فرحي يا لاله وسعديه لاله زوجت وليدي وحيدت الوم علي الاغنيه الشهيره الاعراس المغربيه ولكن اليوم دارت نهار سبعه ايام النهار اللي كاين في الثقافه المغربيه النهار اللي تايحيدوا فيه الحزام العروسه طبعا .
ويلاه معايا دابا نرجع لعروسنا ليالله فقت من النوم هذا النهار ولا شيء عندها هي حيث اصلا هذا النهار ما كيعني لها والو و مفرحاناش به .
ناضت عروستنا من الخميره كي قالوا شي ناس وهذه المره ناضت فرحان شويه حيث اليوم يقدروا يشرفوها والديها من بعد ما نساوها خلاوها كيف قالوا" نهار دفنوه ما ولاو زاروه " توجهات هذه المره نيشان الحمام اللي كاين في غرفتها ودخلت ضربها بواحد تدويشه من العرق ديال البارح واخا ما دارت البارح والو كيف معروف في المغرب العروسه كملت سبع ايام ما خاصها دير والو حيت كايقولوا خاصها تبقى جالسه باش تحمل ولكن من نكروش بلي هاديك غير هضره ما خاصناش نتبعوها هي بصراحه كاتنفع العروسه من الشقا واخا غير هذيك السبع ايام المهم ما علينا خرجات عروسنا من الحمام ملويا عليها الفوطه ونسات ذاك اللي باقي ناعس وهذه المره ما داتها عن قصد حيث عارفاه باقي ناعس وما غاديش يشوفها حيت الليله ديال البارح خلاتو ناعس دوده ومحال ما يفيق حتى ل5 بالعشيه ودابا باقي الحال يا الله 12 ديال الظهر نشفات راسها مزيان بالفوطه ودارتلك يا لاله واحد الكريم كايرطب الجسم ودارت لك واحد الرويحه حتى هي ديال الجسم كتخليه فيها ذيك الريحه النهار كامل وناضت لبسات واحد دو بياس الاحمر واحد دوني بيرميدا بيض فوق منهم واحد القفيطين ديال جوهره البلونكاسي فيه شويه العقيق مع الرانده مشهوره في المغرب وسرحات الشعر ودارت واحد الفولار في لون الذهبي مثل لون العقيق المتواجد في القفطان ودارت لك نعم الاله واحد الكحيله وجبدات لك العوينات مزيان كيف دارت لك عكيره خفيفه اللي بينات لها الشفايفها العراض والمنفوخين محتاجتش تزيد المكياج حيت اصلا جمالها مايحتاج قادات م
و زوقات ورجعت بحال شي ورده مفتحه ومشات الماريو وهزات خاتم المارياج وسنيسله من اللي جابو لها في الجهاز كانت وسط منها واحد العماره على شكل الايه القرانيه ودعتها على عنقها وهزات واحد البراسلي حتى هو جابوه لها ولبسات اخر حاجه اللي هي شربيل مغربي اصلي مطروز بحرير الدوده المذهب وتنفست بعمق وحلات الباب ديال البيت اللي ولا ديالها وتفاجات بداك الكم الهائل من الضيوف اللي جالسينو كيتسناوها غير وقتاش تخرج دورات عويناتها في الصالون اللي مبقاتش فيه بلاصه خاويه من غير البلاصه المخصصه لها تتقلب على امها ولا اختها ولا شي واحد كاتعرفه وما لقاش حتى واحد حسيت براسها وحيده شي واحد البلاصه ما كاتعرف فيها حتى واحد نسات باللي هي اللي اختارت نساهم من بعد ما داروا فيها هذا الشيء بقات كاتامل حتى لمحاتها عجوستها اللي غير شافتها وهي الطار بالفرحه حيت عروستها ما حشماتهاش مع الضيوف اللي هدرتهم مكتسالاش وكايتسناو غير اللحظه اللي غادي يتشفاو فيهم مزيان وبالاخص حيت عائلت رجلها معروفي والغلط ما مسموح فهذا العائله توجهت لاله سميره العند عروستها ووجهتها قدام العديان لبلاصتها
