عيونها

كان يا ماكان «حلمي انتة »

للكاتبة :ايلا .🦋

عمر :بعد مدزيت رسالة لميس بقيت انتضر ماكو اي رد شافتها ومردت تخبلت يعني ليش مترد ؟!

رحت لاخوية كتلة انو يسأل عليها
علاء:رحت سألت وستفسرت وطلع عرسها بعد اسبوع ، وهذا عمر صاير نار مخبل بشي اسمه ميس شلون راح اكله انو ميس راحت لقسمتها خلص هيا مو اله ؟!

رحت  لعمر كاعد بغرفتة من وصل من امريكا مطالع من البيت منتظر اردله خبر
فتت للغرفة كعدت يمة وكتلة :
عمر صح احنا جنة غلطانين وضغطنة عليك هواي وخليناك تاذيها الميس بس صدك لو هيا قسمتك مجان عافتك ف يا اخوية اريد منك تنساها وتكمل حياتك واني اجيبلك احلى بنية وماكو وحدة ترفضك .

عمر :ليش كلت هذا الكلام ؟!
علاء :عمر ميس مخطوبة وعرسها بعد كم يوم وانت لازم تنساها مثل ما كلت الك  واتفقنا باامريكا

عمر :منو اتفق وياك انت حجيت واني مرديت ، روح خلص ممنونك
علاء  :عمر دير بالك تقرب لبنت العالم ، انت روحت حق اخوية من رجعتها لبيت اهلها وسامحناك هسا تريدها ترجع الك وهم غصب لا هالمرة اني احط طلقة برأسك قبل متاذيها يكفي لهنا وبس .
عمر :احمد اطلع برا
علاء :طالع بس الكلتة مينعاد
عمر :تمام بس اطلع

علاء :طلعت وكلبي ناغزني واعرف بعمر مو راحة

عمر :طلع احمد اني فرت صرت بركان اي احد يحاجيني انفجر بوجها خابرت واحد من جماعتي تفقت وياه  اخطف ميس قبل يوم العرس

عمر:بقيت اراقب ميس لمدة ثلاث ايام واليوم الي قبل العرس شفتها طالعة من البيت هيا و وخطيبها و وياهم بنات ركبت السيارة وياهم واني خابرت صديقي لحكتهم وخليته يجيني بنفس المكان ضميت نفسي بقيت بعيد عنهم لحد مراحت للحمام اني مرحت الها دزيت الولد حسام خطفها الي وجابها ب بيت النا بس بعيد عن وسط المدينة .

ميس :فتحت عيوني واشوف ايدي مشدودة واني نايمة على سرير كلش حلو والمكان مرتب والغرفة بيها شباك المنظر برة يفتح النفس بس هدوء كأنما ماكو اي احد اريد اتحرك طلعت حتى رجلي مشدودة تذكرت الي صار وكمت ابجي مر وقت قصير ودخل علي عمر هنا بقيت صافنة ليش هوا؟!!!!

عمر :دخلت الغرفة الي بيها ميس واشوف عيونها الي اعشقها مليانة  واللون الأخضر بعينها صاير احمر ، تقربت الها كعدت يمها بالكاع حطيت عيوني بعيونها وكتلها
ميس حبيبي الله يخليج سامحيني والله جنت غلطان وانتي شفتي اهلي شلون جانو يضغطون عليا الله يخليج خل نرجع 🥺