رواية لبوة ثائر
للكاتبة M. A. M
البارت 11
أذكر بأنها رفضت مصافحتي أمام الآخرين، وظلّت واقفةً على بعد خطوةٍ واحدة.. بدافع الخجل -أدركت حينها- بانه قد يكون أجمل رفضٍ تلقّيته في حياتي.
༺༽لبوه༼༻
بعد مخلص الدوام قررنا نطلع اني و ساره نروح لسوك اني محتاجه كم شغله وهيه على واهس كالت اجي وياج بس قبل منطلع صار تغير بجدول الدوام على حظنا الحلو الرمضان كله صار دوامي من ٩ بلي بليل لساعه ٤ الفجر نفس شيء اني و ساره طلعنا من مستشفى و رحنه لسوك اشترينه اغراض بعدها هي لزمت تكسي لانو بيتهم بغير منطقه و اني هم لزمت تكسي ثاني و رجعت و نفس شيء من نوصل للمنطقه انزل و اكملها مشي شلت الجنطة بجتفي و علاليك بيدي قبل لا اوصل لبيتنا جان اكو مجموعة شباب كاعدين بطريق نزلت راسي و مشيت من يمهم بسرعه عبرتهم رفعت راسي شفته يمشي كدامي هو و احمد احمد منزل راسه و يمشي و يحجي بس هو يباوع بعصبيه مبينه علي هذا شيء اووي
وصلت لباب فتحته بسرعه و دخلت
نازك ـ هلا ماماتي
ـ هلا ماما
ـ تاخرتي هل يوم
ـ رحت لسوك اشتريت هذني و اجيت
ـ زين روحي بدلي و صلي و نامي اشويه حتى بعدها نبدي نشتغل بالفطور
ـ ان شاءالله بس بابا و بيبي وينهم
ـ ابوج طالع يم الشيخ و بيبتج تعبانه راحت تنام
ـ اروح اني هم
༺༽هبة الله ༼༻
امتحانات نصف السنه على حظي اجت برمضان انوب سادس و التعب ماينوصف اول يوم امتحان جان وياه اول يوم من رمضان جان عندي امتحان جغرافيه الحمدلله جانت اسئلة سهله كملت و سلمت الدفتر و طلعت.... اشوية و طلعت جوليا
ـ لا تكولين مجاوبتي هبه ترا اسئلة تخبل سهله
ـ اي صح هاي خلصنا من واحد
ـ لا تخافين هسه كلهم يخلصون بسرعه تعالي سويلي ظفيره هنديه مادام كاعده
ـ اي تعالي
كعدت بالكاع و هيه كعدت كدامي و بديت اسويلها ظفيره هنديه طبعا جوليا صارت صديقتي الوحيده بالمدرسة وصلت لنص ظفيره اجت لي ابنيه و كالت
ـ انتي هبة الله
ـ اي
ـ اخوج ينتظرج برا يكول اذا مكمله خل تجي
ـ اي هسه دقائق
جوليا ـ اذا اجا عوفي شعري و روحي لا يعصب عليج من ورايه
ـ لا هسه كملت بس هاي و اطلع
ـ تمام
كملت الضفيره طلعت حلوه عليها
ـ والله عاشت ايدج عليها
ـ ههههه يلا اروح انه هسه احمد منتظرني
ـ دوكفي اجي وياج اوكف يم الباب انتظر ماما
ـ جا امشي
اخذت الكتاب مالتي من الكاع و مشينا جان توكفنا ابنيه اعرفها هاي هم سادس بس علمي جانت ويانه بالثالث
ـ اكلج حبي
ـ كولي
ـ هذاك الولد اخوج
باوعت على المكان يالي تباوع علي جان واكف عمو ثائر و احمد بس هي تباوع على عمو ثائر طبعا الصراحه عمو ثائر احلى من اخويه احمد لانو هو جتافه عريضه و عنده عضلات مع انو هو واحمد نفس طول بس يكولون عمو ثائر يشبه الشيخ عذاب بعد غير جده
أنت تقرأ
لبوة ثائر
Mystery / Thrillerفتاة تهرب من بين يد الارهاب﴿داعش﴾ لتقع بين ايدي ﴿رجال عشائر﴾ وتكون اسيره لعادات وتقاليد لا علاقة لها بها #لبوه..........
