رواية لبوة ثائر
للكاتبه M. A. M
البارت 12
موش احنة ياهو الچان يفهم حچينا
أحنه الضحچ مرات رمز لبچينا !
عريان
༺༽لبوه༼༻
عفت الموبايل و اني اكول بس لا يالي سويتها غلط كعدت احضر السحور بعدها كعدت ماما و بابا و بيبي كعدوا ياكلون اني بس شربة مي و اكلت ٣ تمرات و رحت ارش الحديقة لحد مكملوا رجعت غسلت مواعين و نظفت المطبخ توضيت شفت بابا كاعد يقراء قران رحت كعدت يمه احس اكو جبل بكلبي مادري شنو اسوي خليت راسي على جتفه و اسمع صوته و هو يقرا من كمل سدها و كلي
ـ بيج شيء باباتي
بدون مارفع راسي كلت ـ ماكو شيء بس تعبانه بابا
ـ ليش باباتي اشوف وجهج مريضه بيج شيء
لزم وجهي بيده و هو يباوع عليه و يحجي كتله
ـ لا بابا مو مريضه بس مشتاقه للموصل صار سنه احنه مشايفينها غير بالاخبار بابا لو شكد مابقينا هنا احنه نبقى غربه و الناس مترحم
ـ احد حاجي وياج شيء
ـ لا بابا بس هيج احساس يمكن لانو مضايقه
ـ ان شاءالله نرجع
ـ ان شاءالله.......(بضحك) اني صعدت عندي الحاله و تعبتك ويايه بابا
ـ بالعكس يا بابا افرح من تشاركيني شيء يضايقج انتي جوهرتي لبوتي اني دوم وياج و بظهرج ان شاءالله بنيتي
حضنته ـ الله يديمك الي ان شاءالله
بهاي لحظه دخلت ماما ـ الاب و بنته كاعدين وحدهم شكو الله يستر
علي ـ انتي الاصل ام لبوه تعالي
نازك ـ لا تعالوا انتم صلوا ترا اذن
لبوه ـ اني اروح اصلي بغرفتي
ـ اي يلا روحي باباتي و مثل مكتلج لا تفكرين هواية
اخذت الموبايل و صعدت لغرفتي ارتاحيت من حجيت ويا بابا لبست المصلايه و كفت اصلي من كملت ردت انام دك موبايلي جانت هبة الله نسيت كالتلي انتظرها رديت
ـ الو هبة الله
༺༽هبة الله ༼༻
عمو ثائر من رجعنا للبيت كال راح اروح للمزرعه مالتي عندي اشكم شغله بيها اكملها و لسحور ارجع راحوا هو و اخوية احمد جنت كاعده ادرس بغرفتي السبت عندي امتحان اقتصاد وصلتلي رساله من لبوه على شكل صور استغربة شنو هذني عبارة عن صور لمحادثة ويا واحد اسمه ثائر ال..... و صفحه اصلا مابيها صور حجيت وياها انه هم استغربة من شفت رسائل هذا مو حجي عمو ثائر انه اعرفه بسرعه تصلت علي اشوية و رد
هبة الله ـ الو عمو
ـ ها هبة الله
ـ عمو شوكت تجي للبيت
ـ ليش بعد عمج محتاجه شيء اجيبه ويايه
ـ ها لا بس ردت اكلك شيء عود من تجي اكلك انته شوكت تجي
بستغراب ـ هسه بعد عمج شويه و احنه بالبيت
ـ تمام عمو الله وياك
كعدت انتظر يجي عمو بس اجت عمه اشواق و كالت
ـ اشوكت ناويه تنزلين تحضرين السحور ويانه ترا راح ياذن
ـ عمه جايه ادرس
ـ الدرس ميطير امشي انزلي ويايه يله
ـ جايه وراج هسه
ـ لا لا تنزلين ويايه هسه
أنت تقرأ
لبوة ثائر
غموض / إثارةفتاة تهرب من بين يد الارهاب﴿داعش﴾ لتقع بين ايدي ﴿رجال عشائر﴾ وتكون اسيره لعادات وتقاليد لا علاقة لها بها #لبوه..........
