عيونها

بعد كل صفعة في الحياة يوجد امل

للكاتبة :ايلا.🦋

ميس :بعد مرجعت لبيت اهلي ثاني يوم وصلتني ورقت الطلاق طبعاً لحد الان عمامي وبقيت الأهل ميعرفون برجعتي .

عمر :بعد مرجعت ميس لأهلها فقدت السيطرة على نفسي بعد حتى مبيا حيل امشي خسرت كلشي بايدي كلشي راح خلص البنية الي حبيتها بايدي كسرتها اي كسىتها حرفياً جسديا وروحياً ، رجعت للبيت واهلي ملتمين اول مفتت ستلمتني الشيخة :
وينها الفصلية احجي وين وديتها وشلون تطلع بدون شور الكبار احجي لك فورت دمي الله لا يرضى عليك هيج بكل سهولة تعوفها وهيا الي ابوها يكون جتال اخوك ؟!وسفة عليك يا ولد بطني عساني ميتة ولا شايفة هذا اليوم ...وبقت تصرخ وتحجي وتبجي واني فاقد ماكدر حتى ارد
هيا تسكت والشيخ يكمل واخوتي واحد ورا اللاخ حتى اخوية الصغير حجا وكلهم على حجاية وحدة (هاي الي ابوها كتل أخونة الصغير اخوك احمد لك بعدة مشايف من حياتة شي شلون هيج كلبك نطاك ورجعتها الهم بهالسهولة ؟!

واني هنا متحملت فوك ضيمي كللهم هيج يحجون حتى الجناين يحجن شبيهم ذولة؟!
عطا بيهم :سكتو الله يخليكم سكتو خلصتو كلبي ضيعتوا تعبي ضاع حبي نطحن كلبي كلة بسبب عادات قديمة ياخي حترمتكم شوفو لي وين وصلت ؟!ضيعت حياتي بسبب فصل حتى الله ميرضاها طلعت حق دم اخوي من جسد بنية صغيرة كلشي مشايفة بحياتها وكسبت خطاتها ولكم عيونها الخضر الي جنهم بستان يرد الروح بجن دم من وراي شتردون اكثر ها فهموني شتردون ؟!

خلص اني مسافر وانسوا اني ابنكم ومالي رجعا للعراق ولا اريد افوتة بعد وهذا اخر كلام ودعتهم ومكدرو يحجون شي وسافرت لأمريكا ولهنا و أودعكم وقبل لا روح نصيحة لكل شاب ولكل بنية أن حبيتوا حبو بصدق اني حبي جان عالنت بس لمن خسرتة تدمرت حياتي رسمي ماكدر بعد احب ولا ازوج ولا اكون عائلة الي جنت اريدها تكون أم اطفالي جنت اعذبها بايدي ، احمو الي تحبو واذا غلط هواي اغلاط احتضنوا ولا تخلو يدفع ثمن شي هو ممسوي ولا تعوفون الي تحبوا لو مهما صار وياكم 😔🥺.

ميس :بعد موصلتني ورقت الطلاق خابر ابوي على عمامي وفهمهم على الي صار وفهمنا انو كلهم جايين يشوفوني وراح نسوي عزيمة عشة للكل ببيتنا .

حضرنا كل شي وبدو عمامي يجون ماما وعبير حضرو نفسهم بقيت اني فكتلها لماما حروح أرتب نفسي وانزل فكالتلي روحي .

طبعاً اني خزانتي جانت مليانة فساتين ابد مجانو اهلي حارميني من شي فساتين وبناطيل ومحد يتحكم بشعري ولا بلبسي اي للبيت فستان اسود ضيك لي تحت الركبة وصدرة مربع مفتوح والردن اول نفش كلة اسود بس بسيط وشعري بس فتحتة ومشطتة هوا سرح اسود وكلش طويل وحطيت شوي مكياج تعطرت بكل انواع العطور العندي اريد انسى كميت القرف الي جنت بيها كل ما اشوف نفسي بالمرتبة ارجع ابجي المهم رتبت واباوع طلع أجنن كرصت خدودي وكلت لنفسي فديت نفسي 🥺😂🤭