عيونها

شيء من الخيال .🦋

ميس :رجعت لدوامي ومشت الايام عادي بس جنت اسمع هواي حجي من البنات الي بصفي حتى من بعض المدرسات خل احجيلكم موقف واحد من الي صار وياي يوم احد كاعدين اني وحلا وهيفاء ومريوم داومنا بنفس الصف لأن عدنا السنة سوا
فاتت شلة بنات وبقو يستون حجي الي وحدة منهم اسمها سارة والثانية كريمة
سارة :يول باعن على هاي ايييع مادري شلون متحملة نفسها فصلية وأبوها قاتل والها عين جاية تدور مستقبل وبقت تهز بايدها وتضحك
كريمة :اي عيني غير هيا عاجبها تجي تتموع كدام الشباب بطريق المدرسة بلكت واحد منهم يتورط بيها 😂😂
ميس سمعناها اني والبنات ورحنا الها كسرناها تكسير المتخلفة هيا وشلتها معدهم غير اعراض العالم يحجون بيها دا اضرب بسارة والبنات كل وحدة لأزمة بنية وتضرب بيها وفاتت المديرة وسحلتنا لمكتبها اني والبنات حجينا الي صار الها فهيا كالت :
خلص لعد انتو مالكم ذنب بالي صار بس مرة ثانية مو مسموح تتضاربون مثل الولد بالصفوف تجون الي واني اعرف اتصرف وياهم
هيفاء :تمام ست
كلنا سكتنا وجابت سارة وكريمة عتذروا منا وانطتهم فصل اسبوعين وجابت اهلهم كالتلهم علي صار ، رتاحيت اني بس هم نقهرت المهم عدت السنة على خير وصارت هواي شغلات (مراح اكتب كل الي صار لان القصة طويلة والبارتات حتصير كلش طويلة ومراح تأخذ حقها بالقراية )
خلص السادس ونجحت اني والشلة مالتي وقررنا نداوم بكلية المستنصرية كلنا سوا وكل وحدة بقسم شكل جنة
هاي الفترة كلها بقيت على تواصل ويا سامر الي صارت علاقتي بي اقوى واختة حلا صارت تشك انو اكو شي بيناتنة بس عادي لان هيا صديقتي مو بس اختة .
اول يوم بالكلية تحضرت ولبست ينطرون حصر اسود وقميس قصير شعري فتحتة غطة جسمي من فوك كلة وعيوني الي احبها حطيت الها مكياج خفيف اخذت الجنطة والفنون وطلعت
ماما :يلا بنيتي ابن عمج ينتضرج هوا والبنات انتبهي لنفسج تمام يمة؟
ميس بستها وكتلها تمام يروحي بباي وطلعت
اشوف البنات كلهن بالسيارة مالت سامر واختة حلا لي كدام كاعدة وياه شفتة بقا صافن ويبتسم واني والبنات الطريق كلة ضحك وصوتنة طالع
سامر قررت اني اوصلهن يومية طبعا حتى اشوفها لسمر كل يوم ولا يبقا بالي يمها طلعت من بيتهم جنها أميرة بس بنفس الوقت غرت عليها لبسها كلش ضيق واخاف احاجيها وتطنكر غلست وبلعت السالفة خليها لما تصير مريتي واني افهمها شلون اغار عليها.
عدت الايام واجة يوم التخرج من الكلية بيوم التخرج سوو حفلة للبنات خارج الكلية تجمعوا بيها كل الأهل