عيونها

البارت الثاني

عدت الايام عادي بس الي ختلف انو علاقتي بالشاب الي تعرفت علي صارت كلش قوية صرت اعتبره اقرب شخص الي من بعد صديقتي مريوم.

عدت شهور على بداية السنة و وصلنا اخر يوم من الامتحانات مالت نصف السنة جانت متعبة بشكل كلش جبير لان وزاري وصعبة المواد
خلصنا وبطريق الرجعة اني واختي عبير ومريوم وصديقات عبير جنا راجعين سوا ومقررين نروح لمطعم حتى تكون اخر مرة نلتقي بيها قبل العطلة طبعا بعد عناء لإرضاء الوالدة لان متقبل نلطع تخاف علينا المهم طلعنا وتونسنا وبعد مرجعنا للبيت اني وعبير شفت انو باب البيت مقفول والبيت مجان بي احد لان بقينا ندك بالباب ومحد يفتح لحد ما طبكت سيارة يم الباب نزل منها ابن عمي سامر وكال امشو وياي عالسريع اني وعبير بقينا وحدة صافنة بوجه الثانية خير شكو شصاير
عبير :شبيك سامر وين نروح اهلي وين شنو صاير
سامر :امشي وتعرفين شصاير بس فضيني بلا حجي زايد
بعد محاولات انو نفهم شنو صاير مجان اكو امل فركبنا ويا سامر بالسيارة ورحنا لبيت عمي وهنا الصدمة ....
سامر :هلو اني سامر ابن عم ميس وعبير عمري 24خريج صيدلة وحاليا موظف رجعت من دوامي واشوف هوسا يمنا بالبيت كل الكرايب ملتما خيركم شكو محد يرد رحت لامي يوم خيرج شنو صاير
امي :يما عمك خطية برجعته من دوامة عيوني مغوشة وهو ويسوق صاير وياه حادث وداعم سيارة والي بالسيارة هسا حالتة خطيرة وبالمستشفى وعمك الحمد لله جروح خفيفة بس المشكلة الولد طلع ابن شيوخ واهلة ناس كبار ومدا يقنعون بانو ندفع ديا ونسد الموضوع مدري شيريد يبعد امك هسا منتظرين ابوك ونشوف شيكول
سامر :يوم وين بنات عمي
امي يوم بنات عمك جانو بالدوام وميعرفن بالصاير وامهم بس سامعة بالصار قافلة البيت وجاية روح جيبهن خطية يبقن لحالهم بالشارع
سامر :صار يوم ربع ساعة واجيبهن
سامر :بعد مسمعت الي صار كلبي نغزني وخفت على بنات عمي لان بمنطقتنا ماكو تفاهم واعرف بيهم يحبون ابوهم كلش هواي لا سامح الله اذا صارلة شي يتاذون واني بصراحة من جنت مراهق عيني على ميس وكلش احبها احس كبرتها بروحي وجنت مقرر انو بس تخلص سادس اعترفلها وبعدها اذا حبتني نخطب وكلشي يصير كدام اهلي لان اخاف عليها بعدها صغيرة اني هيج اشوفها كلبي من الدنيا هيا
رحت الهم وشفتهن وجوهن حمر على صفر المهم طلعن بالسيارة واني الطريق كلة عيوني على ميس صايرة، كاعدة بالمقعد الي ورا وخدودها حمر من الحر والخوف وتبجي بدون متعرف شنو صاير طحنت كلبي
سامر :سمر شبيج بلا بجي كلشي ماكو
ميس :شلون كلشي ماكو اهلي وين سامر وليش هيج انت اجيت علينا اكو شي احجي فدوة لتخلي كلبي يتكطع 🥺

سامر :اني وعصبيتي و الدنيا طالعة من عيني اشوفها تحاجيني وتباوعلي بذني العيون🥺وعيونها خضر يابوية متت شلون اخليها هيج كوبل حجيت كلشي بكلمة منها مكدرت اشوفها تعبانة .
انوب بس حجيت زاد بجيها اريدها تسكت ماكو واختها هم بس تبجي اني دخت من بجيهن طحنن كلبي وكفت السيارة ومخليت عاطفتي تبين وعطت بيهم :سكتن ولا نفس الي اسمع حسها استها هنا وبعد ما ارجع عليها واشوف البيها خير تحجي الا اطلع عيونها
اني حجيت هيج واشوفهن سكتن خطية بعدهم مصدومات من الي سمعو
المهم وصلنا البيت دخلن هنا يم امهن وصار اليل طبعا حيباتون يمنا ماكو طلعة من بيتنا قبل لا نحل الأمور .
ابوي هو الاخ الجبير وعمي هو الوسطاني
عندي عمام ثنين ابو ميس وأبو علي
واخوتي بنات ثنين حلا بعمر ميس وعسل بعمر عبير واخوتي ولد واحد حيدر عمره 25

المهم عدة اليوم مثل ماهو قلق وتوتر اتفقنا الكعدة تصير بأجر حتى نشوف مطلبهم ونخلص من هالقصة .
اني رايح جاي تصير سمر كدامي بالله تجنن هالبنية لبست تراك من اختي حلا اسود برمودة ونص يابوية شتعل شيب جدي تنكرط البنية شوفتها ترد الروح اصلا متنوصف من كد الترافة البيها انوب اغار عليها اخوي بالبيت وحتى من امها تحضنها اشتعل لو بايدي اسحبها من حضنها وأخذها لحضني هاي ام عيون السبت كلبي 🥺

ميس :مثل محجا سامر هذا كل الي صار وابوية بقا بالمستشفى لان يرادلة عناية مع انو جروحة خفيفة بس بقا هناك واني ببيت عمي اني وامي واختي وبنات عمي ابد مقصرن اصلا احنا كلش نحبهم وهما هم فعدا اليوم على خير بس الغريب انو نضرات سامر جانت غير بالرغم من عصبيته من اباوعلة فجأة اشوف غير شي بعيونة المهم نمنة وخلص اليوم واجة اليوم المشؤم يوم الكعدة
راحت الزلم ورجعوا ويا ريت ما رجعو خلي سامر يحجيلكم الي صار لان كان وياهم حتى تسمعون مثل مسمعت اني
سامر رحنا للكعدة اول مفتنا استقبلونا ورحبو بينا بفرض انو احنا ضيوف عالرغم من انو جانت وجوهم ثكيلة لان ابنهم حالتو خطرة وبالمستشفى
الشيخ مالتهم حجا انو يريد فصل والفصل انو ياخذون أربعين مليون وفصلية أو ينكتل عمي هنانة كبت العيطة بس ما باليد حيلة جاريناهم ورجعنا عالبيت واني عيوني على ميس الي هيا بنت كلبي شلون هيج ربي حطيت حبها بكلبي وهيا تصير لغيري لا والحسين لو مدري شيصير ما عوفها هاي مالتي بنت روحي حبيبتي وعزتي
هذا الي صار باختصار التكملة بالبارت القادم🥺⁦❤️⁩