عيونها

ستصبح لي لم يتبقى الكثير

للكاتبة :ايلا.🦋

حلات النظرة بس من التحبه.🥺⁦❤️⁩

يوم الخطبة :
ميس :كعدت من الصبح اني وماما وعبيرو

عدلنالبيت وطلعنا للصالون حتى نتحضر

طلبت من الي تشتغل بالصالون مكياج غامق وحمرتي تكون مات حمره اريدها مثل الدم

بدت تشتغل بالمكياج مالتي وماما وعبير كل وحدة ملتهيا بنفسها هما هم جانو يحضرون مكياجهم

فتحت الفون واشوف رسايل من سامر جان دازهن قبل ساعة كوبل رديت كتبتلة :
هلا حبيبي توني فتحت ،  وينك؟!
هو مارد بقيت انتظرة مارد اصلا جان مشغول

عفتة شوي وشفت اجاني اشعار بس جان من الانستا من شخص ماعرفة فتحت شفت طلبات المراسلة تتوقعون منو جان ؟!🙂جان كسرتي جان عمر اي عمر الحقير الي كسرني
نصدمت وبقيت ارجف رفضت الطلب ورجع دز من غير حساب وافقت وكوبل هوا راسلني كتبلي ميس دا اموت ارجعيلي ماكدر بدونج ميس 🥺😔😭اني جنت غبي من خسرتج الله يخليج ارجعي والله ما ااذيج وانسيج كل الي سويتة

عمر :بعد مطلكتها لميس سافرت لأمريكا حتى انسا بس بلا فائدة سنتين حاولت انساها منسيت طلعت ويا نسوان ومنسيت كلبي وروحي وجسمي ميريد غير ميس حتى مخدرات بديت اخذ حتى انساها بس خلص مراح تطلع من راسي تدمرت صرت مدمن وحالتي حالة واهلي حتى مارد عليهم إلى حد ما صارت ثلاث سنين بيوم نايم ب شقتي بأمريكا واشوف اخوية الجبير علاء كدامي وعلاء شايط نار وعصبية
علاء :عمر كوم حضر نفسك بأجر طيرانك ترجع وياي للعراق ماكو بعد تبقا هنا وحدك ما كفاك الي سويته بأهلك عشكت بنت كتال اخوك وبكل كلب بارد رجعتها الهم عايشة لا والاضراب من هذا كلة هجيت من العراق كلة حتى تنسا وحدة فصلية اصحى ولك اصحى امك الشيخة ضربتها جلطة بسببك
عمر :بقيت صافن بي اريد احجي ماكدر تعب نفسي وجسدي بنفس الوقت من المخدرات الي اخذها هو شافني مدا احجي وشاف عيوني مبين مو طبيعي وشاف الحبوب الي اخذها عالميز يمي شالني وحطني بالبانيو وفتح ألمي البارد عليا

علاء: شفت حالت عمر هيج نقهرت علي وحسيت بالذنب شلون عفتة لاخوية يصير بي هيج ؟!شلون عائلة احنا التهينا  باخونة المات ونسينا الي عايش والي دفنا احنا بالحياة

شلتة شمرتة بالبانيو وفتحت ألمي البارد بدأ يرجف طلعتة لفيتة بالمنشفة وبدلت هدومة هو بعدة مابي حيل وممستوعب وفاقد اصلا بس يباوع وبدا يبجي مسكت ايدة وكتلة ياخي باوع بعيوني الي تريدة يصير بس لازم تتعالج من الي انتة بي  حياتك لازم ترجع مثل قبل 🥺