عيونها

لاشيء سوى الحقيقة

للكاتبة :ايلا .🦋

ميس :عدت اشهر على وجودي ويا عمر واهلة   كلها ايام عذاب وشغل وسب وإهانة وأقل إهانة جانت كلمة فصلية كلش جانت تاذيني

عمر جان بس داخل الغرفة زين وياي مخليتة يتقربلي لان من نصير برا الغرفة ينكلب غير انسان متوحش حقير لدرجة انو يضربني كدام اهلة والشيخة ابد مقصرت حالها من حالهم سب وإهانة .

اني جنت اوقات اريد اخابر سامر بس اتذكر كلامة اخر مرا شفته واكول لا نكسرت بما فيه لكفاية ارجعلة مسكورة !؟

بيوم الثنين ساعة وحدة الضهر الكل موجود سويت غدة والجناين كاعدات محد يمد ايدة بشغل البيت لان الشيخة مانعتهم .

رجع عمر تغدة وكمل وباوعلي امشي وادوخ لان تعبانة وهوا بلش يبزع لان مدا اسمحلة يتقربلي بسبب تصرفاته

عاط بيا كدام اهلا :شبيج متعرفين تمشين شيلي الاكل وسوي جاي عالسريع يلا الشيخ كاعد

سكتت عنة ومشيت سويت مثل مكال وغسلت الماعين بين مصار الجاي صبيتة و وديتة واسمع الشيخة تسأل عمر اذا صار شي بيناتنة وليش اني امشي بتعب من الضرب لو حامل !؟
نصدمت بقيت ساكتة لحد ما  صوت صوت الشيخ يكول يلا يمعودات وين صار الجاي ورانا شغل

باوعت هو وين اكو احد بالمطبخ غيري كل وحدة ويا رجلها بالغرفة والي ما مزوج كاعد يم الشيخ و وياهم عمر والشيخة فتت عالسريع وزعت الجايات وعيوني على عمر وهوا يباوعلي وشرب الجاي وكلي كدامي طلعي هدوم الي اريد اسبح رحت عالسريع طلعت الهدوم وانداريت شفت عمر وراية

باوعتلة زعلانة منة محاجيتة دا امشي مسك ايدي وكال :ميس دا احاجيج وكفي باعي اني احبج اي كتلج راح ادللج اي بس ذاك الكلام قبل لتصير تصرفاتج هيج وياي صارلينة اشهر متزوجين ومصار اي شي بيناتنة انتي مرتي بس كدام العالم شكول لأهلي اذا كالو وين جهالك ليش مصار عندك اطفال لحد الان ؟!

باوعتلة ونزلت دموعي :عمر دتشوف نفسك شلون دتعاملني باوعلي بس ضرب وإهانة اني قبلت اصير فصلية لان عبالي حتصيريلي امان بس انت طلعت اكبر غلطة بحياتي

باوعلي عبالي راح يحضني اشو هذا اخذ حزامة ودك كتل طلع دمي فقدت مكدرت اتحرك خلص كتل ودفعني كلي كومي يالفصلية انعل******ساقطة حالج حال اي خدامة مو صوجج صوج الي يحترمج من اليوم وجاي هذا اسلوبي وياج

وهذا كلة واني بالكاع محد يطلعني من بين ايدة لان هما يستمتعون بعذابي

بقيت على هاي الحالة ومرت سنة ونفس الوضع وبس يزيد الالم والوجع وعمر صار يعتدي عليا بالضرب وبهواي طرق 🥺😭بس المن اشكي

صافنة بنفسي الغرفة ضلمة واني متمددة بالسرير اتذكر شسويت وشلون اجيت برجلي لهنا لو باقية يم سامر مجان وضعي حيكون اسهل ، بس بعدين صفنت وتذكرت أبوية الي عافني ولا سال عليا وامي هسا شلونها وضعها شلونة واختي عبير صديقتي مريوم امتحاناتي الي راحت عليا السنة الي ضيعتها على نفسي بغبائي ونتيجة أفعال غيري .

احنا بمجتمع اخر من يحقلة يتكلم البنية ودائما الي يجيب بنات يصير عالة عالمجتمع ومن كثر ضغط العالم عليه يصير كل همة يزوج البنية على الرغم من صغر سنها واذا جان الاب زين منتخلص من واقع مجتمعنا الي بعدة متمسك بعادات جهلة مع احترامي للكل بس اكو اشياء صار لازم نلغيها باي زمن احنا وبنية تروح فصلية تتعاقب على شي هيا مسوته ليش عدنا دستور وعدنا قوانين حمورابي اذا هيا متطبق ليش هيج واحنا أهل العلم والمعارف ؟!احنا الي مفروض هسا نكون افضل دولة بالعالم ومتطورين حاليا دنشوف بنات مقتولة بالشوارع باسم الشرف باسم الفصل تحت مسمى تستاهل لان متستحي لان تصادق لان تغلط زين وك هيا غلطت الشاب ميغلط لو احنا نبقا نفرق ؟!

للحكاية تكملة ....
رائيكم يهمني كتبولي اذا عجبتكم القصة أو لا ؟!