche chor deya jata pichle hi dino main . Magar ye sab kehna hi asan hota hy karna nhi...

Suba k 7 . 49 ho rahy thy . Aaima so rahi thi . Wo soty hovy kisi hoor sy kaam nhi lag rahi thi . Uski bhari bhari anhky abi band thien . Or kuch baal usky chery par thy .Kuch he dair main bed k paas pary mob par ak alarm bajny laga tha . Aaima ghabra kar uthi thi or furan apny mob ko dheka tha jis py bhara bhara 8 :00 am likha hova tha . Aaima ny jaldi sy alarm band keya ...phir bed sy uth khari hovi . Ab wo apny silki ballon ko ak poni main band kr chuki thi . Kuch dair main wo taiyar be ho chuki thi . ab wo bhagty hovy apny kamry k paas waly dusry kamry k darwazy par aa khari hovi thi .us kamry ko dhek kar ak muskhurahat ny usky chery par khud apni jaga bana li thi . Usny aram sy us darwazy ko khola or phir apni bhari bhari ankho sy andar jhankny lagi . Bed par koi nhi tha .

" maa ap hamesha muj sy phely uth jati hy or yakeenan nichy mery leya nashta be taiyar ho ga . "

Aaima ki wo muskhurahat ab or gheri hovi thi . Wo ab nichy ki taraf gai thi . Tab uski nazar dinning table par pari thi . Or jasy usny socha tha wasa he hova tha . Usky leya nashta taiyar tha .

" Asalamu alikum maa"

" walaikum asalam beta"

Zainab ak bhoot naram dill ki malik thien . Or apny shuhar ke wafaat k bad unka sara kaam zainab ny sambhala tha . Zainab ki jaan thi aaima or aaima ki jaan uski maa zainab .

" maa ap ny kiu nastha banaya or amna aunty kaha hy ? "

Is ghar main bas aaima or zainab he rhety thy amna inki house maid thien. Wo har roz suba 6 bajy aa jati thien or ghar ka sara kam kar k raat ko 10 bajy chali gatien thien .

" beta wo mujy kaal bata kar gai thien k wo aj late ay gi is leya aj many nashta bana leya . Or baas aati he hon gi wo . Ap bheto or kaho. "

Aaima ny ak nazar dining table par dali or dusri nazar waha par pari ak tukri par jis main apple rhakhy hovy thy. Aaima ny waha sy ak apple utha ya or ab usko khany main masruf ho gai thi. Aaima ussy bhot jaldi main kha rahi thi .

" Aaima beta aram sy khao or sat main juice be lo "

" nhi maa ma aa kar kahu gi abi to Apple he nhi khaya ja raha muj sy sahi tarha . Or maa ap to jaanti hy na ma aj late nhi hona chati ."

Aaima ya khe kar . Apni maa k paas aa khari hovi thi . Or ab zainab ka haat apny haat main leya tha .

" maa ma select to ho jau gi na ?? "

Aaima apni maa sy kisi bachi ki trha poch rahi thi . Wo asi he thi apni maa k samny wo hamainsha bachi ban jati thi .

" beta ap apny allah par yakeen rhako jo be ho ga achy k leya ho ga . Hy na apko apny allah par yakeen ."

Zainab is sawaal ka jawab janti thien.

" maa khud sy ap sy or puri duniya sy be zada. "

Aaima ny ab bhoot pyaar sy apni maa k haato ka bosa leya tha or zainab ny be usky sir par bhot payar sy apna haat rhakha tha .