البارت 13
الكاتبة: روح ♥️
سمر،،، عافها تبجي وصعد
حجي حامد،،، سمر. تعالي وراي
سمر،،، مشيت وراه للغرفه كعدت ومدنكه راسي
حجي حامد،، ششوفين الي سويتيه صح
سمر،،، لا غلط
حجي حامد،،، واذا غلط شلون تمشين بيه
سمر،،، دنكت
حجي حامد،،، امشي صعدي لرجلج اعتذري منه
سمر،،، حاضر
صعدت للغرفه مالكيته رحت لمكتبه لكيته مخلي كتاب ويقرا
طبيت مدنكه وافرك بيدي
أسد اني اسفه والله ماقصدي شي بس كسرت خاطري لان ماتكدر تتواصل وياه
اني احجي وهو ساكت
أسد،،، اذا كملتي حجيج طلعي وسدي الباب
سمر،،، طلعت من الغرفه ابجي ضليت ابجي لحد ماغفيت
كعدت الصبح لكيته طالع للشغل
نزلت حضرت الغدا وخالتي سميه
ماعافتني اذبلي حجي
حضرت الغدا ونور بغرفتها ماطلعت
رجع أسد من الشغل صعد للغرفه ، رحت وراه
اصبلك غدا ، ساكت مايجاوبني
بدل ملابسه ونزل لجوه
أسد،،، يمه غدا جوعان
سمر،،، عفته ورحت لنور دكيت الباب ودخلت
شلونج
نور،،، تعبانه
سمر،،، حقج
نور،،، ورطج وياي
سمر،،، لاتكولين هيج
نور،،،، العصر يجي وليد هو وامه وامج
سمر،،، خير نشالله
نور،،، ضايجه مني
سمر،،، ضايجه من أسد مجاهلني وكأنو ماموجوده كدامه
نور،، اوووف ياربي كله بسببي خربت الدنيا
سمر،،، رحت انام شويه
نور،،، كاعده افتر بالغرفه كدما يقرب الوقت للعصر احس نهايتي قريبه
سمعت صوت سياره باوعت من الشباج لكيتهم وصلو ركضت لسمر
سمررر سمرر اكعدي اجو
سمر،، ماشي كايمه
بدلت ملابسي
وضلينه واكفين بالطابق الثاني اني ونور
نور،،، دخلو رفع راسه وليد وباوعلي بنضره مراح اعوفج
دخل أسد ولزم من ياخته وركعه بوكس
أسد،،، هاي لان اعتبرتك اخوي وأمنتك على بيتي
دفعته، ، طب الحجي يريدك
رفعت راسي لكيتهن واكفات خزرتهن وصحت بيهن طبن لجوه
وليد،،، سلام عليكم
حجي حامد،،، وعليكم السلام فوت وليدي
وليد،،، ضل جدي يسولف ساعه يرزل ساعه ينصح واني مدنك من الفشله
حجي حامد،،، وهسه بعدك تريدها
وليد،،، اي جدو ااحبها
حجي حامد،،، ماشي
وليد.،، وأسد موافق
حجي حامد،،، أسد معتبركم ميتين
وليد،،، دنكت راسي ضايج، ، استغفر الله ربي
حجي حامد،،، جيب عمامك الجمعه وخليها تفض
وليد،،، وخالي رعد ماموجود
حجي حامد،،، رويعد الفسيد مسافر
سمر،،، دخلت امي سلمت عليها ونفس القوانه هم رزاله معدله
يمه كافي اروحلج فدوه ياهو الي يجي يرزل بيه
فاطمه،،، ييي مو احنا متبلين عليج غير من وره سوالفج
سمر،،، استغفر الله
مرت الايام صارت مشية نور حضرو ناس كبار هواي
نور جانت طايره من الفرح ساعه تفرح وساعه تبجي لان أسد مايحجي وياها
حددن النسوان موعد العقد
راحت نور للصالون لبسوها فستان بسيط اجت للبيت طالعه جنها باربي كملت شغلي وصعدت احضر نفسي لبست فستان كصير ومكيجت ورتبت شعري
طب أسد للغرفه ضل صافن بوجهي ويباوعلي من فوك ليجوه
محتاج شي ?
أسد،،، لا
سمر،،، طلع من الغرفه واني نزلت لجوه ،، جابو السيد عقد الهم دخل وليد كعد يم نور باس راسها
وليد،،، تقربت منها وكتلها
احبج
نور،،، ههه واني اموت عليك
سمر،،، جانو فراحنين كلش وكلساع بايسها هههه والنسوان تضحك عليه
خلصت الحفله واني اعزل
وليد،،، رايح كلبي مخليلج موبايل بالهديه الي جبتها شحنيها واتصلي بيه
نور،، ماشي
باسني وطلع
صعدت لفوك ابدل
سمر،،، صعدت بدلت ملابسي ونزلت عزلت الغراض وكنست الصاله
كملت الشغل صعدت لكيت أسد كاعد
اصبلك عشا
أسد،،، لا
اخذت علاكه من الكنتور ورحت لغرفة نور دكيت الباب
نور،،، تفضل
أسد،،، دخلت وماباوع بوجهه
مبروك
نور،،، الله يبارك بيك
أسد،،، فتحت العلاكه وطلعت كلاده ذهب
هاي جنت ضامها الج كلت اختي حبيبتي بنتي تربيتي الي مراح تكسر ثقتي نشالله من تزوج البسها الها
نور،،، دنكت كملت ابجي وهو يلبس بيه الكلاده
الله يخليك لاسوي بيه هيج والله حتى مافرحت لان انت ضايج مني اذا ماحاب هالخطبه والله مستعده انهيها اهم شي رضاك
أسد،،، رضاي? مافكرتي براضي من مسويه سمر مرسال هذيج جاهل انتي شنو
نور،،، اسفه
أسد،،، بست راسها
نور،،، أسد
سمر خطيه والله مالها ذنب
أسد،،، الله كريم
دخلت للغرفه لكيت سمر تبجي
صبيلي عشا جوعان
سمر،،، كمت امسح بدموعي
ماشي
حضرت اله العشا وصعده لفوك
أسد،،،، متعشيه
سمر،، لا
أسد،،، كعدي اكلي
سمر،،رجعت الامور طبيعيه بينه نور ملتهيه ويه خطبيها بدت السنه الجديده رحت للرابع علمي
طلعني أسد اشترالي ملابس وتعشينه براا
كمت اتعلق بيه واحبه حيل ماعرف يمته وشوكت وليش رغم هو معقد وعصبي حيل بس من اشوفه راحه نفسيه
كعدت الصبح اول يوم اليه بالدوام جنت متحمسه حيل بدلت ملابسي ونزلت احضر ريوك
نزل أسد وراي تريكنه وطلعنه وكفنه باب المدرسه
أسد،،، يلا شطوره انزلي
سمر،،، هههه شبيك لاتحجي هيج يكلك اول ابتدائي
أنت تقرأ
حور عينيها
Romantikورده،،، يمه بس فهميني شمسويه ام ورده،،، ماتعرفين يالحيله تتختلين ويه الرجال وسوين نفسج ماتعرفين ورده،، من سمعت هالحجايه نفضت روحي وكمت عزاااا يارجال يمه شجاي تحجين ?
