عيونها

بداية حياة.🦋

للكاتبة :ايلا.🦋

ميس :من اليوم راح ارجع لحياتي القديمة الي كلها حب وحنان واهتمام وخوف من اهلي .
كعدت الصبح ساعة 10 تعبانة لان البارحة تأخرنا بالنومة لحد مراحو عمامي المهم اول مفتحت عيني تذكرت سامر والي صار  وياي البارحة فرحت بس اجت ببالي كلمات عمر نفسها وهم رجع نفس الخوف بس كلت لهنا وخلص التفت لدراستي اريد احقق الي ببالي حلمي وطموحي كمت سبحت مشطت شعري ونزلت

صباحكم
بابا :صباح النور يا نور عيني تعالي يبعد ابوج تعالي يمي خلي اشبع عيوني من خضار عيونج 🥺

ماما:لا عيني لا تعالي يم امج خلي اشبع منج

عبير سمعتهم وصاحت :اي تعاركوا بعد تعاركوا واني شنو هنا رجل كرسي محد يكلي تعالي يمي

ميس :خربت ضحك على عبير وكتلها :اي عيني اني اهم اشوف وخري من طريقي ، ورحت لحضن بابا جانو كاعدين عالسفرة حتى يتريكون

وكعدت اتريك وياهم
تذكرت المدرسة وكلت :احم احم باباتي 🥺😂
بابا :عيون باباتج كولي بيتي شرايدة

ميس :بابا مدرستي شلون راح ارجعلها ؟اني العام راحت عليا السنة بس اريد اكمل مبقة شي واروح للكلية هيا بس هالسنة🥺

بابا :طبعا تكملين ليش منو كلج راح امنعج يروح ابوج من بأجر نبدي باوراقج حتى ترجعين تداومين رسمي بس اريد اكلج شغلة وخليها حلقة باذنج انتي هسا العالم ينظرون الج غير نظرة مو مثل ما احنا نشوفج العالم تشوفج نقطة سودة لان هسا انتي مطلقة بنيتي اني ما قاصد ااذيج بحجيي بس اريد تكونين واعية للي حتمرين بي احنا بمجتمع قاسي ميرحم اريدج تصيرين قوية حتى تتخطين هيج نماذج متخلفة تمام بابا ؟!
ميس صفنت وشفت عيون امي الي بيها بجية نقهرت بس كلت صح كلامة لبابا هيج حيصير بس اني اقوى من هيج شي بتسمت بوجهة وكتلة تمام يروح ميس 🥺
كملنا ريوك وكان بابا لدوامة بقينا احنا بالبيت
كاعدين وجان عبير اجت عليا 
عبير :لج ميسو هاج الفون مالتج خطية هاي مريم الظاهر سامعة بيج رجعتي ومن الصبح كومة رسايل دزت أخذي ردي عليها
ميس :يا خطية جيبي جيبي
اخذتة وفتحت الماسنجر كومة رسائل من مريم بس منها لان اني مجنت اراسل أحد بس هيا
المهم حاجيتها دزيت وبعد خمس دقايق ردت

مريم :لج ميس راح اتصل وك
ميس :وك يلا
ميس :خطية مصدومة تريد تتأكد أنو اني دا احاجيها كوبل دكت عليا وفتحته

مريم :لج ميس احجي خل اسمع صوتج ولج من يوم الي رحتي فصلية واني كلبي عليج واريد اشوفج وماكدر كوليلي شلونج شخبارج أن شاء الله تكونين بخير ومماذيج
ميس :ولج مريوم حياتي مشتاقتلج كومة اريد احضنج واحجيلج الي صار كلة 🥺
مريم :يروحي اجيج العصر اذا معندج شي ؟
ميس :اي عفية تعالي معندي شي وكلش ضايجة خل اشوفج ونغير جو شوي
مريم :لعد سدي هسا بس يصير العصر اني عندج باي حياتي
ميس تمام تمام بس لا تتاخرين
مريم وك ما اتاخر باي ولج خل اتحضر
ميس 😂😂وك وك باي